Actividades
CHORIMA 2019
Enviado por Anónimo o Mar, 07/02/2019 - 11:27LILIARTE - OS NOSOS PINTORES
Enviado por Anónimo o Mér, 05/29/2019 - 17:56LILIARTE
Enviado por Anónimo o Mér, 05/29/2019 - 17:31
LILIARTE é o PDI que estamos desenrolando este ano no noso centro. O obxectivo fundamental deste proxecto é que os nosos alumnos e alumnas se acheguen a ARTE dun xeito lúdico e motivador. Lili a nosa mascota propuxo distintas actividades ao longo do curso:
- "Breves pinceladas da historia da pintura": No primeiro trimestre, o Equipo da Biblioteca elaborou, a modo de resumo, un libro de fichas cos principais movementos pictóricos.
- "O noso pintor": Durante o segundo e parte do terceiro trimestre, cada clase escolleu a un pintor e traballou a súa obra. Os resultados pódense ver no gran Museo LILIARTE, creado nos corredores do noso centro.
- "Coñecendo a pintores galegos": Aproveitando a celebración das Letras Galegas, o noso alumnado reproduciu as obras de grandes pintores da nosa terra.
ESCOLARTE
Enviado por Anónimo o Mér, 05/29/2019 - 16:53Como xa sabedes este ano estamos participando en ESCOLARTE, un proxecto no que participamos os tres colexios de primaria de As Pontes. A arte é o eixo fundamental deste proxecto, cuxo obxectivo fundamental é potenciar e fomentar o uso da nosa lingua. O proxecto consta de tres partes:
- SocializARTE: Consiste en intercambios comunicativos entre os diferentes coles. E-mail, carta, vídeo..., calquer formato é válido para conseguir que o noso alumnado se comunique na nosa lingua.
- CulturizaARTE: Nesta fase invitamos aos centros a que compartan o seu traballo sobre a ARTE mediante visitas presenciais ou audiovisuais.
- LembrARTE: A última parte será unha gran Xornada de Convivencia dos tres colexios no lago da localidade. Toda a Comunidade Educativa dos tres centros e de ASPANAES participará o vindeiro 21 de xuño nesta gran "festa" que suporá o broche final a un proxecto que contamos se volva a repetir no futuro.
Aquí vos deixamos o link ao blog que se creou para este proxecto. Esperamos que vos guste. Preme na foto para acceder ao blog.
DÍA DAS LETRAS GALEGAS 2019
Enviado por Anónimo o Sáb, 05/25/2019 - 07:44O pasado 16 de maio tivo lugar no Cine Alovi o noso Festival das Letras Galegas. A celebración foi un homenaxe a Antonio Fraguas e á nosa lingua. Coa axuda de cancións, poesías, contos, bailes e obras de teatro celebramos esta importante data. Noraboa ao noso alumnado, que, coma sempre, fixo un gran traballo.
Ademais durante toda a semana nas aulas traballouse a figura do autor homenaxeado este ano.
Preme na imaxe para ver as fotos desta conmemoración.
CELEBRACIÓN DÍA DAS LETRAS GALEGAS 2019
Enviado por Anónimo o Xov, 05/16/2019 - 07:36Hoxe no noso centro celebramos o Día das Letras Galegas. Esperámosvos no cine Alovi a partir das dez e media.
No seguinte enlace veredes o programa!
DÍA DO LIBRO 2019
Enviado por Anónimo o Mar, 05/14/2019 - 22:00A celebración do Día do Libro no noso centro tivo tres actividades principales. A primeira foi a entrega dos premios do Día da Poesía e de agasallos a todos os participantes. Tamén fixemos o Apadriñamento Lector que resoltou todo un éxito. Por último recibimos a visita de Érika González, cuxa animación foi, coma sempre, moi divertida.
Ademais, e baixo o lema "LER, VAICHE QUE NIN PINTADO", todo o alumnado fixo e decorou, dun xeito moi artístico, un mini-libro baseado no seu libro favorito. Con todos eles fixemos dúas fermosas árbores de primavera.
Preme na imaxe para acceder á galería de fotos.
A PRIMAVERA DAS LETRAS DE ANTÓN FRAGUAS
Enviado por Anónimo o Xov, 04/11/2019 - 11:47Este ano o homenaxeado no Día das Letras Galegas é Antón Fraguas e como todos os anos a Primavera das Letras xa está en marcha. A Real Academia Galega abriu o pasado 28 de febreiro a nova edición do proxecto web que oferta materiais lúdicos e didácticos dispoñible nestas ligazóns:
https://academia.gal/primaveradasletras
https://academia.gal/letras-actual
http://www.seminariogalan.org/
UN ENTROIDO MOI ARTÍSTICO
Enviado por Anónimo o Lun, 03/25/2019 - 23:00Seguindo coa temática do noso PDI anual, LILIARTE, este ano todo o alumnado se transfourmou en cadros do artista que están a traballar en cada clase. Así, Infantil fixo unha magnífica recreación do cadro de W. Kandinsky "Cadrados e círculos concéntricos". "A Noite Estrelada" de Van Gogh foi o cadro elixido por 1º e "O Galo" de Joan Miró foi a opción de 2º. Os alumnos de terceiro están traballando a obra de Paul Klee e o seu disfrace era unha reprodución de "Senecio". "As Meninas" de Velázquez que fixeron os alumnos e alumnas de cuarto quedaron preciosas. Piet Mondrian é o pintor elixido por quinto e os alumnos e as alumnas de sexto reproduciron distintos cadros de Romero Britto.
Preme na imaxe para ver máis fotos desta gran celebración.
XOGOS ARTE
Enviado por Anónimo o Lun, 03/25/2019 - 12:01ATRÉVESTE A PARTICIPAR NESTE XOGO SOBRE ARTE?
PINCHA AQUÍ E PON A PROBA TODO O APRENDIDO!
https://view.genial.ly/5c94d6a268711f76b99fa84f