Plantilla de Webquest
Que é unha webquest?
Unha webquest é unha estratexia didáctica que usa as TIC de xeito innovador.
As súas características principais son :
- Son actividades de investigación ou busca guiada na que case todos os recursos empregados proveñen de internet.
- Foi proposta polo profesor Bernie Dodge, da Universidade de San Diego, en 1995.
- Son actividades colaborativas e de traballo en grupo.
- Obrigan á utilización de habilidades cognitivas de alto nivel onde predomina a reflexión mental.
- Dan prioridade á transformación da información e permítennos erradicar o "corta e pega" dos traballos do alumnado. Supón unha metodoloxía constructivista.
- Teñen en conta o tempo do alumnado. Este non perde o tempo buscando ligazóns en internet, xa que se lle facilitan aquelas que debe visitar para atopar a información que precisa.
- Os temas tratados deben ter sentido lóxico para o alumnado o que favorecerá que as tarefas propostas sexan motivadoras e interesantes, repercutindo na calidade dos resultados obtidos.
- A metodoloxía aplicada no traballo con webquest é a mesma que empregamos no "traballo por proxectos", o alumnado é parte activa da construción da súa aprendizaxe.