Como en anos anteriores dende a aula de Música promoveuse a exposición de instrumentos musicais elaborados polo alumnado do colexio nas súas casas.

Este venres 5 de xuño de 2009 estiveron no noso colexio algúns mestres/as músicos do Conservatorio de Ponteareas, facendo unha presentación dos diversos instrumentos para o noso alumnado e aproveitando para interpretar algunhas pezas moi coñecidas polo alumnado.

A actividade resultou verdadeiramente interesante e amena para os alumnos e alumnas, que tamén cantaron a coro algunhas das cancións.

De sobras é coñecida a tradición musical de Ponteareas, terra de grandes músicos, polo que seguramente algúns dos asistentes a esta actividade se dedicará á música.

De seguido podedes ver algunhas imaxes desta actividade.

Nestes días estase montando unha destacada exposición de instrumentos musicais feitos polo alumnado, baixo a coordinación da mestra de Música.

Podes ver imaxes desta actividade na Galería de imaxes desta web.