Skip to Content

6º Curso

Cómics patronus

Mér, 04/22/2020 - 15:28 — Anónimo

Deixo por aquí unha pequena mostra dos cómics que fostes mandando. Hai traballos incríbles, algún incluso feito co ordenador. Espero que non esquezades nunca eses momentos que vos fan tan felices.

 

Semana do 20 ó 24 de abril

Dom, 04/19/2020 - 22:38 — Anónimo

TAREFA 11: Fotografía xeométrica

Sacade dúas fotografías de contidos matemáticos que se vexan dende as vosas ventás ou dentro das vosas casas: ángulos, formas xeométricas, simetrías... Enviádeas ó email da clase dicindo con que as relacionades. Sede imaxinativos.

Ademais, podedes facer este pequeno repaso das potencias para non esquecervos:

http://www.aplicaciones.info/decimales/poten01.htm

http://www.aplicaciones.info/decimales/poten02.htm

TAREFA 12: Sujeto y predicado

Vamos a repasar lo visto en clase sobre como podemos dividir las oraciones en dos partes: el sujeto y el predicado. El sujeto es el encargado de realizar la acción, mientras que el predicado es aquel que representa la acción que realiza el sujeto. Por ejemplo en la oración “Ikram come manzanas” “Ikram” sería el sujeto y “come manzanas” el predicado.

¿Cómo podemos distinguir a cada uno? Una de las pistas fundamentales es que en el sujeto siempre habrá un sustantivo o pronombre, y en el predicado un verbo. Pero debemos tener cuidado, ya que el sujeto, y al contrario que el predicado, no siempre es visible en la oración, es decir, no siempre se encuentra explícito. Cuando no podemos verlo hablamos de sujeto elítptico.

Vamos a practicar con las siguientes actividades, LEED BIEN antes de empezar cómo contestar:

 

TAREFA 13: A idade Contemporáea

Tedes en adxunto a tarefa de sociais. A mandades o email da clase poñendo no asunto SOCIAIS ou PARA ESTELA, xa que será ela a que as correxirá. É importante que mandedes esta tarefa nun mail por separado do resto.

 

Unha aperta grande e pasade unha boa semana. Non vos esquezades de seguir coa lectura.

 

Os vosos traballos

Ven, 04/17/2020 - 11:05 — Anónimo

Bós días, 6º!

Fíxose máis amena a semana facendo felices as vosas familias? Seguro que sí. Fixestes festas de cumpreanos e videochamadas, recitastes poemas e ata grabastes vídeos moi emotivos involucrando a toda a vosa familia. Noraboa polos traballos! Os rezagados aínda estades a tempo de enviar as cousas.

A maioría de vos fixo a biografía de Marie Curie ou Amelia Earhart. Foron mulleres incríbles, pero houbo algún que levou o traballo máis aló e mirou ata unha serie para ter máis información sobre Marcela Gracia Ibeas e Elisa Sánchez Loriga. Ademáis despois investigou sobre o matrimonio homosexual no mundo e no noso país. Estades que vos saídes!

Deixo en adxunto as solucións de matemáticas. Agardo que todos fixérades as actividades. Preguntade se tedes dúbidas. Podemos facer algunha titoría telefónica se o precisades.

Semana do 14 ó 17 de abril

Mar, 04/14/2020 - 09:26 — Anónimo

Agardo que pasárades boas vacacións. As tarefas desta semana son as seguintes:

TAREFA 8

Como sabedes, a biografía de alguén é a historia desa persoa. É un texto que narra os feitos máis significativos da súa vida, dende o seu nacemento ata a súa morte; aínda que tamén se poden facer biografías de persoas que aínda non faleceron. É importante facer fincapé en feitos, logros, fracasos e outros aspectos que se queiran destacar. A palabra ven do grego e significa “escribir a vida”.

Esta semana deberedes escribir unha biografía en galego dunha das seguintes personaxes:

  • Rosalía de Castro

  • Isabel Barreto de Castro

  • Marie Curie

  • Vero Boquete

  • Marcela Gracia Ibeas e Elisa Sánchez Loriga

  • Amelia Earthart

  • Podedes facelo dunha muller relevante da vosa familia ou contorna

Intentade facelo a ordenador os que poidades, os que non vos sexa posible facédemo saber. A extensión será dunha páxina como mínimo e dúas páxinas como máximo; con letra Arial tamaño 12 e interliñado 1,5. Enviádeo ó email da clase.

