Hoxe imos facer dúas actividades para o noso diario emocionante:
- Actividade 1: observa os seguintes emojis e escribe ou di con qué emoción se corresponde. Podes debuxalos e escribir ao lado a emoción se non tes impresora.
- Actividade 2: elixe os teus tres emojis favoritos e sácate un selfie co móvil de alguén da casa imitándoos. A continuación, inventa un emoji e pon a súa correspondente emoción.
Hoxe comezamos coa primeira parte do diario, a identificación de emocións. Para elo, podedes ver a seguinte presentación onde vos falamos un pouco de qué son, cales hai e vos damos algún recurso para que investiguedes vos mesmos/as sobre elas.
Ó longo desta semana, subiremos material para desenvolver unha tarefa chamada "Un diario emocionante".
Trátase de que os nenos e nenas elaboren un diario personal sobre as súas emocións e sentimentos, moi necesario nesta etapa das súas vidas que ás veces cústalles entender e que pode provocar algunhas dificultades na xestión da súa conduta.
Cada un/unha poderá escoller o formato que prefira: unha libreta, facer un cuadernillo con folios, utilizar o propio diario se xa o ten...
Presentámosvos a primeira parte desta proposta, esperamos vos sirva de axuda!
A continuación podedes navegar por este documento interactivo con propostas de xogos e actividades para a estimulación cognitiva na casa. Para moitos deles podedes aproveitar os xogos de mesa dos que dispoñedes.