INVITACIÓN Ó ENCONTRO EXPO-MAPEO

"Atallar as desigualdades"

Como xa saberedes, a ANPA en colaboración con Outonía S.Coop., está desenvolvendo o programa ``Atallar as desigualdades´´. Unha proposta de formación en igualdade e coeducación baseada na práctica e na participación de toda a comunidade educativa.

O programa contou con varias liñas de actuación (como os obradoiros para o alumnado e as familias) e unha delas consiste nunha intervención sociocomunitaria, onde se propón un ENCONTRO, aberto a todo o público, para dar visibilidade ás accións levadas a cabo no centro e realizar un MAPEO COLABORATIVO de Monforte.

A través do mapeo abordaremos o espazo que habitamos dende un punto de vista crítico e con perspectiva de xénero. Atenderemos á cuestión da invisibilización das mulleres e as disidencias de xénero como un dos puntos do iceberg das violencias, como unha forma sutil de violencia invisible.  

Achégase o 25 de Novembro : Día Internacional da Eliminación da Violencia contra a Muller .

O alumnado de 6º de E.Primaria participou no obradoiro " Patriarcado Baneado ",actividade proposta polo CIM Monforte.

Impartiron esta sesión Sonia e Ester, de CAVAS GALICIA ( Centro de Atención a Vítimas de Agresión Sexual )

Para ver o vídeo resumo , picade na seguinte ligazón : 

O alumnado de 5º B de E.Primaria desfrutou con esta actividade organizada pola ANPA do cole sobre o noso patrimonio cultural : 

                                                     " OUTONÍA " 

Tras a visita do pregoeiro anunciando a desaparición de Gandariña (mascota da biblioteca), o alumnado do CEIP a Gándara reencontrase con ela a través de diversas probas lúdicas. 

Nestes últimos días, o alumnado de quinto de Educación Infantil recibiu a visita do Obradoiro Outonía, no cal desfrutamos da dramatización dun contacontos monstruoso, aproveitando a conmemoración do Samaín. Tamén aproveitamos para bailar e para cantar cancións outonais de tradición cultural da zona.