O día 2 de maio celebramo o Día mundial contra o acoso escolar. Fixemos uns lentes nos que puidemos ver como se sinten os demais. Enviamos mensaxes positivas ao protagonista da curta que reproducimos na aula e concienciámonos da importancia do respecto aos demais. 

Grazas á familia de Marc, puidemos enriquecer a nos horta con máis plantiñas. Xa temos cenorias, leitugas, amorodos, pementos, chícharos...

Achégase a festa da Sementeira!!! Será o domingo 30 de abril. Non dubidedes en ir a gozar desta festa e das actividades programadas!!!

O alumnado de 4º EP investigou moito sobre o TEA e queren compartir con vós todo o que aprenderon. Agora empatizarán mellor cos nenos e nenas con TEA. 

O alumnado de 4º e 5º EP, tivo a sorte de visitar ao Equipo de baloncesto en cadeira de rodas Amfiv. Foi unha lección de superación, forza, diversidade, respecto... que nunca van a esquecer. Quedaron moi orgullosos e orgullosas do equipazo que temos na nosa cidade.

O alumnado de 4º EP realizou unhas receitas riquísimas para aprender a facer críticas constructivas na área de Aprender a aprender. Agardamos que vos den moita fame e ganas de cociñar!!!!

O alumnado de 4º EP realizou en Contexto de ciencias, unhas mesturas e separacións de substancias. Aprenderon o que son as mesturas homoxéneas e as mesturas heteroxéneas; tamén como separar algunhas desas mesturas. Experimentando cos utensilios que tiñas ao seu alcance conseguiron separar case todas as mesturas. Foi unha actividade moi divertida e que vos animamos a poñer en práctica nas vosas casas.

Unha das mesturas estaba formada por agua e café; outra de auga e aceite, outra de arroz e sal, unha cuarta de arroz, auga e clips. Cuns coladores, filtros de café, papel de cociña e imáns conseguiron separar esas mesturas.

O alumnado de 4º EP realizou unha plantación de leitugas grazas ao mestre Pedro. Realizaron unhas fichas técnicas co que investigaron sobre as leitugas e agora queda agardar a que crezan o suficiente para poder degustalas!!!

O alumnado de 4º EP xunto co mestre Pedro, realizou unha plantación de chícharos na horta do cole. Investigaron moitas curiosidades sobre os chícharos: o nome científico, a época de plantación, os coidados, a época de recolleita, as formas de consumilos, as porpiedades... Elaboraron unha ficha técnica sobre os mesmos e fixeron en equipo a plantación. Soamente queda agardar uns meses a que os chícharos medren para poder degustalos!!!

Grazas a Arturo, o alumnado de 4º EP tivo a sorte de aprender moitísimas cousas sobre a procedencia dos alimentos que se consumen ultraconxelados como os "pesquiños" e os "palitos de merluza". Aprenderon a infraestructura necesaria para poder levar do mar ao supermercado todos eses produtos que forman parte de moitas casas. Coñeceron os tipos de embarcacións necesarias para pescar segundo a zona e o peixe. Tamén os lugares nos que hai fábricas de Pescanova, tipos de cultivo e coidado dalgúns peixes, conservación e precociñado... O máis importante foi a parte de degustación!!!! Puideron probar eses pesquiños que tan longo percorrido fixeron dende Namibia ata Matamá.