 

 

TAREFA 9

Repaso das fraccións. Tedes en adxunto, ó final da publicación, uns exercicios para repasar as fraccións ata onde as vimos. Espero que non vos esquecérades de como facelos. O venres publicarei as solucións para que poidades corrixilos.

 

TAREFA 10

Pensade que cousas podedes facer para darlle unha alegría a algún membro da familia. Poñede unha desas ideas en práctica e contádeme o resultado por email (como foi todo, se saíu ben, se lograstes o voso obxectivo, que pensou a vosa familia, etc).

 

Isto é todo por esta semana. Ánimo, 6º!

 

Xa tedes a avaliación do 2º trimestre en ABALARMOBIL

Ven, 04/03/2020 - 12:42 — Anónimo

As notas deste trimestre xa están dispoñibles para que as consultedes. Noraboa, en xeral traballastes moito e iso notouse. Seguide así!

Deixo ó final do post, en adxunto, as solucións dos exercicios de matemáticas. Correxide e fixádevos ben. Se tedes dúbidas preguntade no email da clase.

Déixovos algúns dos planos que fixestes estas semanas, a calidade de algúns é abraiante:

 

Isto e todo. Boas vacacións de Semana Santa!

 

Mirade que platos deliciosos e saudables fixestes

Xov, 04/02/2020 - 16:18 — Anónimo

Aquí tedes algunhas fotos das receitas saudables que enviastes.

Rico bacalao:

 

Ovos con patacas fritas (feitos cun melocotón iogur e mazá):

Flan:

Pescada:

Moitos vos esquecestes de calcular o prezo ou de relacionalo coas vosas pirámides e dicir con qué frecuencia se poderían comer.

 

Tamén podedes botar un ollo a algunhas receitas que os vosos compañeiros compartiron por Youtube. Dádelles cariño:

 

Ensalafruti: https://www.youtube.com/watch?v=tJnblx4tcFE

 

Aliñas de polo con salsa casera: https://www.youtube.com/watch?v=rI-Sa1MWMV0&feature=youtu.be

 

Albóndigas de terneira con salsa de tomate natural e arroz integral: https://www.youtube.com/watch?v=xHR534_3PLk

 

 

As vosas pirámides nutricionais

Mér, 04/01/2020 - 12:49 — Anónimo

Bo día!

Aquí vos deixo fotos de algunhas pirámides que fostes enviando. Fostes bastante imaxinativos, hai unha en 3D, outras con pestanas que amplían a información... Seguide así.

 

 

 

 

Semana do 30 de marzo ó 3 de abril

Dom, 03/29/2020 - 22:03 — Anónimo

Boa semana, familias!

Esta pasada semana traballastes moito e enviastes unhas pirámides e uns vídeos que, en xeral, estaban moi ben. Aínda quedan nenas e nenos que non enviaron nada, non vos esquezades! Prégovos que identifiquedes os arquivos que enviades cos vosos nomes.

É importante que sigades coa lectura diaria.

A partir de esta semana que entra o diario pasará a ser semanal. É dicir, os venres teredes que facer un resumo de 3 minutos no que expliquedes a vosa semana. O método de entrega será o mesmo que o do audiodiario, nos vosos pendrive á volta as clases. Se algún quere ir mandándome xa os audios, pode facelo.

Déixovos coas tres tarefas de esta semana:

 

TAREFA 5: Cómic Patronus

Vas crear un cómic no que expliques o momento máis feliz da túa vida. Nestes días nos que andamos un pouco tristes é necesario recordar e ter presente o que nos gusta e nos fai felices.

Como Harry Potter, Ron e Hermione invocaban os seus Patronus, ti terás que pensar nese día ou momento e facer un cómic con el.

 1. PLANIFICA. É o paso máis importante. Pensa ben o que queres contar e como o farás. Escribe un borrador coa túa historia. Intenta que sexa unha historia divertida ou emotiva, unha historia que se non a fixeras ti a quererías ler igualmente. Divide os folios que necesites en viñetas e fai un primeiro bosquexo de como quedaría todo. Lembra usar bocadillos se hai diálogos (con burbullas se as personaxes pensan) e cadros nos que se explique o que vai pasando.

2. ESCRIBE e DEBUXA. Agora é o momento de trasladar a papel limpo todo o que planificaches. Podes engadir máis detalles.

3. REVISA. En moitos vídeos das receitas faltaban cousas porque non revisades. Hai que ler con coidado o traballo feito e ver se o que conto ten sentido, se se colou por aí algunha falta de ortografía... se podo mellorar a historia.

