Promocións

Festa  fin de curso:

Elixe unha vida saudable e feliz

21de xuño de 2019

O día 21 de xuño, continuando co proxecto Erasmus+ que estivemos a traballar na escola este curso, celebramos a Festa de fin de curso co "slogan" Elixe unha vida Saudable e Feliz, organizada pola ANPA do colexio. Tod@s os responsabl@s esforzáronse moito en preparar a escola cunha decoración fantástica con motivos saudables, preparar as actividades deportivas, a entrega de diplomas, etc... Atopamos a escola transformada nun lugar onde a vida saudable e feliz foi o máis importante durante a xornada: había froitas de todo tipo, motivos con alimentación saudable, merendas saudables, xogos que nos fixeron pasar un día inesquecible e entrega de diplomas para recoñecer as actividades que fixemos ao longo de todo o curso.

Queremos agradecer á ANPA, aos pais, as nais, ao centro, aos equipos docentes, ao profesorado e a todas aquelas persoas que fixeron, co seu esforzo, que a festa de fin de curso fose un día especial, para @s nen@s do Ceip Nº2 de Tui. Grazas e bo verán a todos/as.

Aloiada 19.

13-14 de Xuño de 2019

Os días 13 e 14 de xuño de 2019, tivo lugar a Aloiada, unha proposta de Actividades no medio Natural: escalada, Orientación, Primeiros auxilios, acampada, piragüismo e remo, destinada ao alumnado de 6º de Educación Primaria de todo o Concello de Tui, que tivo unha duración de 2 xornadas, desenvolvéndose nas inmediacións do Parque Natural do Monte Aloia e o Río Miño, en colaboración con todos os centros educativos da nosa cidade, as familias, o Concello de Tui, Clubs deportivos, Federacións, casas comerciais e outras entidades ás que temos que agradecer a súa colaboración desinteresada.

Grazas a tod@s por favor posible que o alumnado de 6º disfrutara de dúas xornadas de vida saudable e feliz, nun entorno como o Parque Natural do Monte Aloia e o Río Miño.

Tui en Ruta 19.

18-19 de Xuño de 2019

Os días 18e 19 de xuño tiñamos previsto unha Actividade no medio Natural: actividades de ciclismo, piragüismo e remo, destinada ao alumnado de 5º de Educación Primaria, que se ía levar a cabo en 2 xornadas, desenvolvéndose nas inmediacións do Río Miño, e o Centro educativo. Debido á climatoloxía adversa do día 18 de xuño, a actividade soamente se levou a cabo o día 19 cunha ruta e Ginkana en bicicleta suprimindo a actividade de piragüismo. Esta actividade levouse a cabo en colaboración do centro coas  familias, o Concello de Tui, Clubs deportivos, Federacións, casas comerciais e outras entidades ás que temos que agradecer a súa colaboración desinteresada.

Grazas a tod@s por favor posible que o alumnado de 5º disfrutara de esta actividade  de vida saudable e feliz, nun entorno como é o Río Miño.

Ruta Saudable en Patinete 19.

17 de Xuño de 2019.

O día 17 de xuño tivo lugar, a Ruta saudable en Patinete, dentro das  Actividades no medio Natural , destinada ao alumnado de 4º de Educación Primaria: ruta en patinete, taller de ecoloxía, taller de merendas saudables e taller de Ioga. Tivo unha duración de unha xornada, desenvolvéndose entre o centro educativo e a praia de Guillarei polo carril bici da Veiga. Esta actividade levouse a cabo en colaboración do centro coas  familias, o Concello de Tui e outras entidades ás que temos que agradecer a súa colaboración desinteresada.

Grazas a tod@s por facer posible, que o alumnado de 4º disfrutara de esta actividade  de vida saudable e feliz, nun entorno como é o Río Miño.

 Ginkana do Camiño de Santiago Saudable, Deportivo e Escolar 19 .

20 Xuño do 2019

O día 20 de xuño tivo lugar unha ginkana deportiva con pistas e xogos que achegan o noso alumnado ao Camiño de Santiago. Levouse a cabo para o alumnado de 3º, nas inmediacións da cidade de Tui,  cunha duración de una xornada lectiva, en colaboración do centro coas  familias, o Concello de Tui e outras entidades ás que temos que agradecer a súa colaboración desinteresada.

Grazas a tod@s por facer posible, que o alumnado de 3º disfrutara de esta actividade  de vida saudable e feliz, nun entorno como é o Río Miño.

Ruta do río Lagartón.

11 de xuño de 2019

VI Triatlón Tui-Porriño.

Sábado 8 de xuño de 2019

Marina de Tui

O pasado sábado día 8 de xuño de 2019  tivo lugar o VI Triatlón Tui-Porriño, a proba de natación e a transición ás bicicletas tivo lugar nas inmediacións da Marina e Club San Telmo, a partires das 16:00h. O equipo de Deporte Escolar do Ceip Nº2 de Tui participou na proba de apoio como voluntarios.

