O CEIP Illas Cíes conta cunha aula destinada á Educación Musical e unha aula específica de Educación Plástica para o alumnado de educación primaria, o cal facilita considerablemente o traballo con diversas técnicas,.
Na aula de plástica temos mesas para o traballo en equipo (organizadas por cores), taburetes, e ademáis a aula conta con auga corrente (todo un luxo!). A aula de música é bastante ampla de xeito que nela podemos facer actividades de movemento, expresión corporal e danza; temos así mesmo unha considerable dotación de instrumentos musicais, ordenador, teclado, cadea musical e canón de vídeo.
A metodoloxía na área de Educación Artística na etapa de primaria no noso centro tenta seguir os seguintes principios:
- Inductiva: os contidos teóricos adquírense a través da previa vivencia práctica por parte dos alumnos.
- Activa: no senso de estimular a actividade física e intelectual do alumnado.
- Colectiva: tenta estimular a capacidade de traballar en equipo.
- Ecolóxica e solidaria: tenta aproveitar materiais de refugallo como material didáctico e está preocupada polo desenvolvemento dos valores no alumnado.
