Skip to Content

3º Curso

Horta escolar 2023

Sáb, 22/04/2023 - 19:42 — admin

No curso escolar 2022-2023, despois do éxito de cultivar a horta no CIFP Portovello e intentando que todo o alumnado do colexio poida plantar os seus produtos, decidimos facer 4 pequenas hortas.

Nas seguintes imaxes teredes acceso ao traballo desenvolvido neste curso:

EDUCACIÓN INFANTIL 1º CICLO
2º CICLO 3º CICLO
CIFP PORTOVELLO  
 

Aquí deixamos como deseñamos e construímos a nosa horta con 4 parcelas para que todo o alumnado poida cultivar diversos produtos dentro dunha economía sostible.

Os pasos que demos foron os seguintes:

DESEÑO

  • Buscamos o lugar máis soleado e máis resgardado para que o cultivo sexa o máis produtivo posible.
  • Pensamos e deseñamos o tamaño e cantidade de bancais. Neste caso 4 bancais: 1 para o alumnado de Educación Infantil, 1 para o alumando de 1º e 2º de Educación Primaria, 1 para o alumando de 3º e 4º de Educación Primaria e 1 para o alumando de 5º e 6º de Educación Primaria. O tamaño é de 1 metro de ancho por 4 metros de longo e 0.25 metros de alto cun volume de 1 metro cúbico por bancal.  
  • Marcar o lugar con cordeis.

CONSTRUCIÓN

  • Retirada de herbas e facer rego para atopar o firme e así poder asentar o bloque.
  • Colocación do bloque.
  • Cubrir de terra para o cultivo.

Nas últimas semanas de abril o alumnado das diferentes aulas comezou a plantar na súa horta produtos como: leitugas, coles, cabazas, framboesas, pepinos, cenorias, tomates,...

Os nenos e nenas de 6º de Educación Primaria, ademais de cultivar a nosa horta escolar, seguimos colaborando co mantemento da horta situado no CIFP Portovello.

 DEGUSTACIÓN DOS PRODUTOS DA NOSA HORTA

 

As tormentas do mes de maio e xuño fixeron estragos na nosa colleita.

Ti si que es un bo peixe

Sáb, 22/04/2023 - 03:48 — admin

O 19 de abril realizamos na aula de psicomotricidade o  obradoiro Ti si que es un bo peixe, incluído dentro do programa aliméntate ben que vai percorrendo centros de nosa comunidade con diferentes actividades que dan a coñecer os aspectos saudables do consumo de produtos do mar.

Esta actividade completarémola o próximo 11 de maio coa excursión ao porto de Vigo onde coñeceremos de primeira man este marabilloso mundo do mar e poderemos degustar algúns de ditos productos.

OBRADOIRO DE ED. INFANTIL E 1º DE ED. PRIMARIA

 OBRADOIRO DE 2º a 6º DE E. PRIMARIA

 

Ourencanto, V edición.

Mér, 19/04/2023 - 03:33 — admin

o 17 de abril participamos na xornada didáctica da quinta edición Ourencanto 2023, un proxecto consolidado en Galicia para achegar o mundo coral á mocidade ourensá de 8 a 18 anos.

O encontro desde ano se celebrouse o 14 e o 15 de abril no Conservatorio Profesional de Música, e o 16 no Auditorio Municipal de Ourense. Foron, un ano máis, unhas xornadas de participación e convivencia, rematadas cun gran concerto no Auditorio Municipal de Ourense baixo a direción artística do marabilloso director e compositor Josu Elberdin.

Acrosport 2022/2023

Mar, 18/04/2023 - 03:43 — admin

Como tódolos anos, nos niveis de 3º e 4º de educación primaria, dende a área de educación física, comezamos a práctica de ACROSPORT, deporte que combina acrobacia e coreografía. 

Ao alumnado encántalle e os resultados son moi vistosos como poderedes observar nas seguintes imaxes.

Disfrutádeo!

Fai clic ao teu bocata

Xov, 13/04/2023 - 18:31 — admin

O 13 de abril de 2023 realizamos no centro o obradoiro “Fai clic ao teu bocata” no que nos ensinaron as vantaxes e a importancia dunha dieta equilibrada.

A actividade dividiuse en dúas sesións. A primeira delas para o alumnado de Educación Infantil e 1º de Educación Primaria e a segunda das quendas para o alumnado de 2º a 6º de Educación Primaria. Nestes dous obradoiros destacouse a importancia das conservas completando a formación con vídeos educativos e xogos didácticos.

Ao remate da sesión, todo o alumnado elaborou ao seu gusto o bocadillo saudable.

Estamos agardando poder repetir este obradoiro.

EDUCACIÓN INFANTIL E 1º DE EP

Galería de Ed. Prmaria

Visita da Policía Nacional

Xov, 30/03/2023 - 09:02 — admin

O 30 de abril visitounos unha patrulla da Policia Nacional de Ourense co obxectivo de pór en valor o traballo que están a realizar na nosa cidade.

Todo o alumnado do centro participou nesta activiade e puido observar in situ e, incluso, manipular os diferentes materiais e aparellos que a Policia Nacional emprega no seu traballo diario.

