Skip to Content

                              

Novas

NOTA INFORMATIVA

Mar, 10/12/2019 - 14:27 — admin

 Estimadas familias, queremos comunicarlles o seguinte:

  • O venres, día 20 de decembro de 2019, o alumnado de Educación infantil recibirá o boletín informativo e os traballos realizados durante o trimestre, motivo polo cal é necesario acudir a falar coas titoras, á volta das vacacións.

  • O venres, día 20 de decembro, o alumnado de Educación Primaria tamén recibirá o boletín de notas da 1ª avaliación. O horario de atención ás familias para a entrega do xustificante das notas e para falar cos titores sobre a evolución académica dos seus fillos será o primeiro martes de xaneiro, (día 14) de 16.00 a 18.00. No caso de non poder asistir o devandito día, por forza maior, deberán poñerse en contacto coas respectivas titorías.

  • O venres 20 de decembro será un día lectivo, polo tanto o alumnado seguirá o horario ordinario dos venres, entrando ás 9.30 e saíndo ás 13.15 horas.

 

Un saúdo.

 

Boborás, a 10 de decembro do 2019

 

O director

 

 

 

Javier Álvarez

 

NOTA INFORMATIVA

Dom, 13/10/2019 - 19:00 — admin

Estimadas nais,pais, titores e titoras de alumnos:

Como ben saben, unha das prioridades do centro é a adquisición de hábitos saudables, incluíndo unha dieta equilibrada e completa. Por iso, comunicámoslles que o colexio, en colaboración co Consello Escolar, elaborou unha proposta de calendario de merendas para levar a cabo nos recreos. Trátase de que os nenos que traen algo para comer neses momentos de lecer, tomen alimentos que complementen os menús do comedor, completando unha dieta variada e equilibrada. Por exemplo, como os martes e xoves as sobremesas do comedor son lácteos, parece axeitado que traian neses días unha froita, mentres que o resto da semana poden traer lácteos xa que a froita está de sobremesa no menú escolar.

O calendario de merendas proposto é o seguinte:

CALENDARIO DE MERENDAS PARA OS RECREOS

 
LUNS MARTES

MÉRCORES

 XOVES

VENRES

LÁCTEO

(iogur, batido, queixo, etc)

FROITA

ou froitos secos

 

LÁCTEO

(iogur, batido, queixo, etc)

 

FROITA

ou froitos secos

 LIBRE

En todo caso, convén recordar que pediatras e nutricionistas recomendan eliminar ou reducir ao máximo o consumo de bollería industrial (pasteliños de chocolate, napolitanas, sandwiches de nocilla, galletas, etc...), así como zumes de brik polo seu alto contido en azucres.

Agradecendo unha vez máis a súa colaboración, reciban un cordial saúdo.

NOTA INFORMATIVA

Xov, 26/09/2019 - 12:17 — admin

Comunicamos ás familias que o vindeiro martes 1 de outubro comeza o horario de xornada partida, con clases pola tarde. A hora de entrada ó centro, de luns a xoves, será ás 09:30 h e  a de saída ás 16 h.

Os venres non hai clase pola tarde. Neste caso, a hora de entrada é ás 9:30 h coma o resto da semana, pero a hora de saída é ás 13:15 h, despois do comedor. Os que non quedan a comer saen ás 12:20 h.

Un saúdo

 

BENVID@S AO CURSO 19/20

Dom, 08/09/2019 - 19:00 — admin

Toda a comunidade educativa queremos darvos a benvida a este novo curso.

Lembrade que comezamos o cole o mércores 11 en horario normal de setembro (de 09:15 a 14:15 h), polo que ese día teremos xa comedor e transporte.

Podedes consultar o menú do mes de setembro no taboleiro (menús de comedor).

 

 

Escola de pais e nais: "Abordaxe da febre en pediatría"

Mar, 11/02/2014 - 17:07 — Xuvencos

O martes 11 de febreiro tivo lugar na biblioteca do colexio o primeiro relatorio informativo/educacional correspondente á escola de pais e nais que organiza a ANPA do colexio e que está dirixido a todos os membros da comunidade educativa.

Nesta primeira sesión, tivemos a honra de contar coa presenza do doutor Villanueva, médico pediatra, que nos informou de como debemos actuar e proceder cando nos atopemos con episodios de febre nos nosos fillos e fillas.

Ao final da charla, o doutor resolveu as múltiples dúbidas que o numeroso público asistente lle preguntou.

Desde aquí queremos expresar o noso agradecemento a todos e todas as participantes neste evento, e en especial ao Dr. Villanueva.

 

Solicitude de praza para o curso 2014/2015

Lun, 03/02/2014 - 07:08 — Xuvencos

Desde o 1 de febreiro e ata o 15 do mesmo mes está aberto o prazo de Reserva de praza para o alumnado de 6º curso que desexe continuar os seus estudos no IES Chamoso Lamas. Dito alumnado deberá presentar no noso centro o ANEXO I debidamente cumprimentado. Se non desexa reservar praza en dito instituto deberá facelo constar por escrito antes do 28 de febreiro e solicitar praza noutro centro entre o 1 e o 20 de marzo, entregando o ANEXO II debidamente cumprimentado no centro que desexe continuar os seus estudos.

