Xúntase a Orde do 22 de marzo de 2024 pola que se convoca concurso de méritos para a selección e o nomeamento dos directores e directoras dos centros docentes públicos que imparten as ensinanzas reguladas na Lei orgánica 2/2006, do 3 de maio, de educación (DOG nº67, do 5 de abril).

O prazo de presentación de solicitudes abranguerá desde o día 8 de abril de 2024 ata o día 26 de abril de 2024.

A solicitude de participación xerada previamente na páxina web http://www.edu.xunta.gal/cxt, xunto coa documentación precisa, presentaranse obrigatoriamente por medios electrónicos na sede electrónica da Xunta de Galicia https://sede.xunta.gal, mediante a solicitude xenérica dispoñible na sede electrónica (código de procedemento PR004A), e dirixirase á xefatura territorial da Consellería de Cultura, Educación, Formación Profesional e Universidades da provincia correspondente.

• Portal educativo

Hoxe presentámosvos unha actividade para o terceiro trimestre. Somos perfectamente conscientes da importancia que ten a avaliación en todo proceso docente. Por iso, apostamos por Juan Fernández e Mariana Morales para que nos iluminen o camiño coas súas experiencias e aprendizaxes. Os autores do libro "Avaliación formativa: Estrategias eficaces para regular el aprendizaje" serán os encargados de impartir as docencias da actividade L2301034 Regulación da aprendizaxe a través da avaliación formativa. 20 horas (5 delas non presenciais), que se desenvolverán no CFR Lugo os días 25 e 31 de maio. Así como 1 e 5 de xuño.

Obxectivos

1. Reflexionar sobre a avaliación formativa, formadora e sumativa.

2. Analizar instrumentos e estratexias de avaliación formativa: rúbricas, modelos, retroacción de calidade, evocación e metacognición.

3. Vencellar a avaliación formativa cos obxectivos de aprendizaxe e cos criterios de avaliación do currículo.

Contidos

1. Avaliación formativa, formadora e sumativa.

2. A avaliación formativa como un elemento de acompañamento ao alumnado.

3. Regulación das aprendizaxes durante o proceso de ensinanza-aprendizaxe.

4. Procesos, estratexias e instrumentos de avaliación.

5. Rúbricas, modelos, retroacción de calidade, evocación e metacognición.

No mes de abril, abordaremos a eficacia da expresión dramática e teatral como ferramenta pedagóxica e lúdica para as clases de linguas. Axudando así, ao desenvolvemento da competencia comunicativa ao tempo que favorecemos a inclusión. Será a través da actividade L2302002 Aprendizaxe de linguas a través de técnicas teatrais, de 10 horas de duración e que terá lugar no CFR Lugo. Os días elixidos son: 3, 10 e 17 de abril. Os relatorios correrán a cargo de Rosalía Fernández Rial. Se estás interesado/a, estás a tempo de inscribirte na plataforma Fprofe.

Obxectivos

1. Fomentar a aprendizaxe activa das linguas poñendo o foco na comunicación oral e expresión corporal. 

2. Empregar técnicas dramáticas que faciliten a interacción e a fluidez na comunicación. 

3. Integrar ferramentas e metodoloxías comunicativas para desenvolverse en espazos culturais variados.

Contidos

1. Técnicas dramáticas aplicadas á ensinanza de linguas: role play, simulación, micro teatro, teatro improvisado. 

2. Estratexias e recursos dramáticos que exercitan e facilitan a interacción lingüística. 

3. Aplicación dramatizada das novas tecnoloxías: curtametraxes, cancións, vídeos de anuncios, películas, dobraxe. 

4. Creación literaria desde a improvisación e traballo con textos literarios en escena. 

• Obxectivos: 

1. Manexar con fluidez a normativa vixente segundo as necesidades.
2. Ser quen de aplicar de forma axeitada a normativa vixente.
3. Actuar como referente resolvendo dúbidas normativas entre os compañeiros.

• Contidos: 

1. Procedemento administrativo común.
2. Réxime xurídico aplicable aos centros e aos órganos colexiados.
3. Normativa aplicable ao persoal funcionario e laboral.
4. Normativa financeira.
5. Normativa relativa ao menor.
6. Protección de datos.
7. Permisos e licenzas.
8. Tramitación de seguros.

