Ola a todos/as!
Hoxe levantámonos un pouquiño máis cedo e desayunamos, preparamos o picnic para coller o bus e ir ao parque de atraccións Bobbejaanland. Recollimos aos compañeiros e compañeiras do cole belga que tamén quixeron acompañarnos.
No parque fomos en grupos . Cada grupo ía ao seu aire, un pouco tendo en conta as súas preferencias. Nos grupos estabamos mesturados cos nosos/as amigos/as.
As atraccións máis rápidas eran o FURI, o TYPHOON e o REVOLUTION. Eran un pouco atrevidas, houbo quen montou moitas veces e houbo quen preferiu non motar ningunha vez porque mareaban só con miralas. Tamén nos gustou o NAGA BAY, que era outra montaña rusa.
Outras atraccións eran de auga como o BANANA BATTLE, o INDIANA, o RÍO... Algúns saímos empapados/as pero non pasaba nada porque foi un día moi soleado e caluroso.
Despois collimos o bus, deixamos aos nenos e nenas belgas no seu colexio e nós viñemos ao albergue, onde estamos xogando e esperando para cear.
Foi un día moi divertido!
Unha aperta,
Amir, Ainara P e Claudia
