Skip to Content

 

CONMEMORACIÓN DAS LETRAS GALEGAS 2016 DEDICADAS A MANUEL MARÍA

Comezamos a celebración desta conmemoración cun xogo proposto por Florisoleira, a mascota da nosa Biblioteca. O xogo aparecía explicado na Zona de Lectura. 

Ademais, por iniciativa do Equipo da Biblioteca, decidimos facer en cada clase da escola un mural a partir dun dos poemas de Manuel María que a aparecen na súa obra Os soños na gaiola, clasico da nosa literatura infantil. En concreto escollemos entre os poemas dedicados aos animais que aparecen nos epígrafes desta obra.

 

E aquí tendes o resultado, que podedes ver de cerca exposto na entrada de Primaria da escola. Estades, coma sempre, convidad@s a visitala.

CLASE DE 4º DE INFANTIL (3-4 ANOS)

CARACOL, COL, COL;
CARACOL, CARACOLEIRO;
¡PON ÓS TEUS CORNOS Ó SOL
XA QUE ERES TAN FRIOLEIRO!

O LOMBO LÉVA-LA CASA,
CARACOL, CARACOLEIRO;
¡E DEIXAS CINTAS DE SEDA
ENGALANANDO O CARREIRO!

CARACOL, COL, COL;
CARACOL, CARACOLÓN:
¡PON OS TEUS CORNOS Ó SOL
Ó SOL OS TEUS CORNOS PON!

 

CLASE DE 5º DE INFANTIL (4-5 ANOS)

Teño un año branco

como outro non hai,

Teño un año branco

que quedou sen nai!

 

Ven conmigo ao prado

e ao monte tamén,

a onde quer que eu vaia

el comigo ven…

 

Sempre ven comigo,

sen min non se afai.

Eu son seu amigo

que quedou sen nai!

 

El comigo brinca

e eu xogo con el.

Meu añiño branco,

meu amigo fiel…!

 

El comigo xoga:

moi mansiño é!

E sei o que fala

cando dice: meé!

CLASE DE 1º DE PRIMARIA

A señora Vaca traballa sen tasa,

mantén a súa cría dá leite prá casa.

A señora Vaca non dá descansado,

tira polo carro e arrastra o arado.

 

A señora Vaca -ten a cor teixa-

sofre en silencio pro non se queixa.

A señora Vaca vai do monte ao prado

e do prado ao curro con ar resignado.

A señora Vaca é humilde e mansa:

 

non sei que misterio na súa ollada cansa!

Non sei que misterio nos seus ollos quedos

que semellan feitos de noites e medos! 

CLASE DE 2º DE PRIMARIA

Arre, corre,

meu burro trotón,

meu burriño manso,

meu burriño bon!

 

-Corre meu burriño;

non gallopes, voa!

A ver si lle ganas

ao vento que zoa!

 

-Arre meu burriño,

non seas perguiceiro!

A ver si lle gañas

ao vento lixeiro…!

 

-Corre meu burriño,

nos cascos pon ás!

Si queres ao vento

deixarás atrás…!

 

-Arre, meu burriño!

Corre máis deprisa!

Que si perde o vento

xa verás que risa…!

 ****

CLASE DE 3º DE PRIMARIA

Raio de luz,

bolboreta que voas de flor en flor:

non che me engada teu vó,

que me engada túa color!

 

 

Non che me engada teu vó,

nin teu ar de soñadora!

A gracia da túa color

é o que a min me namora!

 

Engádame a túa color,

mezcla de noite e aurora,

as túas antenas delgadas

e as túas azas voadoras!

 

Bolboreta, vidro feble,

que voas polo xardín:

semellas bolboretiña,

unha dona de postín...! 

CLASE DE 4º DE PRIMARIA

Espertas as estrelas

co teu quiquiriquí.

Tes plumas amarelas

coas que presumes ti.

 

Eres un gran señor,

orgulloso, sen diñeiro!

Meu galo galeador!

Fachenda do galiñeiro!

CLASE DE 5º DE PRIMARIA

A señora pita

leva a súa rolada

como unha señora

moi señorada

 

-Pío, pío, pío...

Cada pío un choro.

¡Os pitiños pían

en píante coro!

