CEIP Josefa Alonso de Alonso

Trasnos e trasniños reuníronse para falar das súas lecturas. Nesta ocasión os trasnos de 4º e 6º EP falaron do libro "Alma de elefante" e recibiron uns sobre especiais... "O carteiro de Bagdad".

Os trasnos de 5º EP, compartiron merenda e opinións sobre o libro "O carteiro de Bagdad" e recibiron un libro moi especial que estaba na nosa "lagoa" particular "A lagoa das nenas mudas".

Non podemos estar máis contentos coa nosa festa do Entroido!! É que cando toda a comunidade educativa traballa xunta o resultado é magnífico!!!

Despois de seguir os mandados do meco durante toda a semana, o venres estabamos preparados para desfilar e actuar diante das nosas familias vestidos de auténticos deportistas.

Pero... quen eras eses que viñan disfrazados de nadadores??? A nosa ANPA sorprendeunos cunha actuación de natación sincronizada!! Que divertido!!! Moitas grazas!!!

Despois puidemos saborear uns riquísimos doces de entroido que trouxeron todas as familias e non quedou aí a cousa... xa que os nosos amigos de Sete Cuncas viñeron amenizar a xornada!!! Que sorte temos!!!

Moitas grazas a todos :)

Tal e como se anunciou no calendario de admisión o día 1 de marzo comeza o proceso de admisión de novo alumnado para o curso 2023-2024, permanecendo aberto ata o día 20 de marzo.

A documentación a presentar será a seguinte:

- Anexo II: folla de solicitude de admisión (ED550B).

- Fotocopia do libro de familia.

- De ser o caso sentencia xudicial de separación ou divorcio e/ou convenio regulador onde conste a custodia do menor.

As solicitudes poderán presentarse presencialmente no centro, en Sede electrónica a través do seguinte enlace: 

https://www.edu.xunta.gal/admisionalumnado/

O horario de secretaría é luns e martes de 8:50 a 9:40 e mércores, xoves e venres de 13:00 a 13:45.

Este sábado na biblioteca Juan Compañel podedes gozar duns contos fermosos co autor do libro "O país da choiva". Os nenos e nenas do club de lectura coñéceno moi ben. Non dubidedes en apuntarvos e coñecer estes contiños!!!!!

Este venres, ás 18:00 podedes acudir ao contacontos "Os nosos mares" de xeito gratuíto en "Libros para soñar" na Rúa Triunfo 1.

O día 23 de febreiro podedes coñecer á autora de "A Señorita Bubble" na libraría "Libros para soñar" onde presenta o seu último libro.

O equipo de biblioteca en colaboración coa aula de 4º EP elaboraron este mapa de Galicia cos personaxes típicos do noso Entorido. Podedes localizar aos Merdeiros, ás Pantallas, aos Peliqueiros, aos Cigarróns...

LUNS

CON LENTES DE MERGULLAR,

NO ENTROIDO TÍRATE AO MAR.

MARTES

SEGURO QUE O PASARÁS MELLOR,

CUNHA ZAPATILLA DE CADA COR.

MÉRCORES

PARA O CORPO PROTEXER,

ALGO NEL TES QUE TRAER.

XOVES

SE UN DEPORTE QUERES PRACTICAR,

ALGO DO TEU EQUIPO HAS DE LEVAR.

VENRES

PREPÁRATE PARA AS OLIMPIADAS

QUE DESPOIS TOMAMOS UNHAS LAMBETADAS.

O alumnado de 4º EP xunto co mestre Pedro, realizou unha plantación de chícharos na horta do cole. Investigaron moitas curiosidades sobre os chícharos: o nome científico, a época de plantación, os coidados, a época de recolleita, as formas de consumilos, as porpiedades... Elaboraron unha ficha técnica sobre os mesmos e fixeron en equipo a plantación. Soamente queda agardar uns meses a que os chícharos medren para poder degustalos!!!