Actividade escolar proposta polo Concello de A Guarda "Percorremos A Guarda como peregrinos".
O punto de saída foi o embarcadoiro do Pasaxe e rematou na praia de Fedorento.
Fixemos unha andaina guiada con breves paradas onde se explicaron referencias xacobeas presentes no percorrido, resolvendo dúbidas ou curiosidades que foron xurdindo.
O tema elexido para conmemorar o Día Mundial de Concienciación sobre o Autismo 2022 é "Unha feliz viaxe pola vida", polos dereitos das persoas con trastorno do espectro do autismo (TEA) e as súas familias a vivir unha vida feliz.
O alumnado e o profesorado trouxo ao colexio un obxecto de cor azul que lle fai feliz, que lle facilita a súa vida, que lle ten agarimo...
Para festexar este día, creamos unha exposición "Bosque de coidado de criaturas máxicas" nun corredor do edificio de primaria.
Cada aula fixo a decoración dunha árbore e dunha criatura máxica: dragóns, unicornios, centauro, trols, fluffy, araña acromantula, hipogrifo e xigante. Cada criatura máxica era o protagonista dunha poesía.
David é músico e pai de dous alumnos do colexio; Brais e Martín.
Esta semana asistíu a varias sesións das clases de música para ensinar o seu instrumento: o trombón. Tamén trouxo a trompeta e tuba para acompañar a algúns nenos/as músicos do colexio.
O Dia da auga pretende concienciar sobre o coidado da auga, tan necesaria para os seres vivos do planeta.
A auga é un recurso limitado e temos que traballar para a súa preservación. Se algún día escasease, traería consecuencias para toda a humanidade.
O alumnado de 4º de primaria foi visitar a Depuradora Municipal de A Guarda, onde dous técnicos explicaron o funcionamento das instalacións: as actividades humanas ensucian a auga, por iso temos que limpiala antes de que volva ao mar.
O alumnado de 2º de primaria realizou un mural explicativo dos coidados da auga; coma eles en actividades cotiás empregan a auga e non a poden malgastar.
O alumando de 6º de infantil e 5º/6º primaria visualizaron un vídeo divulgativo sobre a relevancia do auga no medioambiente e fixeron uns imáns "Cada gota, conta".
Radio Treboada volve ás ondas, coma todos os venres, con información do máximo interese! Desta vez, contamos coa entrevista dun dos integrantes do grupo de percusión Odaiko. Ademais, temos curiosidades sobre os animais invertebrados, recomendacións lectoras, chistes e moito máis! Dalle ao play e descúbreo por ti mesm@!
