Skip to Content

Blogues

Actividades do segundo trimesrte

Mar, 19/03/2024 - 14:00

Os nenos e nenas de 5 anos A fixemos moitas actividades no segundo trimestre e aquí vos deixamos un reasumo

ENTREVISTA a Carmela López

Mér, 13/03/2024 - 22:39

O alumnado de 6º visitou o Concello de Burela para entrevistar á Carmela López, a primeira muller que ocupa o posto de alcaldesa. Aquí podedes ver a entrevista completa, moi interesante!

Moitas grazas por contestar a todas as nosas preguntas! E grazas tamén a Mario Pillado, tenente de alcaldesa, que tamén nos acompañou.

Para o noticieiro do reino, que era o reto que nos encomendara Libruxa, tratamos de sintetizar un pouco as palabras de Carmela:

 

Pete o gato pasea por Burela!

Mér, 13/03/2024 - 22:31

Estes días parte do alumnado de 6º de Ed. Primaria que colabora coa biblioteca está a realizar un contacontos mediante a técnica do kamishibai. O conto elixido foi unha versión do título Pete o gato e os seus novos zapatos. Nela o gatiño vai visitando lugares da nosa vila e ten algún que outro problema cos seus novos zapatos.  

A historia amosa aos espectadores que cando aparece un problema, debemos buscar unha solución! É un conto moi sinxeliño enfocado aos nenos e nenas máis pequerrechos/as.

Ata o de agora xa fixeron varias actuacións: na veciña Escola Infantil da Galiña azul, á clase de bebés e de un e dous anos e no noso cole, a todo o alumnado de Ed. Infantil.

Unha vez finalizadas as representacións o público asistente recibiu un pequeno agasallo: unha máscara do propio gato, que deseñaron para a ocasión.

Aquí vos deixamos algunhas imaxes das actuacións:

     

 

 

 E tamén o vídeo dunha das sesións de contacontos:

ABERTO O PRAZO DE ADMISIÓN (1-20 DE MARZO)

Mar, 27/02/2024 - 14:21

 

ADMISIÓN 24/25 

*ACONSELLAMOS COMPROBALO PRESENCIALMENTE NO TABOLEIRO DE ANUNCIOS DE SECRETARÍA

 

Datas a ter en conta: 

  • Derradeiro día de publicación de listaxes provisionais: 25 de abril.
  • Derradeiro día de publicación de listaxes definitivas: 15 de maio. 
  • Prazo de formalización da matrícula: do 20 ao 30 de xuño.

 

PRAZO DE PRESENTACIÓN DE SOLICITUDES: do 1 ao 20 de marzo.

Catálogo de prazas dispoñibles*

*O alumnado actualmente matriculado no centro ten asegurada a súa praza para o vindeiro curso, polo que NON requirirá un novo proceso de admisión.

 

COMO PRESENTAR A SOLICITUDE DE ADMISIÓN?

Opción 1

Acudir presencialmente á secretaría/dirección do centro de luns a venres en horario de atención ao público (este horario aparece especificado no apartado de Equipo Directivo- Horarios de atención).

O impreso de solicitude será facilitado no centro, aínda que tamén está dispoñible na aplicación admisionalumnado.

Xunto co impreso, deberase achegar a seguinte documentación:

  • Documento acreditativo da idade da alumna/o: DNI da nena/o, libro de familia ou outro documento que a acredite.

  • Documento acreditativo da identidade dos proxenitores.
  • Outra documentación que deba alegar en función do que precisen acreditar (familia numerosa, discapacidade, traballo próximo ao centro...).

  • Sentenza xudicial de separación ou divorcio e/ou convenio regulador onde conste a custodia do/a menor, de darse o caso.

Opción 2

Cubrir a solicitude e asinala na Sede Electrónica, achegando escaneada toda a documentación. Máis información na aplicación admisionalumnado .

 

NORMATIVA REGULADORA DO PROCESO DE ADMISIÓN

 

  • Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
  • Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

 

Distribuir contido


by Dr. Radut