Participación no fondo solidario de libros de texto e convocatoria de axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25.

- Axudas para a adquisión de material escolar: Todo o alumnado que o vindeiro curso 2024-2025 estea matriculado en Primaria poderá solicitar dita axuda. Nesta convocatoria estas axudas serán diferentes dependendo das marxes de renda per cápita de cada unidade familiar. Se a renda per cápita da unidade familiar é igual ou inferior a 6.000 €, a axuda será de 75 €; se é superior a 6.000€ e inferior a 10.000€, será de 60€.

- O alumnado que curse 1º e 2º de Primaria, tamén poderá optar á axuda para a adquisición de libros de texto en diferentes contías dependendo da renta per cápita.

- O alumnado que o vindeiro curso esté matriculado en 3º e 4º de Primaria debe solicitar o fondo de libros. O alumnado que realizase reserva de prazo noutro centro deberá presentalo neste último (alumnado de 6º)

O alumnado que reciba os libros de texto comprométese a conservalos en bo estado e devolvelos ao fondo solidario ao finalizar o curso 2024/2025. Os libros asignaranse por orden inverso á renda per cápita da unidade familiar. En caso de cambio de centro o alumnado deberá devolver o lote de libros recibido.

- O alumnado de 5º e 6º de Primaria só poderá solicitar axuda de material xa que no centro se desenvolve o programa E-Dixgal (emprego de materiais dixitais).

* Os libros entregaranse en setembro de 2024.

* Os vales/cheques poderán ser recollidos a finais do mes de xuño e no comezo do mes de xullo (enviarase aviso cando se atopen dispoñibles)

* Estas axudas serán compatibles con calquera outra axuda.

Toda a información premendo en D.O.G. de luns, 20 de maio de 2024.

DOCUMENTACIÓN A PRESENTAR E DATOS XERAIS DA CONVOCATORIA

Anexo I e Anexo II (pódese descargar clicando nos anexos)

* Debe ser cuberto e entregado no centro no caso de realizarse de modo presencial (ver modos de presentación). Data límite: 21 de xuño de 2024 (inclusive). IMPORTANTE: Deben asinarse en todos os recadros ó efecto (tanto polo solicitante como daquelas persoas que computan na unidade familiar) e sinalar a autorización de comprobación de datos ou non de modo expreso riscando na casilla correspondente.

* Este anexo é válido para a solicitude de axuda para a adquisición de material escolar e de fondo de libros.

* A solicitude será única para todos os/as fillos/as que estean no mesmo centro docente. Indicarase o curso no que estarán matriculados os nenos/as no vindeiro curso.

* Os datos da situación familiar teñen como referencia o 31 de decembro de 2022 (no caso de non autorizar a consulta de datos).

* A renda familiar é a do ano 2022. Sumaranse as cantidades que aparecen nos recadros 435 e 460 e dividirase polo número de membros da unidade familiar.

- Debe entregarse no centro a copia do libro de familia onde figuren todos os membros da unidade familiar.

- Outra documentación (de ser o caso):

                   - documentación relativa a separación e/ou divorcio (convenio regulador no relativo a/o menor),

                  - discapacidade (de calquera membro da unidade familiar),

                  - situación de violencia de xénero,

                 - situación de acollemento  ou certificado do centro de menores en situación de garda tutela ou garda da Xunta de Galicia.

MODOS DE PRESENTACIÓN

Para a tramitación da solicitude de modo presencial recoméndase ter concertada cita previa vía telefónica. Para a recollida da solicitude NON será necesaria.

Poderase realizar a solicitude accedendo á aplicación Fondolibros, e unha vez que teñan cubertos todos os datos deberán gardala, obtendo así o número de solicitude, e posteriormente poderán optar polas seguintes formas de presentación:

1) Presentación no centro: Neste caso imprimirán a solicitude e o anexo II e presentaranos no centro (debidamente asinados), xunto coa documentación.

2) Presentación na Sede Electrónica da Xunta de Galicia. Tras el, o centro recibirá aviso das solicitudes achegadas por esta vía.

Para calquera outra información ou dúbida sobre este procedemento e a súa solicitude, poden chamar ao teléfono do Centro: 886 151 171 ou no 886 151 172, preferentemente en horarios de atención ó público do equipo directivo.

O pasado 19 de abril de 2024 saiu publicado no OA a Resolución de 12/04/2024 da Secretaría  de Estado de Educación pola que se convocan as axudas para alumnado con necesidade específica de apoio educativo para o curso académico 2024-25. As familias deberán cubrir as solicitudes vía web a través da sede electrónica do Ministerio de Educación. O centro deberá, despois de que a familia entregue a documentación tramitalas. A dta límite de presentación será o 13 de setembro de 2024.

Para máis información, poden consultar clicando aquí, todo o procedemento a seguir así como a documentación a presentar.

 Do 2 de maio ao 31 de maio de 2024 será o prazo para a solicitude do Plan Madruga do próximo curso 2024/25. Toda a información sobre o mesmo, así como a folla de inscrición e a documentación precisa para o trámite atópase no arquivo adxunto.

