CEIP Ledicia

ACHÉGASE O DÍA DA PAZ

A manta solidaria buscará un/ unha don@ solidari@

O vindeiro martes 28 celebra connosco unha

"chocolatada con churros" solidaria.

Ás 17:00 no pavillón, bailaremos tod@s xunt@s a "Polca da Paz"

Logo será a chocolatada

 E para rematar...

"sorteo da manta solidaria"

O venres, día 20 de decembro, imos celebrar a Festa de Nadal.

Como en anos anteriores realizaremos dous festivais. Un pola mañá, exclusivamente para alumnos/as do centro; e outro pola tarde, a partir das 16:30 horas, ao que estades convidados todos e todas.

No festival, que se celebrará no pavillón, haberá actuacións de todos os cursos. Despois

virán os Reis Magos e o Apalpador que repartirán algún agasallo para o cole e que

todosos nenos e nenas o compartirán ao longo do curso. A continuación haberá unha

merenda,para rematar aproximadamente ás 19:00h.

O pasado 4 de decembro os nenos e nenas de 3º , 5º e 6º curso foron

ao Museo Centro Gaiás na Cidade da Cultura de Santiago á exposición:

"ORINOCO: Viaxe a un mundo perdido"

A Colección Orinoco propón unha inmersión no chamado “Mundo Perdido”, un lugar protexido ecálido no corazón da selva amazónica, onde apenas o un por cento da luz solar logra alcanzar o chan ao mediodía pero no que o ser humano atopou hai doce mil anos un acolledor fogar onde atopar todo o necesario para vivir. A mostra é un canto á natureza virxe e ao respecto polo medio natural e un recoñecemento ás culturas tradicionais e a súa supervivencia respectuosa coa contorna.

Composta por unha ampla selección de obxectos utilitarios de cada un dos grupos indíxenas, a colección consta de máis de 1.500 pezas recompiladas durante cincuenta anos de exploracións: máscaras, cestería, adornos corporais, instrumentos musicais, plumarios, canoas, remos e instrumentos de pesca, obxectos de uso cotián e máxico-relixiosos, que están construídos con materiais da selva, partes de animais, plantas e minerais.

Conferencia sobre A RELACIÓN ENTRE O MAR E O CAMBIO CLIMÁTICO

Hoxe visitounos Tania Lado Insua, una nova enxeñeira oceánica que, de xeito moi ameno, intentou que @s nen@s aprendesen as relacións entre a observación das correntes mariñas e o cambio climático.

Explicoulles tamén a súa forma de investigar mediante a extracción dos sedimentos dos fondos oceánicos para a través de medicións e observacións sacar información dos cambios climáticos que sufriu o planeta dende fai miles de anos.

Agradecemos especialmente a súa amabilidade e simpatía no trato cos nenos e nenas do noso colexio e que sirva de motivación para que moitos deles e delas sexan futur@s científic@s.

  PRÓXIMO MÉRCORES 30 DE OUTUBRO

CELEBRAREMOS O MAGOSTO E O SAMAIN

ÁS 17:30 PODEREMOS COMER

CASTAÑAS E LEITE

O ALUMNADO DE 4º E 5º VENDERÁN RIFAS (1 EURO) PARA UNHA CESTA QUE A ANPA SORTEARÁ DURANTE A FESTA E QUE AXUDARÁ A RECADAR FONDOS PARA A EXCURSIÓN DE FIN DE PRIMARIA.

 APROXIMADAMENTE ÁS 18.30 FAREMOS O

DESFILE COAS CABAZAS

E

QUEIMAREMOS AS CASTAÑAS XIGANTES