Nos próximos días publicaremos instrucións e información sobre o comezo de curso.

De momento adiantámoslles o seguinte:

As clases serán en horario de mañá, de 08:30 a 14:10, para o alumnado de ESO, o cal terá transporte escolar. Non haberá clase os luns pola tarde para esta etapa, e esas dúas horas impartiranse tamén pola mañá, o que implicará reaxustes na distribución do horario. 

As clases serán en horario de tarde, para o alumnado de BACHARELATO, de 15:30 a 20:30 os luns, mércores e venres; e de 15:30 a 21:15 os martes e xoves.

Para poder manter nas aulas a distancia de seguridade de 1,5 m, van desdobrar a maioría dos grupos, que contarán co seu titor correspondente, o que supoñerá unha ratio claramente inferior. 

Iremos ampliando información segundo vaian sendo aprobados os acordos polos órganos colexiados do centro. Estean por iso pendentes desta páxina.

A DIRECCIÓN

Toda a información e instruccións da matrícula 2020-21 no bloque correspondente situado na parte superior do lateral dereito da páxina.

Tamén se pode acceder directamente dende AQUÍ

A devolución de libros de texto farase os días 3 e 4 de setembro en CONSERXERÍA de 10:00 a 13:00 horas.

O alumnado que debido á COVID non poida asistir de xeito presencial aos exames de setembro, deberá comunicalo canto antes enviando ao correo do centro: ies.blanco.amor.culleredo@edu.xunta.es, un xustificante médico escaneado, indicando así mesmo, o nome e apelidos do alumno/a, curso, grupo e materias das que se ten que examinar, así como un enderezo de correo electrónico, no que recibira as instrucións para realizar as probas extraordinarias.

INFORMACIÓN DE INTERESE PARA AS FAMILIAS CON FILLOS MATRICULADOS EN 1º ESO

Respecto das dúbidas que nos presentan sobre a compra dos tres libros de texto que non están incluídos no programa EDIXGAL: bioloxía, lingua galega e inglés, deben saber que repartiremos estes libros do fondo do instituto entre as persoas que os soliciten.

Para optar polos libros deberán cubrir e enviar o seguinte formulario: https://forms.gle/5TKVMdyWmYYDvX8k8

No caso de que a demanda sobrepase o stock terán prioridade os alumnos/as que obtiveran axudas para a adquisición de material escolar, seguidamente os demais solicitantes de axudas que non a obtiveran e por último os demais solicitantes. Dentro de cada grupo será por orde alfabética empezando pola mesma letra que saíu no sorteo público para a admisión de alumnado deste ano: primeiro apelido Tg e segundo apelido Ex.

O prazo para solicitar os libros remata o 24 de agosto.

Publicadas no taboleiro do centro as listaxes provisionais do fondo solidario e axudas de libros de texto para alumnado da ESO e con necesidades especiais.

Tamén se pode consultar a través da sede electrónica que o teña solicitado por esa canle.

Prazo para emendar deficiencias na documentación: ata o 27 de xullo inclusive.

1. Xa está dispoñible toda a información para facer a matrícula para o curso 2020-21. O prazo de matrícula comeza o día 1 e remata o 10 de xullo. Pódese acceder dende o bloque correspondente na parte superior dereita da páxina web ou directamente dende AQUÍ

2. Pódense consultar os libros de texto para o vindeiro ano académico no apartado correspondente, no menú "Libros de texto", dentro dos bloques ALUMNADO e SECRETARÍA no lado esquerdo da páxina, ou directamente dende AQUÍ

Co fin de non colapsar a aplicación AbalarMóbil o día 25 de xuño, a publicación das notas será por cursos co seguinte horario:

4º ESO e 1º BAC: 09:00 horas

3º ESO: 10:00 horas

2º ESO: 11:00 horas

1º ESO: 12:00 horas

En aras da maior transparencia, acordamos coa axencia Viajes Embajador que ao longo desta semana lles enviará por correo electrónico, á dirección que facilitaron no formulario, a relación detallada dos gastos non recuperables de cada unha das viaxes.

O vindeiro xoves 18 de xuño celebraranse reunións coas familias afectadas pola cancelación das viaxes a Roma e París nas que estará presente o director da axencia de viaxes e a directora do instituto, para tratar asuntos do seu interese, no seguinte horario:

19:30 cas familias afectadas pola cancelación da viaxe a ROMA

20:30 cas familias afectadas pola cancelación da viaxe a PARÍS