Dende a área de Música e danza quixemos facer unha mostra de tres tipos de danza: clásica ou ballet, baile moderno e baile galego. Así, o alumnado voluntario preparou os bailes con moito esforzo e adicación.
Por que se celebra o 29 de abril? Este día, do ano 1727, foi cando naceu Jean-Georges Novarre, o creador do ballet moderno.
Dende o ano 1982 foi proclamado pola UNESCO o Día Internacional da Danza.
A case todo o colexio nos gusta danzar, por iso hoxe celebramos este acto con moita ilusión.
As tres danzas elixidas foron as seguintes:
1) Suite Gayane, acto II, Escena 3, titulada “Jealousy”. No. 17 “The girl,s dance” de Aram Kachaturian.
2) Waka waka, interpretada por Shakira.
3) Jota de Alvite. Grupo Tiruleque.
Moitas grazas ás participantes e espero que vivades todos/as a danza!!
Co Día de Europa, cada 9 de maio, celebramos a paz e a unidade en Europa.
Para reflectir a unidade no colexio, un grupo voluntario de 3º A e 6º A quixeron tocar o Himno de Europa para o resto de compañeiros/as e para que coñezan os instrumentos de corda.
Así, a melodía que simboliza á UE procede da Novena Sinfonía composta en 1823 por Beethoven, que decidiu poñer música á "Oda á Alegría" escrita por Schiller en 1785.
A "Oda á Alegría" de Schiller expresa a visión idealista da fraternidade entre os seres humanos, visión que Beethoven compartía.
Coñecimos tres dos instrumentos de corda fretada (violín, viola e contrabaixo) e un de corda pulsada (guitarra).
MOITAS GRAZAS POLA VOSA INTERPRETACIÓN, MUSICAZOS!! A SEGUIR!!
CONCERTO DIDÁCTICO 1º CICLO: “LA MÁQUINA DEL TIEMPO”. SON FUTURO.
O martes 20 de febreiro o alumnado de 1º e 2º asistimos a un concerto didáctico no Palacio da Ópera titulado “La Máquina del Tiempo”. No coche de Willy (Ramiro Neira) que lle regalou seu avó, pero que resultou ser unha máquina do tempo, e con “Los Mecánicos” viaxamos ao ano 1960 gozando de nove cancións de debuxos animados ata os nosos días (dende “Popeye el Marino” ata “Peppa Pig”).
Este curso escolar tratamos o tema "O Cine", por iso aprendemos na clase de música as bandas sonoras de varias películas. Adaptámoslles as letras á música.
- 4º e 5º EI: "RESCUE" de "101 DÁLMATAS". MICHAEL KAMEN.
- 6º EI e 5º EP: "HE'S A PIRATE" de "OS PIRATAS DO CARIBE". KLAUS BADELT e HANS ZIMMER.
- 1º EP: "HAPPY" de “OS MINIONS”. PHARREL WILLIAMS.
- 2º EP: "AUGUSTUS GLOOP" de "CHARLIE E A FÁBRICA DE CHOCOLATE". DANNI ELFMAN.
- 3º EP: Prólogo de "HARRY POTTER". JOHN WILLIAMS.
- 4º EP: "SUPERCALIFRAXILISTICOESPIALIDOSO" de "MARY POPPINS". ROBERT B. SHERMAN e RICHARD M. SHERMAN.
- 6º EP: "PEACHES" de “SUPER MARIO BROS”. JACK BLACK.
Deixámosvos aquí unha mostra da gravación que realizamos cun grupo voluntario.
O 29 de marzo de 2023 fomos convidados polo CMUS da Coruña a un Concerto Didáctico titulado “A máquina do tempo”. Asistimos os nenos e nenas de 2º a 5º.
A través desta experiencia viaxamos polo tempo dende o Barroco no século XVII, pasando polo Clasicismo no século XVIII e indo ao séculos XX e XXI.
O alumnado do Conservatorio tocou distintos instrumentos, agrupacións instrumentais e obxectos sonoros: bidóns, piano, clave, quinteto de vento, saxofóns, acordeóns acompañados de frauta travesa e contrabaixo, orquestra de corda fretada e ensemble de guitarras e arpa.
Foi emocionante esa viaxe!! Volvimos fascinados/as!! A música fainos aflorar emocións e o nivel musical foi moi alto.
O alumnado de 2º acompañou a obra "The Syncopated Clock" de Leroy Anderson cos instrumentos P.A.D. (Percusión de Altura Determinada: xyllophones, metallophones and glockenspiels) e os P.A.I. (Percusión de Altura Indeterminada: maracas).
