O ALUMNADO DE 1º ESO PRACTICA VELA E KAYAK

As nove da maña do 2 de octubro o alumnado de primeiro de ESO, acompañados polas profesoras doña Susana Puente y doña María Dieguez, subía nun vitrasa rumbo a escola de vela en Bouzas.

Alí practicaría as actividades deportivas de vela e Kayak dirixidos por monitores especializados.

Foron momentos divertidos descubrindo deportes, momentos de compartir experiencias novas cos compañeiros e companeiras.

 

 

DESCUBRINDO VIGO COAS NOSAS CÁMARAS

O trinta de setembro un ano mais o alumnado de TIC saíu a percorrer as rúas de Vigo na procura de plasmar o entorno desde outra mirada.

De novo o cor, os espazos baleiros, a auga, as profesións e os retratos foron os protagonistas deste percorrido que nos levo desde o noso centro ata o museo Marco.

Transitamos polas rúas do centro e as do casco vello. Nos paramos na Alameda e os xardins de Elduayen .Descubrimos a historia do “Cable inglés” nos recientemente inagurados xardíns no peirao de trasatlánticos, onde a presencia dun o inundaba todo. Pasamos diante da escultura da glorieta de A Laxe, observamos a figura paraboloide, para despois desde o alto, parados na pasarela, voltar a mirala desde otra prespectiva.

No Marco esperabannos as exposicións “Eidos da imaxe. Grafías dos feitos e do pensamento” e “SCORE, o espazo entre imaxe e son”.

Na primeira observando as imaxes, ao tempo que as monitoras nolas ían descubrindo, fomos participes do estreito vínculo que pode haber entre a arte, o coñecemento e o saber científico.

Na segunda tomaba protagonismo a relación entre a imaxe e son. Gozamos do cinema experimental.

Compartimos e aprendimos.

 

 

O ALUMNADO DE 2º ESO VISITA ECOPARQUE

O alumnado de 2º da ESO acompañado polas profesoras doña Susana Puente y doña Lucia Alonso visitaron as instalacións  de "Ecoparque" en Marín.

O ALUMNADO DE DEBUXO DE 2º DE BACHARELATO VISITA A FUNDACIÓN BARRIÉ

O pasado do 25 de setembro de 2014, o alumnado de Debuxo de 2º bacharelato A, acompañado polo profesor, don Carlos García, achegouse á Fundación Barrié para admirar a fantástica montaxe da exposición sobre arquitectura co nome "Compañeros de Oficio", na que se pretendía dar a entender a vinculación que existe entre os arquitectos con maiúsculas do século XX e arquitectura tradicional nas diferentes partes do globo.

A parte de visita guiada, que resultou moi clarificadora, a exposición estaba ambientada non so con planos e paneis informativos tamén con maquetas dos diferentes proxectos elixidos, nos que aparecían tanto os exteriores como os interiores de algunhas delas. Un traballo exquisito. Todo un luxo.

 Folga dicir que o comportamento dos rapaces foi exemplar.

"A CAIXA MISTERIOSA"

Entre as actividades de fin de curso do IES ROSAIS 2 os alumnos de Relixión de 1º ESO, baixo a dirección do seu profesor Miguel Martínez, representaron para os seus compañeiros unha obra teatral co título de A caixa misteriosa. Na obra hai unha caixa, un psiquiátrico, un grupo de descoñecidos no camiño de Santiago, hai tolos e asisados... Todos eles concorren para nos falar de soños. Soñar como primeiro paso para acadar o soñado; soñar inda que semelle distante, imposible, mesmo loucura; soñar para que estes rapaces fagan realidade as mellores de tantas cousas posibles. Ben se ve que cualidades non lles faltan.

 

EXPOSICIÓN FINAL DE CURSO PLÁSTICA 2014

Durante as últimas semanas do curso realízanse distintas exposicións.

Os alumnos de Educación Plástica e Visual de 1º,3º,4º mostran nunha exposición os resultados de moitas horas de traballo. Interpretacións, arte en tres dimensións, figuras imposibles, ilusións ópticas, deseño gráfico, litografía, debuxos de fractales, retratos e autorretratos.

Todos estes traballos están cargados de gran inventiva creación e destreza polo que, os seus profesores , Mª Antonia Pascual e Carlos García, séntense moi orgullosos.

 

6ª EDICIÓN DO CONCURSO "NOVOS TALENTOS RELATO CURTO DE COCA-COLA"

Despois dunha 1ª fase de clasificación no instituto IES Santa Irene, no que tiñamos que escribir un pequeño relato a partir dunha fotografía que tiña como tema base a auga doce, e con máis de 500 participantes, tres alumnas de 2º de ESO do noso IES fomos seleccionadas para ir á entrega de premios celebrada na Cidade da Cultura en Santiago de Compostela o venres 6 de xuño;  Candela González, Ana Sanuy e eu mesma, Ana R. Cervino.

