CONVOCATORIA FONDO SOLIDARIO DE LIBROS DE TEXTO E AXUDAS PARA ADQUIRIR LIBROS DE TEXTO E MATERIAL ESCOLAR Curso escolar 2023/2024
Prazo de solicitude: do 20/5/2023 a 21/6/2023, incluídos
Texto da convocatoria: ORDE do 10 de maio de 2023 (DOG do 19 de maio)
Procedemento administrativo: ED330B
Forma de presentación:
- Electrónica: utilice esta aplicación: https://www.edu.xunta.gal/fondolibros/ e presente solicitude na Sede Electrónica
NOTA: na presentación electrónica deberá presentar unha solicitude individual para cada un dos seus fillos
- Presencial con asistencia da aplicación : cubra os datos na aplicación https://www.edu.xunta.gal/fondolibros/, imprima os Anexos I e II producidos e presenteos no centro educativo
- Presencial manual: utilice os Anexo I e Anexo II da Orde da convocatoria e presenteos no centro educativo
O alumnado que non estea admitido nin coñeza en que centro vai estar escolarizado no curso escolar 2023-2024, deberá presentar a solicitude no centro no que está matriculado no curso 2022-2023
FONDO SOLIDARIO DE LIBROS DE TEXTO: reparto de libros en préstamo para alumnado matriculado en 3º, 4º, 5º, e 6º de Educación Primaria (EP) e en 1º, 2º, 3º e 4º da Educación Secundaria Obrigatoria (ESO). Os centros educativos renovarán os libros de 4º e 6º de EP, así como os de 2º e 3º de ESO, para a súa adaptación aos novos curriculos educativos aprobados na Lei Orgánica 3/2020 (Ref. Orde art.1.2.a).
AXUDAS PARA ADQUIRIR LIBROS DE TEXTO: alumnado matriculado en 1º e 2º de EP, e en Educación Especial (EE); así como as axudas que pode recibir o alumnado incluído na disposición adicional primeira (discapacidade ≥ 65%) e na disposición segunda (necesidades específicas de apoio educativo – NEAE-) –
AXUDAS PARA ADQUIRIR MATERIAL ESCOLAR: alumnado matriculado en EP, ESO e EE.
O alumnado matriculado nos centros e cursos incluídos no proxecto educación dixital (eDixgal) no curso 2023/23 está excluído da participación no fondo solidario de libros de texto e das axudas para adquirir libros de texto. Non obstante, poderá solicitar a axuda para adquirir material escolar cando reúna os requisitos establecidos na orde.
Toda a información en : https://www.edu.xunta.gal/fondolibros/