Para conmemorar o 25 de novembro, dende a biblioteca propuxemos unha actividade de reflexión co alumnado de infantil e primaria deixando a súa pegada nuns carteis moi chulos que colgaron ás portas do colexio. Nestes carteis se poden ler diferentes frases e palabras, extraídas dalgúns libros traballados previamente nas aulas, e outras de inspiración propia referidos á violencia de xénero.
|
|||
|
|||
O pasado venres 11 de novembro, e por fin retomando as vellas costumes, celebramos na escola a festa do Magosto cuns convidados moi especiais: as avoas e os avós dos nenos e nenas da escola. Foi unha xornada marabillosa na que gozamos cos xogos tradicionais e degustamos castañas asadas. Pero por moito que vos contaramos non poderiamos explicarvos o especial que foi a mañá, así que vos convidamos a ver as fotos do vídeo... e as nosas caras de ledicia. |
|||
O alumando de 4º EP, tivo a sorte de facer un obradoiro de costura coa colaboración de Mary. Todo xurdiu dende o "Libro das avoas" que dende a biblioteca recomendamos a todos e todas!!!! Elaboraron unhas estreliñas de tea, para adornar a árbore de Nadal das persoas tan especiais que van visitar no vindeiro mes...
|
|||
Vaia semana máis terrorífica pasamos! Celebramos o Samaín ao grande, o cole estaba cheo de manualidades arrepiantes, fixemos comidas terriblemente ricas, actividades de auténtico medo e para rematar unha gran actuación entre todos. Que gran Samaín!
|
|||
Deixámosvos unhas lecturiñas que meten medo!!!! |
|||
Segundo a Resolución do 5 de outubro (DOG do 14 de outubro), todas aquelas familias que recibiron o cheque de material de 50 euros, teñen dereito a ampliar este cheque con 25 euros máis para a adquisición de material. Podedes recoller este novo cheque durante esta semana en horario de secretaría (martes de 8:50 a 9:40 ou mércores, xoves e venres de 13:00 a 13:50) ou o martes pola tarde de 16 a 17. Recordade que debe vir a recollelo a persoa que o solicitou. No caso de vir outra persoa deberá traer unha autorización asinada pola persoa solicitante, acompañada dos DNI ou copia de ambas persoas. |
|||
Informámoslles de que o Concello xa puxo en marcha a convocatoria de Axudas Municipais de libros, material escolar e comedor para o curso 2022/2023. O prazo de solicitude comenza hoxe, martes día 12 de xullo e remata o martes día 9 de Agosto. Información dispoñible en vigo.org. É un trámite independente do colexio que terán que realizar a través do Concello. Adxuntamos documentos con información e impreso para a solicitude.
|
|||
Publicado no taboleiro interior do noso centro a resolución definitiva das axudas para a adquisición de libros e material escolar para o alumnado de 1º e 2º de Primaria e do Fondo Solidario de Libros de Texto e material escolar para o resto do alumnado de Educación Primaria. O xoves 30 de xuño e o venres 1 de xullo serán os días de entrega de vales (Axudalibros e material escolar) en horario de 11h-13:50 horas. Lembrade que se non pode vir o solicitante a recoller o vale, a persoa que o recolla deberá presentar unha autorización asinada polo solicitante e acompañada dos DNI ou copia da persoa solicitante e da persoa que recolle os vales. |
|||
Publicado no taboleiro interior do centro a listaxe provisional do Fondo Solidario de libros de texto (3º,4º,5º e 6º EP). Tamén poderedes consultar as axudas para adquisición de libros de texto para o alumnado de 1º e 2ºde EP e as axudas para a adquisición de material. No caso de reclamación, contades cos dous días seguintes á publicación. |
|||
- « primeira
- ‹ anterior
- …
- 8
- 9
- 10
- 11
- 12
- 13
- 14
- 15
- 16
- …
- seguinte ›
- última »