Os nenos e nenas de 6º de educación infantil (5 anos) están realizando unha actividade de animación á lectura na Biblioteca Municipal Ramón Suárez Picallo de Sada: “onde nacen os libros”. Esta actividade vai dirixida aos nenos e nenas que se están iniciando na lectura.
Cada un plantou unha semente nunha maceta que agora teñen que “regar e coidar” para que naza e medre. Así van todas as semanas a a lerlle un libro. Cada neno leva un libro para a súa casa que deberá lerlle á súa planta na semana seguinte.

Ao final a planta dará un froito...

Madriñas e padriños lectores

O 23 de abril para celebrar o día do libro levamos a cabo a actividade "Madriñas e padriños lectores". Os nenos e nenas maiores leron aos seus "afillados lectores" un libro. Como recordo elaboraron uns marcadores de lectura para lembrar aos seus "padriños lectores" e estes aos seus "afillados".

O Segredo de Flora

Cristina Justo, nai de Inés unha alumna do centro, veu leer un libro aos nenos e nenas de educación infantil: O segredo de Flora. Cristina é ademais unha das autoras do libro que se editou hai pouco xunto con outros dous: O país dos mandóns e A urna dos desexos.

As reseñas dos tres libros podedes velas nun tríptico do Observatorio de Convivencia: educando en valores.