Quen somos?

O Colexio 'Manuel Masdías' é un centro público que imparte o ensino correspondente ó segundo ciclo de Educación Infantil e á etapa de Educación Primaria.

Atopámonos no barrio de Caranza, en Ferrol, ó abeiro dunhas instalacións cun edificio destinado a aularios de grupos, aulas específicas e locais dedicados a múltiples servicios, rodeados por unhas extensas zonas verdes poboadas de árbores e plantas das máis variadas especies autóctonas, nas que se insiren tres zonas de recreo, un horto escolar e un pavillón polideportivo cuberto con dúas pistas.