4º primaria

"LAtexos a 440" (Podcast sobre Luisa Villalta)

"LAtexos a 440" é unha pequena peza de teatro radiofónico creada pol@s nen@s de cuarto onde tentamos introducir aos radiooíntes nunha historia de loita, música e superación xurdida da reinterpretación do libro e posterior filme “Fahrenheit 451” de Ray Bradbury a través dunha anécdota vivida por Luisa Villalta cando era mestra no seu instituto. Ademais poderase encontrar alusións a outras obras e temáticas importantes para a escritora. Clika na imaxe para escoitalo.

TOLEMIAS INIMAXINABLES 7

Novo programa de Tolemias Inimaxinables, o programa máis tolo da Radio Arrabal. Neste programa os nenos e nenas de cuarto faláronnos da incrible sorpresa que lles realizaron, datos do Faro Silleiro, unha tola entrevista a gaivota Bellota e da excursión que fixeron ao Mosteiro de Oia. Para rematar escoitamos unha canción relacionada coa importancia da auga hoxe en día. Esperamos que vos guste e volvemos o próximo programa. A voar nas ondas do Arrabal!!!!

ATLETISMO E VOLEI no ifevi con 4º e 5º

Chegou o momento dos encontros escolares de XOGADE. Despois de prepararnos duramente para ser unhas boas xogadoras de volei e uns atletas estupendos, fomos ao IFEVI para xuntarnos cos outros coles que participan no programa. Compartimos experiencias, carreiras, partidos e merendilla. Aprendemos a que o importante non é gañar senón participar e divertirnos. Agora xa temos moitas amigas e amigos dos outros coles da bisbarra. Adiante co deporte!!!

Álbum: CURSO 2023-24 -> IFEVI 4º_5º

VISITA AO MOSTEIRO DE OIA

O pasado luns, 15 de abril, o alumnado do colexio saíu a explorar a contorna. Nesa exploración parámonos no MOSTEIRO DE OIA. É o patrimonio máis representativo do noso pobo e non podíamos deixar de visitalo.

Acompañadxs por guías fomos descubrindo os seus segredos, beleza e historia. Este mosteiro, onde nace Oia, trátase do único mosteiro cisterciense situado ao carón do Atlántico. E dende 1931 goza da maior protección legal en materia de patrimonio histórico.

Sin dúbida será unha visita que repetiremos tódolos anos para por en valor o noso pobo. Aquí tedes algunhas fotos e un enlace onde atopar información desta fantástica visita.

Clica na imaxe para saber máis sobre o mosteiro

Álbum: CURSO 2023-24 -> VISITA AO MOSTEIRO

TOLEMIAS IMAXINABLES EN DIRECTO

Álbum: CURSO 2023-24 -> TOLEMIAS IMAXINABLES

TOLEMIAS IMAXINABLES 6_ESPECIAL FIN DE TRIMESTRE

Novo programa en directo do alumnado de 4º, programa especial de fin de trimestre. Falamos das últimas novas do cole, efemérides do mes de marzo e moito máis. Por suposto entregamos os premios do concurso da radio e quedamos encantados, animádevos a participar para a próxima edición.

Agora a disfrutar do programa e das vacacións, o traballo está feito. Adeuuuuus!!!!

PROGRAMA ESPECIAL CROS 6º

Aquí tedes o podcast que preparou 6º para falarnos da súa aventura no CROS DEPORTE ESCOLAR...atentas para contestar ben á pregunta do concurso.

DIA DA MULLER TRABALLADORA 8M

Programa especial para celebrar o día da muller traballadora. O alumnado de 4º de primaria preparou un programa cargadiño de noticias, actualidade, entrevistas e información...
Escoitade atentamente que tamén hai pregunta para o concurso.

Adiante coa RADIO ARRABAL!!!!

Portada » Galegas8m

TOLEMIAS INIMAXINABLES 4

Xa está aquí o cuarto programa de "Tolemias Inimaxinables" o programa máis tolo da Radio Arrabal. Nesta ocasión falamos do Día Mundial da Radio, de planetas e do fin do entroido. Tamén nos desprazamos a un lugar único, ás "Pozas de Mougás" onde coñecemos a unha personaxe moi especial.

Por certo, non vos olvidedes de participar no concurso da Radio Arrabal, desta vez "pregunta dobre":

1.- Que río descende polas pozas de Mougás?

2.- Entre que anos viviu o loro Ravachol do entroido de Pontevedra?

Xa sabedes, collede un papeliño e escribide as respostas ás dúas preguntas, o voso nome e curso e para dentro do buzón da radio.

Moita sorte a to@s!

ENTROIDO 2024

Este venres, 9 de febreiro, celebramos o Entroido todxs xuntxs no cole. Comemos lambonadas típicas deste tempo e para baixar tanta caloria, fomos bailar e disfrutar desta tradición tan querida. Por mor do mal tempo houbo que suspender o desfile polas rúas do Arrabal e as familias non poideron asistir. Quedamos no pavillón e aquí tedes unhas fotos para o recordo.