Os alumnos de quinto e sexto de Primaria de Relixión decoraron ovos de Pascua para os demais compañeiros. Grazas pola vosa xenerosidade!
|
|||
Grazas á familia de Marc, puidemos enriquecer a nos horta con máis plantiñas. Xa temos cenorias, leitugas, amorodos, pementos, chícharos...
|
|||
O 23 de abril celebrouse o Día Mundial do Libro, polo que dende o equipo de biblioteca, queremos compartir con todos e todas os contos tan fermosos que contaron os nenos e nenas de 4º, 5º e 6º EP ao resto do cole. Ademais fixemos un concurso de cómic que vos vai sorprender!!!! |
|||
|
|||
Para conmemorar o día da muller os alumnos e alumnas de terceiro de primaria, aproveitaron a temática dos deportes que estamos a traballar este curso, para facer un vídeo do máis especial. Ademais contamos coa axuda da mestra Noemí para facelo aínda máis especial se cabe, non volo perdades!
|
|||
O pasado 23 de febreiro celebrouse o día de Rosalía e no cole, coma todos os anos, estivemos traballando a figura desta gran escritora. Os nenos e nenas déixanvos este vídeo recitando poemas de Rosalía, esperamos que vos gusten.
|
|||
Trasnos e trasniños reuníronse para falar das súas lecturas. Nesta ocasión os trasnos de 4º e 6º EP falaron do libro "Alma de elefante" e recibiron uns sobre especiais... "O carteiro de Bagdad". Os trasnos de 5º EP, compartiron merenda e opinións sobre o libro "O carteiro de Bagdad" e recibiron un libro moi especial que estaba na nosa "lagoa" particular "A lagoa das nenas mudas".
|
|||
Non podemos estar máis contentos coa nosa festa do Entroido!! É que cando toda a comunidade educativa traballa xunta o resultado é magnífico!!! Despois de seguir os mandados do meco durante toda a semana, o venres estabamos preparados para desfilar e actuar diante das nosas familias vestidos de auténticos deportistas. Pero... quen eras eses que viñan disfrazados de nadadores??? A nosa ANPA sorprendeunos cunha actuación de natación sincronizada!! Que divertido!!! Moitas grazas!!! Despois puidemos saborear uns riquísimos doces de entroido que trouxeron todas as familias e non quedou aí a cousa... xa que os nosos amigos de Sete Cuncas viñeron amenizar a xornada!!! Que sorte temos!!! Moitas grazas a todos :)
|
|||
Tal e como se anunciou no calendario de admisión o día 1 de marzo comeza o proceso de admisión de novo alumnado para o curso 2023-2024, permanecendo aberto ata o día 20 de marzo. A documentación a presentar será a seguinte: - Anexo II: folla de solicitude de admisión (ED550B). - Fotocopia do libro de familia. - De ser o caso sentencia xudicial de separación ou divorcio e/ou convenio regulador onde conste a custodia do menor. As solicitudes poderán presentarse presencialmente no centro, en Sede electrónica a través do seguinte enlace: https://www.edu.xunta.gal/admisionalumnado/ O horario de secretaría é luns e martes de 8:50 a 9:40 e mércores, xoves e venres de 13:00 a 13:45.
|
|||
Este sábado na biblioteca Juan Compañel podedes gozar duns contos fermosos co autor do libro "O país da choiva". Os nenos e nenas do club de lectura coñéceno moi ben. Non dubidedes en apuntarvos e coñecer estes contiños!!!!!
|
|||
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »