CARREIRA ENKI

Posted Decembro 12th, 2022 by Julio César Lab...

QUERIDAS FAMILIAS, chega ao noso cole a Carreira ENKI: unha carreira lúdica de obstáculos pola inclusión. A través da modalidade Recrea ENKI no noso cole, recrearemos a nosa propia versión da carreira no centro para superar xuntos todos os obstáculos.

Este ano acompáñanos un lema moi chulo: podedes descubrilo vendo o ANUNCIO DA CARREIRA ENKI 2022.

https://www.youtube.com/watch?v=iSzS1rsxA28

Xogando aprenderemos unha chea de cousas sobre a importancia de recoñecer e respectar a diversidade humana... pero sobretodo de participar xuntos en comunidade!

Desde ENKI traballan para promover a visibilidade e inclusión das persoas con diversidade funcional a través do lecer e do deporte. É fundamental a educación en valores desde a infancia para construír unha sociedade máis xusta e igualitaria. Sumádesvos a este movemento? A achega por cada dorsal é de 1€ e o 100% do recadado destinarase a crear proxectos de lecer e deporte inclusivos para as entidades sociais que conforman ENKI 2022.

ANIMÁDESVOS A CORRER POR UN MUNDO IMPERFECTO?

O horario da actividade será o seguinte:

CURSO	HORARIO “CARREIRA”	HORARIO PARA FAMILIARES
Educación Infantil	A carreira comeza ás 11:30h	Dende as 11:20 ata as 12:40 aprox
1º e 2º de Educ. Primaria	A carreira comeza ás 12:30h	Dende as 12:20 ata as 13:40 aprox
3º e 4º de Educ. Primaria	A carreira comeza ás 10:30h	Dende as 10:20 ata as 11:40 aprox
5º e 6º de Educ. Primaria	A carreira comeza ás 9:30h	Dende as 9:20 ata as 10:40 aprox