 

Moi señoreada

-e a roupa mendada-

vai a pita choca

levando a niñada.

 

-Pío, pío, pío...

¡Con piar inquedo

pían os pitiños

porque teñen medo!

 

Baixo de Galiña

os pitos dun fato

todos en rolada

¡que vén o miñato!

 

-¡non hai pío, pío

non hai pío, pon

que no alto ceo

voa miñaton!

 

 

CLASE DE 6º DE PRIMARIA

****

 

O venres 13 de maio os nenos e nenas de primaria remataron os seus murais e o xogo proposto por Florisoleira, e tamén foron a ver a vídeo elaborado polas nenas e nenos da clase de 2º de Primaria coas súas ilustracións e coa voz da súa titora, Lupe Ces, sobre o conto de Manuel María Os bigotes de Mimí. Aquí o tendes: 

"Estamos aprendendo moito cos libros de Manuel Maria. Gostamos moito da poesía de "Os soños na gaiola". Ilustramos o conto "Os bigotes de Mimi", inspirandonos nas ilustracións de Xaquin Marin." A clase de 2º EP.

 

Este mesmo venres en Infantil fixeron unha búsca das LETRAS GALEGAS do noso abecedario por toda a planta inferior da escola. Foi divertidísimo! Despois compuxeron coas letras o nome de Manuel María e dos animais dos  poemas que escolleron do autor. Premendo na foto poderás acceder ás demais desta actividade.

 

NOTICIA EN CONSTRUCCIÓN, DESCULPADE AS MOLESTIAS

HOXE COMEZAMOS AS AULAS EN FAMILIA

 

COMEZA ÁS 9.15. Preme na imaxe se queres ler a noticia.

CELEBRACIÓN DOS MAIOS 2016

Este ano iamos celebrar os maios xunto con varios colexios de Ferrol na praza de España, nunha actividade organizada polo Concello. Iamos presentar o noso maio e un grupo de rapazas e rapaces da escola ían recitar un poema de Manuel María no escenario. Tamén cantarían unha canción e o resto da escola ía acompañar dende abaixo. Tamén veríamos as presentacións das demais escolas e gozaríamos da actuación dun grupo teatral e de entretemento.

Por mor do mal tempo a actividade quedou cancelada, así que fixemos estas actividades no noso pavillón. Aquí tendes algunhas imaxes da elaboración do maio e da celebración que finalmente levamos a cabo. 

VISITA DOS PROFESORES E PROFESORAS DE GALES E POLONIA Á NOSA ESCOLA, PROGRAMA ERAMUS +

 

Onte, luns 25 de Abril, recibimos a última visita dos profesores e profesoras de diversos colexios de Cardiff, en Gales e de Varsovia, en Polonia. Viñeron visitar varios colexios de Ferrol, entre eles o noso. Dende hai dous anos a nosa escola participa no programa ERASMUS + no que somos os mestres os que viaxamos a outros países a coñecer e intercambiar experiencias educativas en distintos centros europeos con características similares. O noso proxecto en concreto trataba de coñecer e mellorar a implicación das familias dentro da vida dos centros escolares. A realidade social dos centros participantes neste programa consiste en familias procedentes de xeito moi significativo de diferentes grupos culturais e estratos sociais. Grazas a este programa todas as escolas participantes aprendimos como se traballa nestes colexios tan distantes entre si, descubrindo con gusto que en todos os lugares utilizamos metodoxías moi semellantes, aínda que en todos os casos recollimos interesantes ideas que cada centro aplicou en cada caso segundo as súas necesidades específicas e preferenzas para mellorar esa implicación e participación das familias na vida escolar.

Para recibir esta última visita organizamos na escola unha xincana semellante á que soemos facer na xornada de conviveza familia- escola de fin de curso. Por iso varias familias do centro colaboraron organizando diversas probas e xogos polas que foron pasando todos os alumos e alumnas da escola. A xornada foi especialmente lúdica e divertida para toda a escola, pero tamén apra os nosos visitantes que participaron con gusto nas moitas actividades programadas. Moitas grazas ás familias participantes nesta xornada, xa sabedes que a vosa colaboración e participación fainos sempre mellor escola.