• Competencias profesionais:
  • Competencia en organización escolar e colaboración.
  • Coñecemento da normativa actualizada. 
• Detalle da actividade (Fprofe).

Inscrición aberta en Fprofe: G2301040.

No CFR Lugo xa nos estamos a preparar para o terceiro trimestre. Unha das últimas actividades desde 2023-2024 será L2302003 Calidade de recursos educativos. REA. 15 horas presenciais na Aula 2 do CFR Lugo da man de Julio Mosquera. Unhas xornadas nas que afondaremos nos Recursos Educativos Abertos e para as que aínda admitimos inscricións ata o próximo 18 de marzo.

Datas: 15, 22 e 29 de abril. 6 e 13 de maio.

Horario: 17:00 horas a 20:00 horas

Obxectivos

1. Utilizar estratexias de busca baseadas no coñecemento e funcionamento dos motores de busca.

2. Usar sistemas de catalogación e metadatos de contidos en Internet.

3. Aplicar criterios para a selección de contidos educativos dixitais de calidade axustados ás necesidades da aula.

Contidos

1. Utilización de estratexias de busca baseadas no coñecemento e funcionamento dos motores de busca.

2. Uso de sistemas de catalogación e metadatos de contidos en Internet.

3. Aplicación de criterios para a selección de contidos educativos dixitais de calidade axustados ás diversas necesidades vinculadas coa súa utilización na aula.

Indicadores de competencias

1. Compromiso profesional - A2 - 1.4.A.2.1. Aproveita as oportunidades de aprendizaxe no seu centro e as que obtén a través da rede para o seu desenvolvemento profesional.

2. Contidos dixitais - A2 - 2.1.A.2.1. Identifica, con asesoramento, os requisitos que debe cumprir un contido dixital para axustarse a unha situación concreta de aprendizaxe e aplica os criterios correspondentes para a súa busca e selección, incluíndo a compatibilidade coas plataformas virtuais establecidas polas AA. EE. ou as persoas titulares do centro.

2. Contidos dixitais - A2 - 2.1.A.2.2. Coñece o funcionamento e utiliza os repositorios de contidos institucionais e os empregados polo centro educativo.

2. Contidos dixitais - A2 - 2.3.A.2.1. Aplica en contornos controlados ou contextos específicos a compartición, xestión e intercambio seguro de recursos utilizando os formatos e estándares apropiados.

2. Contidos dixitais - A2 - 2.3.A.2.2. Aplica, con axuda dunha persoa mentora, o sistema de catalogación establecido pola A. E. ou pola persoa titular do centro nas súas plataformas e servizos para indexar contidos educativos dixitais introducindo metadatos e empregando as etiquetas adecuadas.

No CFR de Lugo estamos moi concienciados coa renovación e transformación de espazos. E se vai á par da innovación educativa, aínda mellor. Xa se lle engadimos a integración e a inclusión, semella poesía para os nosos oídos. Pois teremos todos estes ingredientes na actividade L2301006 A transformación de espazos para favorecer metodoloxías activas e inclusivas. 20 horas de formación na Mariña, no CFR de Burela, que terán lugar entre o 10 e o 25 de abril (16:00 horas a 20:00 horas).

Relatores

10 de abril: María Paz Gonçalves López (Escola Amadahi).

11 de abril: Judit Santos (Cooperativa Miudiño) e Sergio García Liñares (mestre de primaria).

18 de abril: Víctor González García–Echave (Palitroques).

24 de abril: Fermín González Blanco (Sistema LUPO).

25 de abril: Idoia Cuesta (Cestaría contemporánea).

