Este ano de novo contamos coa axuda do voluntariado da Biblioteca escolar para realizar un contacontos coa temática do nadal, neste caso para os nenos e nenas de Educación Infantil.

O conto escollido foi A familia de Basilia, unha historia na que falamos do que é verdadeiramente importante nestas festas: pasar tempo cos amigos e a familia.

Moitas grazas polo voso esforzo! Para finais de curso prepararemos outra divertida historia coa axuda dos voluntarios e voluntarias que non puideron participar neste.

Esta semana as voluntarias e voluntarios da biblioteca baixaron ás aulas de Infantil para ler un conto aos máis pequenos do cole, preparando con moita ilusión unha pequena escenificación das historias que escolleron. Todes quedaron moi contentos e xa teñen ganas de repetir a experiencia! ...

Podedes ler máis no blogue da biblioteca, PULSA AQUÍ

Boa tarde!

Agardo que esteades a desfrutar da ponte do Entroido. Aquí deixámosvos un vídeo coas fotografías tomadas na festa de entroido no cole. Saúdos! 

Ao CEIP de Arzúa concédeselle a distinción de Arzuáns do ano xunto con outras dúas entidades desta vila.

É un recoñecemento á labor educativa do ensino público: traballamos por proxectos en varios programas de innovación educativa  dentro do Plan Proxecta, convocados pola Consellería de Educación. Dende o ano 2010 traballamos en varios programas:  Climántica, Sustentabilidade e Paisaxe, Xogade, Aliméntate Ben, Nós tamén creamos e Protexe aos animais, onde recibimos numerosos premios.  

Pero o maior recoñecemento chegounos o pasado ano 2016 onde nos conceden o 1º PREMIO PLAN PROXECTA 2016, a nivel de toda Galicia.

Todos estes recoñecementos son posibles gracias á implicación de todas as familias, mestres e mestras, todos e cada un dos compoñentes da Comunidade Educativa destre centro pero, sobre todo, ao traballo incondicional e   motivador dos nosos nenos e nenas,  que poñendo en marcha un traballo en equipo ben feito, o traballo cooperativo onde se comparten coñecementos en moitas actividades onde son protagonistas , a educación en  valores e o desenvolvemento competencial.

 Dende aquí quero facer chegar a NORABOA por este traballo en equipo ben feito, e que estamos todos e todas invitados á entrega desta distinción o sábado 4 de marzo na carpa do campo da feira ás 12 horas no acto da lectura do pregón da FdQ xa que TODOS E TODAS SOMOS PROTAGONISTAS.

Para facelo partimos dun estudio pormenorizado das diferentes sección dun xornal...que plasmamos e recollemos nun mural...

Para completar o estudo da vida e da obra de Rosalía de Castro, hoxe, fomos a Padrón a visitar a súa casa museo, ademáis de facer outras actividades non menos interesantes como visitar o espolón, o Convento do Carme, o xardín botánico-artístico...

Gracias a este fantástico vídeo podemos mostrarvos a fermosa experiencia que vivimos ao asistir ao concerto de Najla Shami na Casa da Cultura, onde interactuamos en todo momento, con pandereteiras, bailarín e bailarina incluídas.