O resto do alumnado, que este ano estivo matriculado no noso centro, ten Reservada praza de oficio no centro. Se decide solicitar praza noutro centro ten que achegarnos unha copia da solicitude entregada nese novo centro.

Desde o día 1 de marzo e ata o 20  do mesmo mes está aberto o prazo de solicitude de praza no noso centro para novo alumnado ou procedente doutros centros educativos. Por mor da previsión de matrícula para o próximo curso, non deixedes a solicitude de praza para última hora.

O procedemento está regulado polo Decreto 254/2012 e unha Orde que o desenvolve.

Listaxe de admitidos para o curso 2014/2015

O alumnado admitido deberá formalizar a matrícula entre o 20 e 30 de xuño.

 DOCUMENTOS

 DESCARGA
 Reserva de praza no centro ou IES. Do 1 ao 15 de xaneiro. ANEXO I.

 Solicitude de praza no centro do 1 de marzo ao 20 de marzo. ANEXO II.

 Formalización de matrícula. Do 20 ao 30 de xuño. Requisitos necesarios.

 Documentación que acompañará á matrícula.

 Solicitude de lingua materna en Ed. infantil
 Solicitude de matrícula na área de relixión.

 Autorización para usar as imaxes do alumnado con fins educativos.

Tríptico Informativo
Renuncia á reserva de praza no IES Chamoso Lamas

Reunión dos titores cos pais e nais

Ven, 30/08/2013 - 23:53 — Xuvencos

O xoves 12 de setembro realizaremos a primeira reunión cos pais e nais do alumnado de Educación Primaria e Ed. Infantil, para informar do desenvolvemento do novo curso escolar e das novas acontecidas desde o remate do curso pasado.

Os familiares do alumnado de Educación infantil terán unha charla informativa o primeiro día de clase ao traer aos nenos ao colexio.

Na reunión porase de manifesto que a coordinación familia/escola ten que funcionar da mellor maneira posible, o que repercutirá na mellora da calidade educativa do centro, sendo os principais beneficiados o alumnado do colexio.

Facilitarase a seguinte información na reunión:

  • Nova normativa de comedor. (Moi importante)
  • Normativa de transporte.
  • Horario do centro.
  • Fichas de datos.
  • Horarios do alumnado.
  • Información sobre os diferentes Plans que se están a desenvolver no centro:
    • Proxecta, PROA, PLAMBE, Abalar, Fomento do Galego, Linguas estranxeiras...
  • Ao rematar a reunión xeral, os titores informarán nas súas clases, aos familiares do alumnado, sobre diversos aspectos a ter en conta no desenvolvemento do curso escolar 2013/2014.

NON FALTEDES !!

Calendario curso 2012/2013

Mar, 11/09/2012 - 20:44 — Xuvencos
 Calendario escolar curso 2012/2013
 

Ver arquivo PDF

 

Día non lectivos do centro:

mércores, 19 de setembro do 2012

 

Horario xeral
De luns a xoves
  Mañáns 09,30 a 13,10  
 
  Tardes 14,20 a 16,00  
Venres  Mañás 09:30 a 13:15  

 

Horario setembro e xuño
Mañáns   09,15 a 13,30  

 

Datas de entrega de notas:  
1ª Avaliación 21 de decembro  
2ª Avaliciación 22 de marzo  
3ª Avaliación 21 de xuño  

 

Reunión dos titores cos pais e nais

Lun, 10/09/2012 - 21:51 — Xuvencos

O xoves 13 de setembro realizaremos a primeira reunión cos pais e nais do alumnado de Educación Primaria, para informar do desenvolvemento do novo curso escolar e das novas acontecidas desde o remate do curso pasado.

Os familiares do alumnado de Educación infantil tiveron unha charla informativa o primeiro día de clase ao traer aos nenos ao colexio.

Na reunión púxose de manifesto que a coordinación familia/escola ten que funcionar da mellor maneira posible, o que repercutirá na mellora da calidade educativa do centro, sendo os principais beneficiados o alumnado do colexio.

Facilitouse a seguinte información:

  • Recortes comedor e transporte.
  • Novo horario do centro.
  • Fichas de datos.
  • Horarios do alumnado.
  • Información sobre os diferentes Plans que se están a desenvolver no centro:
    • Proxecta, PROA, PLAMBE, Fomento do Galego, Linguas estranxeiras...

Novo horario do centro

Mér, 05/09/2012 - 22:01 — Xuvencos

Na seguinte ligazón podedes descargar o horario do centro educativo que rixe desde o curso 2012/2013.

Horario do centro

Distribuir contido


by Dr. Radut