Blogues

LUUUME! de Andrea Freire

Despois duns días intensos con contacontos moi especiais na BiblioAcuña, pechamos a semana dedicada ao Día do Libro con outra contacontos de altura: Andrea Freire, escritora ourensana de literatura infantil, agasallounos a todos contándonos a súa obra (un album ilustrado) LUUUME!

LUUUME! é unha fermosa historia na que o protagonista, un pequeno misto que sempre está enfadado, aprenderá a xestionar a frustración.

Despois de escoitar a historia os máis cativos tiveron a ocasión de crear coa autora o seu misto. Que chulo lles quedou!!!

Podedes ver as imaxes premendo aquí.

O noso alumnado de infantil volveu pasalo en grande hoxe escoitando os contos que trouxo para eles Silvia, a mamá de Fabio, alumno de terceiro de primaria. 

Moitas grazas mamás!!!

Foi unha semana moi interesante!!!

Seguimos contando máis contos na BiblioAcuña no mes dos Libros. Desta vez foi Anabel, a mamá de Dani, alumno de Infantil, quen fixo que os máis cativos do cole pasaran uns momentos moi divertidos. 

Despois do chamamento que se fixo dende a BiblioAcuña fai unhas semanas, solicitando contacontos voluntarios entre as familias do noso alumnado, recibimos resposta por parte dunhas mamás que nos fixeron pasar uns momentos lectores moi especiais. 

A primeira coa que contamos foi Paloma, a mamá de Emma (unha alumna de segundo), que tivo a todos moi atentos á  historia de EL GRÚFALO e máis LA HIJA DEL GRÚFALO. 

     Os máis maiores puideron escoitar unha versión diferente dalgúns contos clásicos.