Obxectivos

1. Favorecer unha educación competencial desde o proceso de cambio dos espazos educativos.

2. Repensar a escola desde a perspectiva da transformación dos espazos: traballo por proxectos, patios inclusivos, aprendizaxe cooperativa…

3. Planificar, deseñar e avaliar a proposta práctica co obxectivo de transformar os espazos educativos.

Contidos

1. A transformación dos espazos como parte do proxecto educativo.

2. Metodoloxías activas vinculadas á transformación dos espazos educativos: traballo por proxectos, patios inclusivos, aprendizaxe cooperativa…

3. Educación ambiental – desenvolvemento sostible.

4. Educación competencial. Avaliación.

Este mércores 28 de febreiro iniciamos unha nova actividade de Idiomas no CFR de Lugo. L2302005 - Fomento das destrezas orais en linguas estranxeiras contará con 12 horas presenciais para mellorar a capacidade comunicativa dos nosos docentes. Cristina Cabal e Paula Gómez serán as mestras de cerimonias dunha actividade que terá as dúas últimas sesións na vindeira semana, os próximos venres 8 e sábado 9 de marzo.

Obxectivos
1. Desenvolver a competencia comunicativa do profesorado e a súa autonomía investigadora.
2. Enriquecer as boas prácticas educativas con distintos recursos analóxicos e dixitais.
3. Actualizar a formación metodolóxica do profesorado a través da súa lingua de aula: alemán, francés, inglés, italiano e portugués.

Contidos
1. Análise de temáticas transversais e relevantes para o proceso de ensino-aprendizaxe.
2. Recursos para a mellora das prácticas educativas.
3. Estratexias para o desenvolvemento das destrezas de expresión e mediación orais en alemán, francés, inglés, italiano e portugués.

Encontros

L2303003 Encontros de cargos directivos da provincia. Curso 2023-2024

Duración: 8 horas  

Lugar de celebración: CIFP As Mercedes - Lugo

Datas: 2 de marzo (sábado)

Horario: 10 a 14h. (sesión de mañá) e de 16 a 20h. (sesión de tarde)

Relator@s:

Inmaculada Fernández Teijeiro (Subdirectora Xeral de Ordenación, Inclusión e Innovación Educativa)

Ana María Alzate Rodríguez (Xefa do Servizo de Inclusión, Orientación e Convivencia)

Íñigo Barreiro García (Inspector de Educación - Lugo)

José Manuel Valcarce López (Director do IES Xograr Afonso Gómez de Sarria e Presidente da Asociación de Cargos Directivos de Lugo e Provincia - ACADILUP)

Sonia Cantalapiedra Álvarez (ACADILUP)

 Luís Carlos Parada González (ACADILUP)

OBXECTIVOS

- Xestionar e coñecer a normativa que afecta aos centros educativos.

- Afondar no coñecemento das medidas de atención á diversidade.

- Avanzar na mellora da dirección escolar.

Asesor: Camilo Conde Iglesias

Neste segundo trimestre non nos olvidamos de todo o profesorado amante da Educación Física. A través da actividade L2301039 Xogos e deportes alternativos ofreceremos un amplo abano de posibilidades para a aula tanto a nivel teórico como práctico. José Manuel Freire Piñeiro será o relator dunha actividade de 12 horas que se celebrará no CEIP de Casás da capital lucense. As datas escollidas son os días 6, 13, 20 e 21 de marzo, en horario de 17:00 horas a 20:00 horas. A inscrición aínda se atopa aberta en FProfe.

Obxectivos

1. Coñecer propostas didácticas de deportes alternativos.

2. Familiarizarse cos espazos e materiais que se precisan para a práctica dos deportes alternativos propostos.

3. Promover os deportes alternativos como contido nas sesións de EF.

Contidos

1. Fundamentos didácticos de: datchball, kitball, floorball e pickeball.

2. Normativa dos deportes alternativos propostos.

3. Manexo do material específico que se emprega nestas modalidades.

4. Propostas didácticas para a introdución destes deportes.

OBXECTIVOS

1.Identificar os sinais que poden alertar dunha situación de violencia de xénero.

2.Coñecer estratexias que favorecen o bo trato nas relacións de xénero e a igualdade de oportunidades.

3.Coñecer boas prácticas, materiais e recursos que favorezan o bo trato nas relacións de xénero así como a igualdade de oportunidades.

CONTIDOS

1.Sinais de alerta referidas a situacións de violencia de xénero.

2.Accións para promover a igualdade de oportunidades e o bo trato nas relacións de xénero.

3.Recursos e boas prácticas.

4.Experimentando algunha práctica na aula/centro.

ENLACE A FPROFE