O cómic debe estar feito en galego. Recorda todo o que sentiches nese día mentres elaboras o teu cómic, intenta que quen o lea sexa capaz de sentir o mesmo.

Tedes que envialo ó correo electrónico da clase antes do vernes.

 

Xa sabedes Expecto Patronum!

 

 

 

 

TAREFA 6: Repaso de Xeografía e Ciencias Sociais.

 

O longo de toda a semana iredes xogando ós seguintes xogos para repasar (fixádevos que tedes a opción JUEGA e a opción ESTUDIA, para repasar antes de xogar):

 

As comunidades autónomas:

https://mapasinteractivos.didactalia.net/comunidad/mapasflashinteractivos/recurso/comunidades-autonomas-de-espaa/9f69dbbf-8dda-4403-b8e1-47d77887b7a6

As provincias:

https://mapasinteractivos.didactalia.net/comunidad/mapasflashinteractivos/recurso/provincias-de-espaa/108fb9ee-6654-465a-a9ed-e84be977a27a

 

Capitais de provincia:

https://mapasinteractivos.didactalia.net/comunidad/mapasflashinteractivos/recurso/capitales-de-provincias-de-espaa/be87dc2f-430c-40e6-8f47-2ba90972cd02

 

Ríos de España:

https://mapasinteractivos.didactalia.net/comunidad/mapasflashinteractivos/recurso/rios-de-espaa/6b90cb5d-8084-4d44-9cc6-990fe7068e38

 

Ríos de Europa:

https://mapasinteractivos.didactalia.net/comunidad/mapasflashinteractivos/recurso/rios-de-europa/0973d01b-60b4-403d-9954-1963fa5f8cc5

 

Climas de España:

https://mapasinteractivos.didactalia.net/comunidad/mapasflashinteractivos/recurso/climas-de-espaa/599b77cd-05b6-4685-a214-753edb559213

 

Climas de Europa:

https://mapasinteractivos.didactalia.net/comunidad/mapasflashinteractivos/recurso/climas-de-europa/06084706-7abe-4740-b511-5e0235d8fd34

 

Relevo de España:

https://mapasinteractivos.didactalia.net/comunidad/mapasflashinteractivos/recurso/relieve-de-espaa/b08c36e5-ed54-46e1-995f-354b59d8dd08

 

Relevo de Europa:

https://mapasinteractivos.didactalia.net/comunidad/mapasflashinteractivos/recurso/relieve-de-europa/a62b3ad4-afed-4e56-ad45-2c3ac42c0a81

 

Podedes xogar a un par deles cada día ata que os teñades dominados. Á volta ó cole faremos un concurso na pizarra dixital para poñer a proba os vosos coñecementos!

 

 

 

TAREFA 7: Repaso dos decimais

Deixo un ficheiro adxunto no que atoparedes exercicios sobre os números decimais. Está ó final desta publicación. Foi un tema que vos custou a moitos e tedes a oportunidade de repasalo. Facede o que podades. Ó final de semana publicarei as solucións para a corrección.

 

 Como sabedes o próximo venres chegaranvos ás notas en ABALARMÓBIL. En xeral, felicítovos polo voso traballo ó longo deste trimestre.

Isto é todo por esta semana. Envíovos moitos ánimos neste encerro.

Semana do 23 ó 27 de marzo

Dom, 03/22/2020 - 18:35 — Anónimo

Bo día, familias!

Agardamos que esteades todos ben.

Lembrámosvos que tedes que enviar un correo electrónico ó email da clase illasciessexto@gmail.com para que teñamos un medio polo cal comunicarnos. Se aínda non vos comunicastes, facedeo o antes posible.

 

TAREFA 1: Tedes que seguir co audiodiario mentres continuemos coa corentena (non o tedes que facer en fins de semana e festivos) e coa lectura diaria.

TAREFA 2: O plano da vosa casa xa ten que estar feito. Lembrade que o entregaremos á volta da corentena para facer unha exposición.

 

Esta semana levaremos a cabo dúas tarefas para aprender a comer de forma saúdable: unha pirámide nutricional e unha videoreceita.

 

TAREFA 3

Consistirá en deseñar unha pirámide dos alimentos.

  1. Busca e recolecta recortes de alimentos. Poderás usar folletos, revistas de alimentación, xornais, imprimilos... se non tes na casa os podes debuxar.