Mentres esperabamos o ansiado momento e co correspondente desacougo por coñecer o/a primeiro premio, fixemos una visita guiada pola exposición sobre a auga (pura coincidencia co tema do noso relato) de máis ou menos una hora de duración e na que puidemos ver cadros e esculturas de autores como Óskar Kokoshkar e Leiro.

Sobre as sete da tarde comezaba o acto. Nominaron  por sectores. No sector de Vigo, quedou en 6º posto Candela Gónzalez, no 3º posto saiu Ana Sanuy. Eu xa estaba a poñerme moi nerviosa, tan só quedaban os dous primeiros postos. ¿E se quedaba de 1ª? E comezaron a chamar ós segundos. Soou entón o meu nome. As do instituto Rosais 2 ocuparamos os postos pares. Nominaron logo ós primeiros por sectores e, tras una foto de familia, o nome da gañadora a nivel galego: Paula Rodríguez Franco do IES Marqués de Sargadelos de San Cibrao, que irá unha semana a Madrid onde se reunirá con todos os gañadores das distintas Comunidades Autónomas para participar nun obradoiro literario a cargo de escritores e escritoras recoñecidos.

Todo o acto estivo salpicado de pequenos sketchs que parodiaban as redes socias e o mal que poden facer ás relacións persoais. Iso fixo que fose ameno, fluído e dinámico.
Por último, un catering que ninguén esperaba (moi saboroso por certo). E todos voltamos a casa. Para o ano que vén máis e mellor.

 

CHARLA "NAVEGA CON RUMBO"

O seminario de tecnoloxía organizo a charla "Navega con rumbo" para os alumnos de TIC de 1º de Bacharelato o luns 19 de maio.

O enxeñeiro informático Iván Luis Vázquez foi quen impartiu a charla.

Captando a atención do alumnado dende un inicio, falou da importancia de coñecer as vantaxes e os perigos que entraña facer uso.

Fixo fincapé en que coñecer e previr son fundamentos clave para navegar seguro por Internet e ao utilizar calquera medio actual de comunicación, como pode ser washapp.

Tratou temas como: os spam, os hoax ou contos, o phishing, o ciberbulling, o groomig, as redes de intercambio-P2P, dun xeito claro, indicando os pasos que se deben seguir no caso de que se fose vítima dalgún deles.

Finalizou a charla con recomendacións para non ter ningún problema á hora de utilizar Internet: uso de contrasinal axeitado, coidar a privacidade, ser respectuoso cos demais, utilizar antivirus, entre outras.

Quedamos con esta frase:

"Non fagas en Internet o que non farías na vida real".

 

CHARLA-DEBATE ARREDOR DA OBRA DA ESCRITORA LEDICIA COSTAS

O xoves, 15 de maio, o alumnado de 2º curso da ESO tivemos o privilexio de disfrutar da presenza de Ledicia Costas, a autora de O corazón de Xúpiter, esa novela que nos engaiolou a todos e, sobre todo,  a todas dende o primeiro momento.

Que non podiamos parar de ler pola intriga de descubrir quen era Xúpiter e como acabaría aquela relación cibernética coa protagonista.

Que algúns lemos dunha tirada na tarde do domingo anterior ao exame.

Que outros lemos dúas veces de tanto que nos gustou.

Que varios recomendamos a familiares e amigos para facelos partícipes das nosas emocións.

Que nos indignou cando descubrimos o tráxico final, que non estabamos dispostos a  aceptar por nada do mundo, por consideralo inxusto  e cruel.

Que nos revolveu as entrañas facéndonos sentir todo tipo de emocións, dende u odio ao amor, pasando polo medo; dende a rabia e a impotencia á compaixón e á comprensión.

Pero, sobre  todo, que nos permitiu identificarnos, vernos a nós mesmos/as cara a cara coa realidade da vida, mesmo nos seus aspectos máis duros, nos seus momentos máis intensos:

O amor, o desamor, a primeira relación, o acoso escolar, a amizade, as relacións con persoas doutro sexo, a droga, a familia, a morte, a morte na flor da vida…. Todo un cóctel, no que non falta ningún ingrediente da adolescencia do noso tempo, perfectamente remexido e contado de xeito áxil e natural, para facernos pensar, discutir, reflexionar … para  facernos sentir o pulso vital.

En definitiva, para axudarnos a medrar.

    Moitas grazas Ledicia!!!