SOLICITUDE DE ADMISIÓN (CURSO 2023/2024)

PRAZO DE SOLICITUDE: DO 1 DE MARZO AO 20 DE MARZO

1. Cubrir a solicitude informáticamente e presentala asinada de xeito manual no centro:
   Para presentar a solicitude presencialmente no centro deberá seleccionar a opción de menú “Solicitudes --> Reserva/Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Crear e Confirmar”. Feito isto poderá descargala para asinar e presentar no centro.

2. Cubrir a solicitude informáticamente e asinala en Sede Electrónica: 
   Para presentar a solicitude a través da Sede Electrónica deberá acceder a admisionalumnado con usuario de Chave365 ou con certificado dixital, para iso deberá premer na icona verde que se atopa arriba á dereita. Posteriormente deberá seleccionar a opción de menú “Solicitudes --> Reserva/Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Confirmar solicitude” e posteriormente premendo no botón "Firmar e presentar en Sede Electrónica", poderá asinar a solicitude dixitalmente, quedando como presentada no centro, sempre que o proceso de sinatura remate correctamente. Debe achegar escaneada toda a documentación pertinente á hora de presentar a solicitude.
   
   IMPORTANTE: Debe achegar, na Sede Electrónica da Xunta de Galicia, o anexo dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR, última páxina da solicitude que pode visualizar e descargar nesta aplicación).

3. Cubrir a solicitude manualmente e presentala asinada presencialmente no centro: 

Se non desexa cubrir a solicitude dixitalmente pode facelo de xeito manual descargando os documentos que se atopan en ficheiros adxuntos, cubrilos e presentalos firmados no centro.

XA PODEDES CONSULTAR OS MANDADOS DO MECO PARA OS DÍAS 13, 14, 15 E 16  DE FEBREIRO. ANIMÁDEVOS!

O CEIP  de Curtis forma parte este ano dun programa europeo de formación chamado ERASMUS +. O proxecto leva por títuo Metodoloxías para o desenvolvemento da competencia dixital. 

Entre as diferentes actividades que se están a desenvolver levarase a cabo unha formación no extranxeiro (Atenas) 

A próxima semana (do 6 ao 10 de febreiro) tres mestras do centro realizarán o curso STEAM IN CLASSROOM, MULTIPLE INTELLIGENCES, MICROLEARNING, FLIPPING CLASSROOMS AND CLIL.

Estamos   entusiasmados por formar parte deste proxecto e incluirnos no circuito europeo de formación abríndonos a novas experiencias. 

Fase de reserva de prazas en centros de adscrición

De conformidade coa disposición adicional primeira da Orde da Consellería de Cultura, Educación, Formación Profesional e Universidades do 21 de outubro de 2022, que regula o procedemento de admisión de alumnado en centros docentes sostidos con fondos públicos, o próximo día 16 de xaneiro de 2023 inícianse os trámites do procedemento (código ED550A), coa reserva de praza nun centro de adscrición para alumnado que cambia de etapa.

O prazo de solicitude abranguerá do 16 de xaneiro ao 6 de febreiro do 2023, ambos incluídos.

Normativa de aplicación:

• Orde do 21 de outubro de 2022 pola que se desenvolve o Decreto 13/2022, do 3 de febreiro, ese regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica2/2006, do 3 de maio, de educación (códigos de procedemento ED550A, ED550B e ED550C).

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Hoxe é un día especial para o noso centro. Outorgáronnos o 2º premio de clubs de lectura escolares, a nivel nacional. Isto, ademais do recoñecemento do traballo, que xa non é pouco, supón o ingreso de 2500€ para investir no noso centro.