  2. Fíxate nos diferentes niveis da pirámide (fotografía de abaixo).

  3. Clasifica os alimentos (podes facer montóns cos recortes).

  4. Terá un tamaño A3 (como seguramente non teñas na casa podes pegar dous folios A4).

  5. Escribe un título (Pirámide alimenticia, Pirámide nutricional, A base da nosa saúde… sé creativo/a!).

  6. Debuxa a pirámide. Antes de aplicar pegamento, distribúe os alimentos para asegurar que todos teñan espazo.

  7. Comeza pola base a pegar os recortes e vai subindo de nivel.

  8. Cando remates de pegar os alimentos, decora a pirámide e o título con moito cor.

  9. Ademais, terás que pór canto temos que comer de cada nun día. Recorda a auga e o exercicio.

  10. Agora, comparte a túa tarefa. Colocaa nun espazo onde as persoas que convivan contigo podan vela e aprender bos hábitos (por exemplo, na neveira).

  11. Envía unha foto da túa pirámide rematada ó mail da clase illasciessexto@gmail.com

     

 

 

TAREFA 4

Vas gravar un programa de cociña no que elaborarás unha receita saudable.

  1. Busca a receita que queiras facer: unha pizza con masa de brócoli, unha lasaña vexetal, unha tortilla de patacas... o que queiras pero, saudable. Podes consultar libros de cociña, internet ou inspirarte nunha receita familiar.

  2. Xa sabes o que queres facer? Agora é hora de pensar no que necesitas para esa receita. Fai a lista da compra e consegue os ingredientes. Sabemos que este paso é un pouco difícil nestes momentos:fíxate no que tes na casae intenta que a túa receita se poida facer sen ter que saír ó súper. Imaxinación.

  3. Cánto gastaches nos ingredientes? Pregunta a alguén ou busca en internet nas páxinas dos supermercados.

  4. Grava o vídeo. Ten que ter as seguintes partes:

  • Explica a receita que vas facer e porqué a elixiches.

  • Nomea todos os ingredientes e as cantidades que se precisan. Di as cantidades que poidas en fraccións e en decimais. Por exemplo: se precisas 250g de fariña, serán 0,25Kg ou 1/4Kg de fariña. Vai mostrándoos mentres os nomeas.

  • Prepara a receita explicando paso por paso o que hai que facer e os tempos.

  • Mostra o resultado final. Explica canto custou facela e se te topaches con algunha dificultade o levala a cabo.Non te esquezas de dicir onde se situaría a túa receita dentro da pirámide nutricional que xa fixeches e con que frecuencia se podería tomar.

  1. É moi importante que PLANIFIQUES moi ben todo o que vas dicir e gravar.

  2. Podes subir o vídeo a algunha plataforma de vídeo (como Youtube ou Vimeo) co permiso dos teus pais; despois envía ó link do vídeo ó correo illasciessexto@gmail.com Non é necesario que o subades a internet. Cando pase a corentena o traedes no pendrive xunto co audiodiario que estades facendo e o vemos todos xuntos en clase.

 

Isto é todo por esta semana. Se tedes dúbidas preguntade no email da clase (illasciessexto@gmail.com). Esperamos que traballedes con ilusión e que preparedes pratos riquísimos para desfrutar nestes días de encerro. Estamos desexando volver a veros, moito ánimo.

Semana do 16 ó 18 de marzo - Deseñamos un PLANO das nosas casas

Dom, 03/15/2020 - 22:15 — Anónimo

TAREFA 2

Esta semana (16, 17 e 18 de marzo) terás que facer un plano da túa casa. Tes que utilizar medidas reais:

 

1. Colle un metro e mide cada espazo da túa casa. Fai un bosquexo para ir apuntando todas as medidas.

 

2. As medidas serán reais, pero non as poderías trasladar a un papel manexable, por iso temos que utilizar unha escala: 1 metro na túa casa serán 2 centímetros no plano. Por exemplo: se a túa habitación mide 2 metros de ancho, no plano ocupará 4 cm de ancho.

 

3. Utiliza a regra e mide varias veces para asegurar.

 

4. Lembra colocar elementos como as portas, as ventás, as camas, os armarios, a cociña e todas as pezas do baño.

 

Na volta ó cole faremos unha exposición dos planos de todas as vosas casas. Estamos desexando velas!

 

*Non esquezades consultar as páxinas dos especialistas (artística, inglés...) xa que eles tamén colocarán traballo para estas semanas.

*Moito ánimo estes días, cumplindo o noso traballo de quedar na casa sairemos desta! :)

 

 

Distribuir contido


by Dr. Radut