Skip to Content

Exposición Enredadas no Cambio da ONG Taller de Solidariedade

Contamos coa oportunidade de desfrutar ata o día 23 de abril da exposición Enredadas no Cambio da ONG Taller de Solidariedade.

Trátase dunha exposición fotográfica en torno á figura de 7 mulleres emprendedoras dos distintos lugares do mundo. Por tanto, o obxectivo da exposición é ofrecer referentes femininos que axuden a transformar o concepto de éxito empresarial e que contribúan á promoción da igualdade de xénero e ao empoderamento feminino.

Agardamos que toda a comunidade educativa desfrute dnun xeito coidadoso da mostra que temos ao noso cargo durante estes días.

Pódese consultar máis información sobre a mesma no seguinte enlace. 

mostraMostra Enredadas no Cambio. Imaxe de Marta Coria

 

CANGURO MATEMÁTICO

O pasado 21 de marzo, 26 alumnas e alumnos do IES Xoán Montes aceptaron o reto de participar no concurso Canguro Matemático organizado pola Federación Española de Sociedades de Profesores de Matemáticas (FESPM).

Nesta edición participaron casi 700 centros educativos de toda España e máis de 15.000 estudantes de forma simultánea. 

canguro

Participantes no Canguro Matemático. Fotografía do Departamento de Matemáticas. 

 

Interesante obradoiro de creación na materia Economía e emprendemento de 4º da ESO

Hoxe 2 de abril puidemos desfrutar dunha actividade distinta, moi participativa e enriquecedora.

A participación no programa Empresa familiar nas aulas abriu a posibilidade de participar tamén no concurso Emprender é soñar Apúntaste?, que se centra no emprendemento dentro do marco da economía circular.

A iniciativa consistiu nun obradoiro de 3 horas de duración onde o alumnado en grupos identificou necesidades ou oportunidades, creou un concepto de empresa, conceptualizou productos ou servizos, deseñou e prototipou as súas ideas, culminando nunha presentación do seu proxecto.

Este obradoiro combinou pensamento crítico, creatividade, uso de intelixencia artificial e xenerativa e metodoloxía de deseño para guiar aos estudantes no desenvolvemento dos seus proxectos, todo organizado pola empresa Vermislab, as tres monitoras que guiaron o obradoiro, con gran experiencia nestas actividades, propiciaron a participación e o bo ambiente.

O noso agradecemento ao profesorado que prestou as súas clases para poder realizar este extenso obradoiro. Grazas pola colaboración!

Neste mes de abril os grupos deberán perfeccionar a presentación e mandala para participar no concurso, pero levan xa moito percorrido. 

 Obradoiro de creación no IES Xoán Montes Fotos de Beatriz López CC BY-SA

A Global Money Week no IES Xoán Montes

Obradoiros, avaliacións con kahoots, comentarios, debates, premios para o alumnado máis involucrado... E próxima participación en concursos de educación financieira.

A educación é poder!

Imaxes das actividades esta semana en todos os cursos, Economía e Emprendemento e Formación e Orientación Persoal e Profesional de 4º da ESO, Economía de 1º de bacharelato e Empresa e Deseño de Modelos de Negocio de 2º de bacharelato.

 

Entradas para o partido C.D. Lugo - Sestao River

A Anpa do centro conseguiu unha serie de entradas para o partido C.D. Lugo - Sestao River do vindeiro domingo 24 de marzo ás 19:00 horas que pon a disposición da comunidade educativa do centro. Se queres conseguir a túa entrada responde o seguinte formulario. (Só para alumnado, profesorado e persoal non docente do IES Xoán Montes de Lugo).

As familias que soliciten entradas deben facelo indicando os datos do alumno/a.

En caso de sobrar entradas poderase entregar ata 3 entradas por persoa para acompañantes, se así se solicitou no formulario de solicitude.

A asignación das entradas farase por orden de chegada. Deberanse recoller na Secretaría do centro o venres en horario de 9 - 12 h.

 

Visita ao Estadio Anxo Carro

Hoxe mércores 20 de marzo o alumnado da ESO do IES Xoán Montes visitou as instalacións do Estadio Anxo Carro onde tivo a ocasión de ver entrenar aos xogadores do CD Lugo. A rapazada foi recibida pola mascota Nabic e despois recibiron un poster asinado polos xogadores.

Para rematar a xornada houbo un sorteo de premios que fixo moita ilusión aos rapaces e rapazas do centro. Agradecemos moito a ANPA que nos facilitara a oportunidade de realizar esta actividade e poder coñecer máis de cerca aos xogadores do equipo. Forza Lugo!

lugo

Maikel recibindo a súa camiseta. Fotografía do CD. Lugo

Global Money Week do 18 ao 24 de marzo

A Global Money Week é unha campaña anual mundial de concienciación sobre a importancia de que os xoves adquiran unhas nocións financeiras desde pequenos e de que vaian desenvolvendo os coñecementos, habilidades e actitudes necesarias para tomar unhas decisións financeiras sólidas. Está organizada pola Rede Internacional de Educación Financeira da OCDE (OCDE/INFE), na que participa o Plan de Educación Financeira – Finanzas para todos (Banco de España, CNMV, y Ministerio de Economía, Comercio y Empresa).

Este ano celébrase baixo o lema Protexe o teu diñeiro, asegura o teu futuro (en inglés Protect your money, secure your future).

Esta semana, para participar nesta iniciativa, desenvolvimos o xoves 21 de marzo un obradoiro co mesmo lema co alumnado de Economía e emprendemento de 4º da ESO. En Empresa e Deseño de Modelos de Negocio de 2º de bacharelato, en Formación e Orientación Persoal e Profesional de 4º da ESO e en Economía de 1º de bacharelato o venres 22 de marzo estivemos tamén avaliando e afondando na educación financeira.

E ti... protexes o teu diñeiro?

 

Becas MEC de carácter xeral para o vindeiro curso 2024/25

Saíu publicada a convocatoria das becas  MEC de carácter xeral para o vindeiro curso 2024/25 dirixidas ao alumnado de ensinanzas postobrigatorias (BAC, FP grao básico, medio e superior, curso de acceso e preparación para probas de acceso á FP, ensinanzas artísticas profesionais e superiores, ensinanzas de idiomas en Escolas Oficiais, ensinanzas deportivas, estudos relixiosos superiores e Universidades).

Toda a información nos documentos adxuntos.

 

Remate obradoiros de comunicación asertiva para alumnado de 4° ESO

Esta semana rematamos os obradoiros con Maisqueteatro. Un ano máis o alumnado quedou moi satisfeito coas dinámicas de role playing e dramatización deseñadas para aprender a expresar a súa asertividade e comunicarse eficazmente.

comunicación

Obradoiro 4ºESO. Imaxe de Inés Iglesias. CC BY-SA

 

Visita ao MUNCYT na Coruña

O alumnado de 2ºESO visitou o MUNCYT (Museo Nacional de Ciencia e Tecnoloxía) na cidade da Coruña nunha actividade organizada polo Departamento de Tecnoloxía. Ademais de coñecer o propio museo, tiveron a oportunidade de participar nun obradoiro de nanotecnoloxía. 

Na imaxe pódese ver o avión Boeing 747 Lope de Vega no que se trasladou o Guernica de Picasso de Nueva York a España no 1981.

muncyt

Boeing 747 no MUNCYT. CC BY-SA

Distribuir contido


by Dr. Radut