O pasado día 29 de xaneiro saíu unha noticia sobre a volta de Radio Treboada ás ondas!
Que ledicia tivemos tod@s! Ademais, na noticia, facíase eco das boas novas que ten a nosa biblioteca. Non vos contamos mais para que as leades e os poidades sorprender!
Aquí está de novo... RADIO TREBOADAAA!! De feito, houbo unha grande treboada no colexio que... animáronse a participar tanto 3º coma 6º de primaria!! Xa somos 4 as clases que traballan a cotío para elaborar este programa semanal. MOITAS GRAZAS! Xa sabedes, dádelle a "play" e... desfrutade informándovos das noticias, curiosidades e tolarías que compoñen o programa de... Radio Treboada!
Tal e como anunciou Radio Treboada no seu cuarto programa, o sábado día 5 Ledicia Costas estivo nunha libraría da Guarda firmando libros. Aquí tedes a algúns alumnos/as que non quixeron perder tal ocasión! Vaia emoción levaron!
É venres e todos sabemos que... Radio Treboada emite o seu programa! Hoxe non é un venres calquera. Hoxe é venres 11 de febreiro! Sabedes que significa iso? Que hoxe se conmemora o Día Internacional da Muller e a Nena na Ciencia! É por iso que decidimos que este programa versaría sobre este gran día. Nós tamén queremos conmemoralo! Xa sabedes, dádelle ao "play" e... a gozar coa información que nos traen os treboeiros/as!