FPInnova 2017

Logo
Logo
Logo
Logo
Logo
Logo

App FPInnova

Descargue a app FPInnova do appstore

Descargue a app FPInnova do googleplay

 

A Consellería de Cultura, Educación e Ordenación Universitaria, despois do éxito da primeira edición, organiza novamente o Congreso de Innovación na Formación Profesional, que terá lugar os días 10, 11 e 12 de maio na Cidade da Cultura de Galicia.

O congreso contará cunha zona expositiva, na que se amosarán algúns dos proxectos de innovación tecnolóxica e didáctica desenvolvidos por centros galegos de formación profesional, así como proxectos resultantes do Plan de Emprendemento no Sistema Educativo de Galicia, eduemprende.  

O acceso a estes espazos ten carácter gratuíto para o público en xeral. Aqueles centros que desexen organizar unha visita para alumnado deberán cubrir unha solicitude de inscrición a través desta páxina web, segundo as instrucións que recibirán por correo electrónico.

Os obxectivos do congreso e da exposición son:

Facer partícipe a comunidade educativa e a sociedade da potencialidade dos centros de formación profesional cara á innovación tecnolóxica e didáctica e o emprendemento, destacando a importancia para o futuro das actuacións que se están a levar a cabo nos centros que imparten estas ensinanzas.
 
Difundir a importante actividade innovadora xerada polo profesorado e o alumnado de formación profesional: proxectos de innovación tecnolóxica en colaboración con empresas, a FP Dual, a Rede de Centros Integrados de Formación Profesional e as crecentes colaboracións co sector produtivo.
 
Dar un paso máis na relación coa pequena e a mediana empresa dos centros e das redes de centros de formación profesional, na procura dunha mellora continuada dos procesos produtivos, do incremento da competitividade e da internacionalización.
 
Afianzar a cada vez maior colaboración entre os centros de FP e os sectores produtivos correspondentes, que redunde nunha mellora da cualificación e da empregabilidade dos/das futuros/as profesionais.

 

L M M X V S D
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30