Foi unha experiencia moi positiva xa que se logrou mudar o pensamento xeralizado da maioría do alumnado que pensaba que o único traballo deste corpo de seguridade era perseguir ás persoas delincuentes.

Día da poesía. Poetry day!

Xov, 30/03/2023 - 03:17 — admin

Este ano, para celebrar o Día da Poesía, realizamos un roteiro poético, por diversos recantos do noso cole relacionados, no que a temática central xirou entorno á natureza.

Nas seguintes ligazóns achegamos os vídeos cos diversos poemas recitados en galego, castelán e inglés: (iremos engadindo os vídeos en breves)

GALEGO

Para finalizar esta celebración, todo o centro recitou o poema Á nosa sobreira, da que é autor o profe Toño, a carón desta árbore senlleira que tan ben nos identifica e representa.

CASTELÁN

INGLÉS

GALERÍA DAS ACTIVIDADES DO MARTES

GALERÍA DAS ACTIVIDADES DO MÉRCORES

EXPOSICIÓN DE LIBROS NA BIBLIOTECA

 

Visita ao supermercado Gadis

Lun, 27/03/2023 - 05:10 — admin

O alumnado do CEIP Plurilingüe Manuel Sueiro realizou tres visitas ao supermercado GADIS no centro comercial Pontevella dentro do programa Alimentes.

A visita estivo estruturada 7 zonas nas que mostraron a noso alumnado as características dos alimentos, o seu empaquetado, a distribución e a súa importancia para unha dieta saudable.

A primeira das zonas consistiu nunha explicación da importancia da roda dos alimentos nos que nos amosaban os cinco apartados máis importantes para unha dieta saudable: vexetais (froitería), froitas (froitería), cereais (panadería), carnes, peixes, legumes, ovos e froitos secos (carnicería, peixería e estantes dos supermercados) e auga.

A segunda das paradas foi na froitería na que nos ensinaron produtos de proximidade con diferentes formas e sabores nos que destacamos as froitas como as laranxas, peras, mazás, pomelos,... e hortalizas.

A terceira das paradas foi a panadería na que observamos os diferentes tipos de pan como o tradicional (pan de Cea) ou o elaborado (pan de molde en bolsa).

A continuación fomos a peixería na que nos amosaron os diferentes peixes sabendo diferenciar o peixe branco do azul e algún peixes que nunca víramos como as raias. O que máis nos sorprenderon foron os polvos.

Despois da peixería foron a charcutería no que descubrimos a grande cantidade de produtos elaborados que non deberían estar na nosa dieta.

A sexta das zona foi a carnicería na que puidemos aprender a diferencia entre carnes vermellas e carnes brancas.

A última das zonas foi a zona das bebidas nas que descubrimos a “Kombucha” ou fungo do te, sendo unha bebida fermentada feita a base de te cuxa fermentación se obtén a través do cultivo de bacterias e lévedos. A bebida máis importante para o noso organismo e a mellor para unha dieta saudable é a auga.
O supermercado GADIS agasallounos cunha mochila cunha mazá e unha botella de auga. 

A visita foi xenial... e como sempre despois dun bo traballo rematamos cunha boa merenda e na zona de xogos.

VISITA DE EDUCACIÓN INFANTIL

VISITA DE 1º, 2º e 3º de Ed. PRIMARIA

VISITA DE 4º, 5º e 6º de Ed. PRIMARIA

 

 

Desde o corazón da mazá

Sáb, 11/03/2023 - 21:17 — admin

Coincidindo coa semana da prensa realizamos o concurso sobre o libro de Xan Farias: “Desde o corazón da mazá”, co cal estivemos a traballar ao longo do mes de febreiro no Club de lectura de terceiro de EP.

O libro é unha colección de textos escritos por un neno ao longo dun verán que lle mandou elaborar o mestre como tarefa. Un delicioso mosaico formado por pequenas teselas que, todas xuntas e cada unha por separado, son exquisitas.

O autor obriga ao lector a montar as historias, a imaxinar moito que non está escrito. É case tan importante o que conta como o que non conta. Farias axuda a facer lectores intelixentes.

Nesta ocasión, o resultado final do concurso estivo moi disutado, resultando gañador o equipo formado por Maia e Carlota.

Moitos parabéns para todos e todas polo traballo desenvolvido!!

 

Despedida do alumnado de prácticas 202/2023

Lun, 27/02/2023 - 07:02 — admin

Un ano máis, o Xoves de Comadres tocou despedir ao profesorado de prácticas que nos acompañaron desde comezo de curso no noso traballo escolar.

Foron moitas as bágoas que se derramaron no acto de despedida de Tamara, Pablo, Ana, Noelia e Clara que tivo lugar na sala de usos múltiples, tras entregarlle un exemplar do libro “Maestra de Pueblo…”, motivo polo cal se teñen que sentir moi satisfeitas xa que é o mellor indicativo de que deixan pegada no CEIP plurilingüe Manuel Sueiro.

Toda a comunidade educativa agradécelles o seu bo facer e a súa excelente disposición ao traballo cos nenos e nenas, e felicitámolas por todo o traballo desenvolvido neste período de tempo.

Esperamos e desexamos que todo lles vaia ben e que nun futuro próximo volvan ao centro como novas compañeiras do noso claustro.

Distribuir contido


by Dr. Radut