Secretaría

Este martes ábrese o prazo para solicitar as axudas de libros de texto e material escolar.

Prazo de solicitude:  do 21/5/2024 a 21/6/2024, ambos os dous incluídos

Texto da convocatoria:  Orde do 7 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25

Procedemento administrativo:  ED330B

♦ Forma de presentación de solicitudes:

• Electrónica: utilice esta aplicación e presente solicitude na Sede Electrónica  [iniciar].

           IMPORTANTE: na presentación electrónica deberá presentar unha solicitude individual para cada un dos seus fillos.

           NECESITARÁ ter: A) conta de Chave365, ou B) ter instalado certificado dixital (guía) ou DNI electrónico e mais a aplicación Autofirma

• Presencial con asistencia da aplicación : cubra os datos nesta aplicación, imprima os Anexos I e II producidos e presenteos no centro educativo [iniciar].

• Presencial manual: cubra os Anexo I e Anexo II  da Orde da convocatoria e presénteos no centro educativo.

O alumnado que non estea admitido nin coñeza en que centro vai estar escolarizado no curso escolar 2024-2025, deberá presentar a solicitude no centro no que está matriculado no curso 2023-2024.

As solicitudes por incorporación ao centro educativo fóra do prazo establecido poderán presentarse unicamente de xeito presencial no propio centro, ata o 31/3/2025.

♦ Documentación complementaria:

• Especificase no artigo 11 da Orde de convocatoria
• NON será necesario xuntar coa solicitude os DNI, NIE, acreditacións de discapacidade expedidas pola Xunta, acreditacións de pensión por incapacidade, ou declaracións de IRPF, sempre que NON sinale oposición á comprobación telemática pola administración (para a declaración de IRPF requírese autorización expresa) [artigo 12 da Orde de convocatoria]
• A administración poderá reclamar a presentación de documentación cando non sexa posible a verificación por vía telemática

♦ Máis información: 

• "Preguntas frecuentes"

• Información na Sede electrónica da Xunta de Galicia

• Manual de usuario para solicitantes

Máis información, no Portal Educativo.

Ollo! As familias do alumnado de 6º de primaria non debedes cumprimentar ningunha documentación ata falardes coa secretaría do IES Nº1. Alí informaranvos de todo e acompañaranvos ao longo de todo o procedemento.

CIRCULAR INFORMATIVA DO CENTRO, repartida a todo o alumnado o 21 de maio.

O vindeiro venres, 22 de marzo, ás 16:00 h, recibiredes na aplicación AbalarMóbil os boletíns de notas dos vosos fillos/as.

Se tedes algún problema para visualizar as notas, poñédevos en contacto co centro a través do teléfono 886 151 055 ou do correo ceip.villar.parama@edu.xunta.gal

Solicitudes

O modelo ED550B (admisión ordinaria) e os respectivos anexos estarán dispoñibles a partir día 1 de marzo: na aplicación admisionalumnado, na sede electrónica da Xunta de Galicia e no centro docente, onde se facilitará, de forma gratuíta, unha copia en papel ás persoas interesadas que a soliciten.

Forma de presentación das solicitudes: electrónica ou presencial

a) Presentación electrónica de solicitudes: A persoa solicitante ten que acceder á aplicación informática admisionalumnado e cubrir o modelo ED550B – anexo II e o modelo anexo II-bis, para o que necesariamente ten que dispoñer dun certificado de identidade e sinatura dixital (como o certificado da Fábrica Nacional de Moneda e Timbre ou calquera outro admitido pola sede) ou un sistema de usuario e clave como a Chave365.

b) Presentación presencial de solicitudes: A solicitude de admisión ordinaria (ED550B) e o anexo II-bis poden presentarse no centro docente indicado en primeiro lugar. 

Normativa de aplicación: 

• ORDE do 21 de outubro de 2022 pola que se desenvolve o Decreto 13/2022, do 3 de febreiro
• DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• ORDE do 18 de decembro de 2020 pola que se modifica a Orde do 12 de marzo de 2013.

• ORDE do 25 de xaneiro de 2017 pola que se modifica a Orde do 12 de marzo de 2013.

• ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• DECRETO 254/2012, do 13 de decembro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• INSTRUCIÓNS DA DIRECCIÓN XERAL DE CENTROS E RECURSOS HUMANOS SOBRE O DESENVOLVEMENTO DO PROCESO DE ADMISIÓN DE ALUMNADO EN CENTROS DOCENTES SOSTIDOS CON FONDOS PÚBLICOS PARA O CURSO ACADÉMICO 2024-2025

Este luns, 11 de setembro, ás 9:00 h, iníciase a actividade lectiva do curso 23/24.

Tanto o servizo de transporte escolar coma o de comedor funcionarán con normalidade desde o primeiro día.

O horario de entrada ao centro será ás 9:00 h e o de saída, ás 13:40 h ao longo do mes de setembro. A partir do 2 outubro, o horario de saída pasará a ser ás 14:00 h e así se manterá ata o 31 de maio.

O alumnado usuario do transporte escolar entrará e sairá pola porta do aparcadoiro de autobuses e o resto do alumnado entrará e sairá pola porta principal.