 II Evento Conxunto de Formación do Profesorado

 Erasmus + 18-20

 "Promover estilos de vida felices e saudables"

 Varese Italia

 Lunes 3 de Xuño 19- Viernes 7 de Xuño 19.

Durante esta semana do 3-7 de Xuño de 2019, varios Mestres do C.E.I.P Plurilingüe Nº2 de Tui, participan no “II Evento Conxunto de Formación do Profesorado”, no Instituto Comprensivo Varese 2  en Varese Italia. Dito evento está incluído dentro do proxecto Erasmus+ 2018-2020 no que participa o noso centro “ Promovendo estilos de vida felices e saudables.

Os docentes participantes neste evento pertencen as escolas asociadas no proxecto:

·         Colexio Christian Brothers 'Primary School Armagh (Irlanda do Norte- Reino Unido), que é o centro coordinador do proxecto. 

·         Instituto Comprensivo Varese 2 (Varese-Italia). 

·         CEIP Nº9 Las Culturas (Alacante-España).

·         Colexio Bunscoil Sancta Maria Synge Street (Dublín-Irlanda) 

·         Agrupamento de Escolas da Zona Urbana da Figueira da Foz Portugal (Portugal).  

Na xornada do martes 4 de Xuño de 2019, pola mañá o profesorado terá a oportunidade de visitar a Scuola Bosco-Canziani de Varese: actividades deportivas e tempo no aula. Xa pola tarde terán unha xuntanza do Proxecto Erasmus+ e rematarán o día coa visita Cultural ao Sacro Monte.Tomaran contacto co idioma, o entorno e o deporte, para ensinar aos nen@s do noso centro.

Na xornada do mércores 5 de xuño, visitaran a Scuola Pascoli de Varese, para coñecer o seu sistema educativo, ás aulas, o alumnado, etc . Pola tarde levarán a cabo un Tour no Lago Maggiore en barco.

Será na xornada do, xoves 6 de xuño e para rematar a estadía en Varese, a formación xirará entorno ao desenvolvemento do proxecto, formación en Eramus+, plataformas eTwinning, etc así como a visita ás cidades de Varese e Milán.

Unha experiencia que tal como nos transmitiron os compañeiros desprazados a Armagh, no I Evento Conxunto de Formación do Profesorado Erasmus + 18-20 promete ser moi enriquecedora e  totalmente recomendable.

Visita a Illa de San Simón para @s alumn@s de 1º e 2º.

Os primeiros día de xuño de 2019  o alumnado de 1º e 2º visitaron a Illa de San Simón, un lugar moi pertiño de Tui onde tiveron oportunidade de navegar en barco, visitar a Illa de San Simón, saber das súas aventuras históricas e xogar no seu entorno. Pasárono xenial.

Equitación en Hípica Lazán para @s alumn@s de 1º e 2º.

Os primeiros día de xuño de 2019  o alumnado de 1º e 2º visitaron Hípica Lazán, un lugar moi pertiño de Tui onde tiveron oportunidade de aprender moito sobre o mundo dos cabalos, como alimentalos, coidalos, peitealos, etc...

Intercambio de alumnado Erasmus+ do alumnado de 6º de Educación Primaria do Ceip Plurilingüe Nº2 de Tui a Figueira da Foz en Portugal.

Dentro do Programa Europeo Eramus+ que o O Ceip Plurilingüe Nº2 de Tui está levando a cabo durante os cursos 2018-2020 co nome de  “Promovendo un Estilo de Vida Saudable e Feliz”, o alumnado de 6º de Educación Primaria participou dende o luns 20 ata ao venres 24 de maio de 2019,  nun “Intercambio de alumnado a corto prazo” polo que visitou o Agrupamento de Escolas da Zona Urbana de Figueira da Foz.

O alumnado do CEIP Plurilingüe Nº2 de Tui, visitou o Agrupamento de Escolas da Zona Urbana de Figueira da Foz, para poñer en valor estilos de vida saudables na Península Ibérica. Este foi o primeiro de un conxunto de mobilidades de alumnado para explorar a estreita relación entre España e Portugal.

O luns día 20 o alumnado viaxou ata Figueira da Foz aproveitando para visitar as cidades de Oporto e Aveiro.

 O martes día 21 a Escola Abadías organizou unha festa de benvida que foi seguida dunha clase de danza moderna. Xa pola tarde alumnado de Portugal e España intercambiaron Xogos Populares de Portugal e Galiza así coma tiveron a posibilidade de visitar a Casa do Paço, un museo de cerámica típico de Figueira da Foz.

O mércores día 22 a Escola Abadías tiña previsto a visita aos Moinhos da Gándara onde o alumnado compartiu momentos de xogo coas tradicións da zona: Elaboración de fariña artesanal, pan, talleres con elementos naturais, así como a visita ao museo e conxunto etnográfico de estes muíños tanto de auga coma de vento, etc...

