Pais/Nais
Física e Química
Dª María Goretti Castro Justo. Xefa de departamento
D Xenxo Pérez García
D Armando Candal Franco
Dª María del Carmen Costas Lago
Programacións didácticas 23-24
4º ESO. Conceptos. Exercicios. Actividades |
|
2º BAC. Conceptos. Exercicios. Actividades |
Charla “Que significa investigar”
admin — Mér, 13/12/2023 - 12:52
O 29 de setembro, o alumnado de 3º ESO asistiu á charla “Que significa investigar” na que Mª Asunción Longo González, investigadora da Facultade de Enxeñaría Química da UVigo, achegou o labor investigador que se realiza na universidade ao noso alumnado. Ofrecéronnos esta charla con motivo da G-Night, a Noite Europea das Persoas Investigadoras. Este é un evento de divulgación científica que se celebra de xeito simultáneo en cidades de toda Europa, o último venres de setembro e que, no caso de Galicia, está coordinado pola Universidade de Vigo. A actividade foi organizada polo Departamento de Física e Química do instituto.
Obradoiro científico "Explorando a cosmética...con Ciencia"
admin — Lun, 24/10/2022 - 22:12
O venres 14 de outubro, o alumnado de Física e Química de 1º de BAC B e C participou no taller científico "Explorando a cosmética… con Ciencia". O alumnado de 1º BAC A participará no mesmo o día 26 de outubro. No taller, o noso alumnado creou cremas hidratantes e bombas de baño e estudaron as variables que inflúen nos resultados obtidos. Antes desta parte práctica, os investigadores de CINBIO que nos ofreceron o taller, explicaron como funciona un proceso de investigación e fixeron un breve repaso ao método científico e á importancia de traballar con rigor e seguindo unhas metodoloxías concretas.
CINBIO (Centro de Investigacións Biomédicas da Universidade de Vigo) está a organizar estes obradoiros para dar visibilidade ao labor dos investigadores e investigadoras e fomentar as vocacións científicas entre o alumnado.
A actividade estivo a cargo de María del Carmen Costas Lago e Marta López Pico, profesoras do departamento de Física e Química do instituto.
Charla Física Re-Creativa
admin — Mér, 22/06/2022 - 20:02
O luns 20 de xuño o alumnado de 3º ESO asistiu á charla “Física Re-Creativa” sobre algúns temas relacionados cos contidos da Física nos primeiros cursos dos graos en Enxeñería. A charla foi lúdica e práctico-experimental, para a comprensión de procesos naturais concretos a través da experimentación directa con materiais e obxectos cotiás. A actividade estivo a cargo dos profesores Goretti Castro, María de Álava e Xenxo Pérez do departamento de Física e Química. O relator foi José Benito Vázquez, profesor da Escola de Enxeñaría de Minas e Enerxía da Universidade de Vigo.
Charla Fluídos Divertidos
admin — Mér, 22/06/2022 - 19:46
O luns 20 de xuño o alumnado de Física e Química de 4º ESO asistiu á charla “Fluídos divertidos” na que participaron na realización de experimentos con fluídos. A actividade estivo a cargo da profesora Goretti Castro do departamento de Física e Química. O relator foi Eduardo Suárez, profesor da área de Mecánica de Fluídos da Escola de Enxeñaría Industrial da Universidade de Vigo.
Olimpíada Química
admin — Mér, 22/06/2022 - 14:46
O 15 de xuño celebrouse a Olimpíada de Química na que participou alumnado de 3º e 4º da ESO do centro. Foi unha experiencia moi interesante onde os equipos estaban formados por alumnado de distintos institutos. Foi unha mañá na que tiveron distintas probas tanto no exterior como nos laboratorios da Facultade de Química da Universidade de Vigo.
Charla da Escola de Enxeñaría de Minas e Enerxía
admin — Lun, 25/04/2022 - 20:56
O 8 de abril o Departamento de Orientación organizou para o alumnado de 1º Bacharelato A unha charla sobre os estudos da Escola de Enxeñaría de Minas e Enerxía da Universidade de Vigo. Tivemos a sorte de contar con Elena Alonso Prieto, directora da Escola, como relatora.
SEMANA DA CIENCIA 2021-22.
admin — Mar, 21/12/2021 - 00:38
A semana pasada celebramos a primeira Semana da Ciencia do IES Rosais 2. Os Departamentos de Ciencias organizaron actividades, experimentos e xogos nos que participou activamente o alumnado da ESO e Bacharelato durante os recreos. Desta forma experimentaron e viron de forma práctica a utilidade de moitas das cousas que estudian e ven de forma máis teórica nas clases. No seguinte vídeo tedes algunhas das actividades que fixemos e pode verse a motivación e o interese da comunidade educativa, o que nos anima a repetir este tipo de citas científicas.
DÍA INTERNACIONAL DAS NENAS NAS TIC.
admin — Ven, 07/05/2021 - 18:45
DÍA INTERNACIONAL DAS NENAS NAS TIC
O alumnado de Cultura Científica de 1º BAC participou na charla/obradoiro POR QUE “NACÍN” ENXEÑEIRA? Coa axuda de enigmas e xogos, a investigadora Eva Cernadas viaxa pola vida dalgunhas inventoras da historia, e da súa propia, para debullar polo miúdo as motivacións que levan as mulleres a dedicarse profesionalmente a enxeñería. A actividade estivo a cargo de María Collazo, profesora do Departamento de Física e Química.
Relator: Eva Cernadas, investigadora vinculada ao CITIUS (Centro Singular de Investigación en Tecnoloxías Intelixentes da Universidade de Santiago de Compostela).
Buscar
Blogs do centro
Redes Sociais
Proa+