O alumnado de 2º EP, contou cunha concertista moi especial, IRIA!!! Tróuxonos o seu óboe e contounos as partes que ten, o material do que está feito... Tamén deleitounos cunha peza musical de Beethoven. 

GRAZAS, IRIA!!!

O alumnado de 5º EP e unha familia de 2º EP, ofreceron un concerto moi especial para os residentes de O Lecer. O alumnado de 5º representou o musical de O mago de Oz que encheu de ledicia os corazóns de residentes e acompañantes. Foi unha delicia ver as caras de emoción que amosaban!!! Ana e Daniel agasalláronnos cunha obras para piano a 4 mans que sorprendeu ao prezado público. Tamén as obras cantadas que foron do máis divertidas!!!

GRAZAS POR CONTAR CON NÓS PARA ESTAS ACTIVIDADES INTERXERACIONAIS!!!

As aulas de 1º EP e 2º EP, puidemos gozar dun concerto de piano da man de Ana Goberna. Estiveron entusiasmados coa música tan fermosa que nos tocou de Beethoven e Debussy. GRAZAS ANA!!

Como este cole está cheo de artistas, tivemos a sorte de ter 2 gañadores do Concurso de Faro de Vigo "Xeoparque Illas Cíes. O paraíso de todos". Tanto Cleo como André fixeron uns debuxos espectaculares e ben merecedores do premio. NORABOA RAPACES!!!!!

O alumnado de 2º EP estivo na horta escolar facendo plantación de sementes de cyclamen e plantas ornamentais. Tamén observaron os pementos que naceron e algunhas curiosidades de plantas que non coñecían.

O pasado xoves o alumnado de 4º, 5º e 6º fixo unha saída para visitar o Concello de Vigo. Alí aprendemos un montón de cousas e puidemos visitar moitas das súas dependencias: a sala de plenos, a sala de prensa, os laboratorios, a sala de control de tráfico e tamén a Escola Municipal de Danza. Nesta última foron os nosos alumnos os que sorprenderon aos traballadores que alí se atopaban demostrando que en Matamá aínda queda moita tradición musical e unha canteira estupenda de pandereteiros, tamborileiros, gaiteiros, bailaríns... e o que faga falta!

Vivimos un momento moi especial, xa que o alcalde da nosa cidade, Abel Caballero, quixo pasar un tempo falando con nós e claro... nós aproveitamos para deixarlle unha cartiñas que fixemos nas aulas contándolle como se atopa o noso cole e o noso barrio. A ver se temos sorte e fai caso ás nosas peticións. Viva Vigo!

A temática da Paz é algo recorrente no día a día das nosas aulas, pero o día 30 de xaneiro sempre sacamos un oquiño para celebralo todos xuntos nun pequeno acto. Nesta ocasión o alumnado de sexto de primaria preparou un precioso manifesto pola PAZ que escoitamos todos xuntos e a continuación todos bailamos a canción "Mi mochila es de la Paz" que preparamos nos días anteriores nas aulas. Un pequeno acto pero cheo de simbolismo.

E o trimestre non podía rematar sen o noso festival de Nadal. Todos os nenos e nenas do Josefa Alonso traballaron e ensaiaron dabondo para levar a cabo unhas magníficas actuacións: bailes, cancións, teatro... Todo iso nun escenario decorado cos adornos que eles mesmos fixeron na casa, así como a preciosa decoración coa que xa nos ten acostumados a nosa ANPA. E despois de actuar e de que nos pasasen os nervios do directo celebrámolo cunha merendola navideña conxunta cos doces que o alumnado trouxo da casa. Pero as sorpresas non acababan ahí... non podía faltar a visita dos Reis Magos!! Ademais este ano quixemos instaurar unha nova tradición e ata tivemos as 12 badaladas para comer as uvas (ou lacasitos, ou conguitos, ou pipas...) e celebrar así a entrada do novo ano... so esperamos que polo menos sexa tan bo coma este!!!

Moitas grazas a toda a comunidade educativa do CEIP Josefa Alonso por facelo posible.

De que o Nadal está cheo de maxia... non tiñamos dúbida algunha!!! Pero este ano descubrimos que a maxia procede de moitos lugares e seres diferentes. O noso colexio convertiuse por un día na morada duns seres máxicos do Nadal que viñeron contarnos as súas historias. As Anjanas, o Apalpador, a Vella e Papá Noel xunto cos seus axudantes, fixéronnos partícipes das súas andanzas e variadas ensinanzas. Temos claro que non imos esquecer este día tan máxico!! Unha vez máis grazas á ANPA por conseguir que as personaxes do Nadal se achegasen dende os seus diversos fogares, e tamén aos estudantes de maxisterio que colaboraron nun día de maxia :)

A última semana de curso antes do Nadal estivo chea de sorpresas e momentos marabillosos. O luns 18, grazas á ANPA Lameira, tivemos a sorte de contar no colexio co grupo "De Tapas" da Fundación IgualArte, un espazo no que as persoas con diversidade intelectual poden expresarse e formarse no ámbito artístico.

E como as sorpresas nunca veñen soas, eles tamén nos traían unha, xa que tocaron un par de temas acompañados por nenos e nenas do colexio e ademais... ata fixeron bailar a algún mestre! Non vos perdades o seguinte vídeo!!