 O xoves día 23 tivemos a oportunidade de visitar o Museo da sal e as salinas da Cámara Municipal de Figueira da Foz. Xa pola tarde alumnado de Portugal e España intercambiaron Xogos Populares de Portugal e Galiza así coma tiveron a posibilidade de visitar a Casa do Paço, un museo de cerámica típico de Figueira da Foz.

O venres día 24 o alumnado do Ceip Nº2 de Tui regresou a Tui despois de pasar o día en Magikland, coas maletas e mochilas cargadas de bos recordos, experiencias fantásticas e aventuras que xamais esqueceran. 

Equitación en Equigalia para Educación Infantil.

Os días 10,14 e 15 de Maio de 2019  para o alumnado de Infantil levouse a cabo unha actividade no medio natural para achegarse á equitación, nas instalacións de Equigalia en Tui. O alumnado de Infantil aprendeu moito sobre o mundo dos cabalos, como alimentalos, coidalos, peitealos, etc...

O Fútbol Gaélico

Despois da viaxe a Armagh dos profes Adrían, Ramiro e Sara, aprendemos con eles moitas cousas sobre Fútbol Gaélico. Ramiro estivo en varias clases de Educación Física para ensinarnos cousas moi interesantes de este deporte. Eles tiveron a oportunidade de formarse como  monitores de Fútbol Gaélico en Armagh. Aquí vos deixamos algunhas fotos das clases que foron moi divertidas.

Cousas interesante de Fútbol Gaélico.

•      É un deporte de equipo que se xoga fundamentalmente en Irlanda. Sendo o máis importante do país, xunto ao Hurling e ao Rugby.

•      Xógase en equipos de 15 xogadores, nun campo de herba, rectangular con porterías en forma de H

•      Obxectivo é anotar puntos pateando ou golpeando o balón coas mas e metelo na portería, dando como máximo 3-4 pasos sen patear ou golpear o balón.

O Terreo de Xogo:

O campo e rectangular, de entre 130 y 145 metros de longo e entre 80 e 90 metros de ancho. As porterías son con forma de H a ambos lados con unha rede na parte inferior.

             O Balón:

 Utilizase un balón de coiro, similar a un de fútbol, pero lixeiramente máis pesado, e con forma horizontal, parecidas ao balón de voleiball. Pódese patear, así como executar pases coas mans. Para realizar isto golpease a pelota coas mans e co matapiollos.

Os Partidos:

Todos os partidos duran 60 minutos, divididos en dúas metades de media hora cada unha, cunha excepción de partidos senior entre condados, que duran 70 minutos (dúas metades de 35). Os empates  decídense xogando outra vez ou engadindo 20 minutos de tempo adicional en dúas metades de 10 minutos.

Equipo en Galicia:

Existen equipos masculino, femininos e outros que deciden  xogar mulleres e homes coas mesmas regras  para fomentar a igualdade de xénero en materia deportiva. A esta liga Galega chamase  Liga Gallaecia, y formouse a mediados do ano 2013. Os equipos que optan por esta opción son Suevia FG de Compostela, Ambílokwoi de Vigo, Afiador@s de Ourense, Torques de Lugoslavia de Lugo , Cascarilha de A Coruña, Condado Gaélico de As Neves, Gróvios FG de O Baixo Miño, Fusquenlha FG de Pontedeume, Buril FG de Sarria y Fanecas Bravas FG de Curtis.

 Aquí podedes ver algunha foto de como se xoga. 

 Pincha aquí se queredes investigar máis sobre fútbol gaélico. Atoparás información de este deporte en Galicia.

A Milla de Lúa Erasmus+.

E como quen non quer a cousa, xa estamos no mes de Maio, despois do reconto de este mes, comprobamos que 1ºB xa chegou a Dublín. Noraboa!!!

Moitas grazas a tod@s nen@s que seguides facendo a milla de forma responsable, sumando millas para a vosa clase e gozando de un estilo de vida saudable e feliz.

E como podedes ver xa empezamos a recibir os primeiros montaxes de Infantil sobre a Milla. Esta é a terceira actividade que temos que presentar no proxecto Erasmus+ este ano. Moitas grazas aos alumnos de 5 anos por prepara nos cousas tan bonitas.

Xornada de Loita Galega 4º. Curso 18-19

O pasado mércores día 17 de abril, tivo lugar a Xornada da competición escolar de Loita Galega para  o alumnado de 4º. Dita xornada foi no Pavillón vello de Tui en horario de 10:00h-13:30h. Nesta xornada participaron o C.E.I.P Nº1 de Tui, o C.E.I.P Guillarei, o C.E.I.P de Randufe, o C.E.I.P de Rebordáns e o C.E.I.P Nº2 de Tui. Unha fantástica xornada onde o noso alumnado tomou contacto con xogos de iniciación a defensa persoal, a loita galega e o respeto aos contrarios.