 

 

 

 

 

 

SERGIO, ALUMNO DE 2º DE PRIMARIA, GAÑADOR DUN PREMIO DE POESÍA E IMAXE

Noraboa a el e a tod@s @s demais

participantes do cole!

  

DÍA DO POBO XITANO, 8 DE ABRIL 2016

 

        Este ano, para celebrar o día Internacional do Pobo Xitano no CEIP Manuel Masdías fixemos varias actividades. A ultima foi este lúns 11 de abril, no que veu á nosa escola Alejandra Barrul Fuentes, unha rapaza xitana e estudiante de Dereito da Universidade da Coruña que ten o soño de converterse en xuíza e que deu unha charla aos nenos e nenas de 4º,5º e 6º de Primaria contándonos as súas experiencias educativas e expectativas laborais.Falounos, sobre todo, da importancia de poder escoller o que queremos para nós. Durante máis de dúas horas respondeu ao montón de preguntas que os alumnos e alumnas tiñan preparadas para ela.Segunda as palabras do noso propio director, Oscar González Montañes: "Magnifica experiencia para o noso alumnado poder falar con Alejandra, unha rapaza xitana coas ideas claras, chea de ilusións, cunha gran capacidade de esforzo que aportou a idea de que si queren, poden. 

Grazas Alejandra" 

Premendo nas seguintes imaxes tendes as ligazóns ás noticias que apareceron na prensa sobre esta rapaza e esta interesante charla: primeiro a noticia do seu paso polos colexios Masdías e San Xoán de Filgueiras a as dúas seguintes son as noticias previas (distintas aínda que leven case a mesma foto) todas no xornal La Voz de Galicia.A .

 

 

 

Pero xa o venres 8 comezamos a celebrar na escola o DÍA DO POBO XITANO:

En primeiro lugar, xa dende hai varias semanas, temos no RECUNCHO DE LECTURA DA BIBLIOTECA unha nova exposición na que podemos ver as fotos de varios compañeiros e compañeiras da escola celebrando a nosa convivencia xunt@s, porque na nosa escola entre pai@s e xitan@s xorden o tipo de cousas que poderedes ver premendo na imaxe:

Ademais, xa dende o venres, e durante toda a semana seguinte, temos unha pequena EXPOSICIÓN DE OBXECTOS DA CULTURA XITANA que varias familias do centro cederon  amábelmente á escola para esta conmemoración. Nela os nenos e nenas xitanas da escola explican aos demais as características e utilidades destes prezados obxectos. Premendo na primeira imaxe podedes acceder á noticia que sobre este acontecemento publicou o xornal Diario de Ferrol:

Por outro lado a mestra de 2º Lupe Ces leulles aos nenos e nena  de infantil e de 1º, 2º e 3º de primaria un precioso conto: A HISTORIA DO NENO XITANO ANTONIO que goza acompañando á súa familia aos mercados e tomando o chocolate con churros co seu avó e que un día ten unha idea para axudar a frear a contaminación do mar e preservar as especies mariñas.

AQUÍ TENDES O CONTO DE ANTONIO: 

 

 

MATRICÚLATE NO MASDÍAS

ESTÁS BUSCANDO UNHA ESCOLA PÚBLICA DE CALIDADE EN FERROL? PREME NA IMAXE

EXPOSICIÓN DA BIBLIOTECA: MULLERES ILUSTRES DA HISTORIA POLO DÍA INTERNACIONAL DA MULLER

Premede na imaxe para acceder a esta nova dende a Biblioteca do centro

8 DE MARZO: DÍA INTERNACIONAL DA MULLER

En 3º e 4º de Primaria fixeron para conmemorar este día tan especial unha exposición coas fotos e redaccións sobre a muller máis especial das súas vidas. Merece moito a pena ler as súas impresións. Aínda faltan os traballos dalgúns alumnos e alumnas, pero os iremos poñendo neste artigo a medida que pasan a formar parte da exposición:

 

3º de Primaria

 

4º DE PRIMARIA

 

Ademais hoxe fixeron nas mesmas aulas un pastel de agradecemento para estas mulleres marabillosas, que empaquetaron e levaron á casa para entregárllelos:  

 

Distribuir contido


 

 

09/06/2014

Random image

Apredimos a preparar a terra para facelo nós nas outras cortiñas.
by Dr. Radut