biblioteca

A MULLER E A NENA NA CIENCIA

O 11 de Febreiro celébrase o día da muller e a nena na ciencia. No centro elaboramos unha exposición de importantes mulleres vinculadas a este ámbito, libros de ciencia e mulleres, e como non podía faltar, o biblicromo en conmemoración deste día.

POR UN MUNDO EN PAZ

Para conmemorar o día da Paz realizamos unha xuntanza de delegados onde decidimos poñerlle moita música, cor e boas palabras a este fermoso día.

Fixemos unha selección e exposición de contos relacionados coa paz, o benestar emocional, a non violencia, a convivencia...

O mundo foise enchendo de cores e escoitamos cancións da paz no recreo que seleccionamos en cada aula.

O noso planeta comezou a encherse de palabras fermosas por todos os continentes...

Ata ocupar mares, océanos, países, illas...

E para rematar recollemos os nosos biblicromos do día da paz e a non violencia:

BIBLIOTECA INCLUSIVA

O LIBRO DOENTE

ÁLBUM DE CROMOS

Este ano no marco do PDI 2023 ALUCINE! deberedes completar as carteleiras de aula con cromos de múltiples películas. Para acadar esta meta grupal será tan sinxelo como: participar nas actividades da biblioteca e de centro, superar os retos propostos na páxina web, atopar os cromos agochados nos libros, desenvolver tarefas e proxectos de aula... Tedes un sinfín de oportunidades! Ánimo e a por todas!

Coñece todos os cromos que podes conseguir participando nas actividades do PDI 2022, da biblioteca, voluntariado, conmemoracións, agochados nos libros da biblioteca... e completa o álbum ao longo do curso..

REALIDADE VIRTUAL: BIBLIOIA VIRTUAL

Próximamente poderás realizar un paseo virtual pola biblioteca do centro. Estate moi atento!

AXENDA 20/30

A axenda 2030 para o Desenvolvemento Sostible é unha folla de ruta que todos os países membros da ONU asinaron en 2015. Esta axenda universal sitúa os dereitos humanos de todas as persoas no centro, sen deixar a ninguén atrás.

Entre os principais obxectivos que se propón están erradicar a pobreza no mundo, combater a desigualdade e o cambio climático, asegurar a igualdade de xénero e os dereitos humanos das mulleres e garantir o acceso universal ós servicios de saúde e educación de calidade, entre outros. É unha aposta universal que compromete a todos os países, calquera que sexa o seu desenvolvemento.

Dende BibliOia e o equipo de Voz Natura queremos poñer o noso gran de area no desenvolvemento destes obxectivos. É por iso que próximamente iniciaremos o desenvolvemento da actividade "O carriño 2030" unha actividade que pon a mirada na educación ambiental, o consumo e xira arredor dos valores anteriormente recollidos.

O CARRIÑO 2030

VOLUNTARIOS BIBLIOTECA

Descubre máis sobre o voluntariado na biblioteca clicando nos seguintes apartados:

Este programa de voluntariado realízase co alumnado de 5º e 6º de Educación Primaria. Neste curso contamos con seguintes voluntarios:

5 º EP: 15 voluntarios.
6º EP: 22 voluntarios.

BIBLIOFAMILIAS

Formas parte da famila dalgún dos alumnos/as do centro? Gústache a lectura? Non tés libro que ler actualmente? Estás no sitio indicado. BibliOia dispón dun espazo chamado Bibliofamilias na entrada do centro onde poderás coller libros de lectura de forma fácil e sinxela.

Podes realizar tamén recomendacións lectoras e suxerencias tanto dos libros que hai nesta sección como doutros títulos de interese nos comentarios desta nova.

Engadir novo comentario.

BOOKCROSSING

O chamado bookcrossing comenzou aló polo ano 2001 en Estados Unidos. Basicamente consiste en crear unha rede global de libros que atravese no tempo e no espazo, que non coñeza límites xeográficos e cuxa meta, simplemente, é converter o mundo nunha grande biblioteca.

Trátase en definitiva en deixar libros en espazos públicos para que outros lectores o recollan e logo eles fagan o mesmo. A idea e deixar viaxar libremente os libros para que poidan ser encontrados por outras persoas.

Dende a nosa biblioteca pretendemos darlle un sentido máis amplo a este termo, entendendo o bookcrossing como unha práctica de compartir libros e recursos de lectura entre o alumnado, profesorado, familias, centros e institucións próximas da contorna.

As nosas iniciativas de bookcrossing pasan por:

As actividades e recuncho bookcrossing buscan favorecer o intercambio de libros entre o alumnado do centro.

Bibliofamilias é un espazo aberto a que as familias collan prestados diferentes libros de temática adulta e tamén poidan realizar doazóns de libros para comunidade escolar.

Preténdese favorecer o préstamo e cooperación entre centros no marco dunha rede de colaboración entre bibliotecas escolares especialmente no relativo a libros de lectura colectivos. No seguinte enlace podes acceder ao catálogo de títulos de lectura colectivos dos que dipoñemos, así como o número de exemplares.

Se eres dun centro educativo da contorna e queres facer uso deles só tés que chamar ao centro e solicitalo (Teléfono: 886110488). Se a colección está dispoñible poderás facer uso deles no prazo dun mes.