PROCESO DE ADMISIÓN DO ALUMNADO EN CENTROS DOCENTES SOSTIDOS CON FONDOS PÚBLICOS PARA O CURSO 2024/25

a. Normativa reguladora da admisión de alumnado.

* Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obligatoria e de bacharelato reguladas na Lei orgánica 2/2006, do 3 de maio, de educación.

* Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

b. Oferta de postos escolares para o curso 2023/24.

4º EDUCACIÓN INFANTIL .........................17 prazas + 3 prazas NEAE

5º EDUCACIÓN INFANTIL .........................8 prazas

6º EDUCACIÓN INFANTIL .........................11 prazas

1º  EDUCACIÓN PRIMARIA ........................ 0  prazas + 3 prazas NEAE

2º EDUCACIÓN PRIMARIA .........................9 prazas

3º EDUCACIÓN PRIMARIA .........................3 prazas

4º EDUCACIÓN PRIMARIA .........................3 prazas

5º EDUCACIÓN PRIMARIA .........................4 prazas

6º EDUCACIÓN PRIMARIA .........................7 prazas

c. Presentación de solicitudes.

Os impresos de solicitude poderán recollerse no Centro en horario de dirección,

Os impresos de solicitude, así mesmo, poden descargarse clicando na seguinte ligazón.

Unha vez cumprimentados, os impresos deberán entregarse no Centro acompañados da seguinte documentación:

- Fotocopia do libro de familia (todas as follas que estean cubertas) ou do DNI.

- Certificación do Centro de procedencia no que conste o nivel cursado durante o curso 2023/24 (só alumnado procedente doutro centro).

- Convenio regulador ou resolución xudicial de separación xudicial ou divorcio, se é o caso.

- Copia do DNI do solicitante e membros computables da unidade familiar cando se opoñan á consulta automática dos datos.

A solicitude de admisión tamén pode facerse por vía electrónica cumprimentando e presentando a solicitude na seguinte aplicación: www.edu.xunta.es/admisionalumnado

O prazo de presentación de solicitudes é do 1 ao 20 de marzo de 2024.

Só se pode presentar a solicitude nun centro, de non seguir esta norma as solicitudes duplicadas serán anuladas.

d. O alumnado só poderá presentar unha única solicitude no centro no que solicite praza en primeiro lugar. A infracción determinará a perda dos dereitos de prioridade que poidan corresponderlle.

Así mesmo, o alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.

En Castrelo, a 27 de febreiro de 2024.

A través desta publicación e clicando en cada un dos cursos ou etapa, poderedes acceder ao contido de cada unha das programacións didácticas para o curso 2023- 2024:

- EDUCACIÓN INFANTIL

- EDUCACIÓN PRIMARIA (áreas impartidas na titoría): 

• 1º CICLO (1º E 2º EP)
• 2º CICLO (3º E 4º EP)
• 3º CICLO ( 5º E 6º EP)

- ESPECIALIDADES

• EDUCACIÓN FÍSICA
• EDUCACIÓN PLÁSTICA E VISUAL
• LINGUA ESTRANXEIRA INGLÉS
• MÚSICA E DANZA
• RELIXIÓN CATÓLICA
• PROXECTO COMPETENCIAL

Dende o día 15 de xaneiro de 2024 ata o día 5 de febreiro de 2024 ábreseo prazo para a solicitude de reserva de praza no centro de adscrición para que o alumnado de 6º de Primaria poida continuar os seus estudos obrigatorios. O centro adscrito é o IES Francisco Asorey. Este trámite poderase realizar a través de dúas vías:

• modo presencial/físico no centro: a través da solicitude que se enviará ás familias ou a través da creación do formulario a través da seguinte  Aplicación Admisión Alumnado clicando no menú Solicitudes- Reserva- Crear. Se se opta por esta vía, sempre se deberá entregar no centro.
• modo telemático: a través da aplicación anterior sempre que se dispoña dun certificado dixital ou acreditación válida (chave 365).

Aquel alumnado que non desexe reservar no centro adscrito, deberá consultar os prazos de reserva de praza naquel centro ao que queira optar no vindeiro curso.

Dende o centro colaborarase na recollida de medicación e material sanitario para o pobo saharaui dende hoxe ata o día 20 de novembro. Máis información nas imaxes adxuntas.

Informamos do Calendario Escolar do centro para este curso 2023/2024 trala aprobación do mesmo polo Consello Escolar. Reseñar que como días non lectivos solicitáronse o 13 de outubro de 2023 e o 20 de maio de 2024.

A continuación detállase o calendario. Nel atópanse sombreados en gris todos os días nos que non hai clase (fin de semana e vacacións) e en verde os días de entrega de boletíns. Os días non lectivos están sinalados cun asterisco e tamén serán días nos que non haberá clase.

Vense de convocar un ano máis as axudas para o ensino e o transporte do Concello para alumnado que curse Educación Primaria. Poden consultar toda a información así como os requisitos para poder optar a elas no documento adxunto.