Estámonos preparando para celebrar o Magosto no cole. Antes de nada imos facer as nosas bolsiñas para encher de castañas asadas, agardando a que chegue o gran día e non chova...
Por fin chegou o momento, e temos un día estupendo para comer as castañas no patio e despois xogar cos nosos compis aos xogos populares.
Para este día o alumnado de Infantil, puxo o seu graniño de area para loitar contra esta lacra, recordando que non se pega e que nenos e nenas son iguais e poden facer as mesmas cousas.
Fixemos varias manualidades e traballamos varios contos.
Polo día do Magosto, aprendemos de primeira man como se fan as castañas, grazas ao castañeiro e o seu tren, que nos contou a súa historia e tradición que ven dende moitos anos e porque lle chaman o Príncipe das castañas...
Despois degustamos as castañas todos xuntos para logo continuar cos xogos do magosto:
os bolos
o come castañas
e o paracaídas!!!.
Pasámolo realmente ben e ademáis acompañounos o tempo.
O martes, 9 de novembro, celebramos o magosto no noso colexio. Comemos castañas ao aire libre e, para facer a dixextión, un montón de xogos (zancos, o pano, a chave, corda, xogo da castaña, bolos, petanca...) no patio do centro.
Acompañounos o tempo meteorolóxico: daí o magosto con sabor a agosto... polo sol que lucía.
Este venres, 5 de novembro os alumnos e alumnas de 4º curso leron os seus microrrelatos macroterroríficos aos compañeiros de 2º curso no salón de actos do noso colexio.
O alumnado de Infantil participou na sesión de contos de Samaín que se fixo no salón de actos do colexio, os máis pequenos escoitamos o conto dos maiores e foi moi divertido!!!
O venres 29 de outubro achegámonos ao Museo de Pontevedra para participar na actividade “Pontevedra Lorquiana”. Alí fixéronnos unha breve reseña da vida de Federico García Lorca, e a súa vinculación con Galicia, e despois guiáronnos para realizar cada un de nós unha caricatura do escritor.
Aquí nos tendes, atarefados e ben atentiños para non perder detalle. Moito nos gusta facer manualidades para relaxarnos un pouquiño entre tanta actividade de mates, lingua ...
Este ano non visitamos o Salón do libro, así que Orbil mandounos á súa amiguiña, unha simpática raposiña, para que nos contara algunhas das divertidas anécdotas que leva vivido polas corredoiras adiante. Que pillabana é!!
Un ano máis estamos celebrando o día do libro, aínda que nós preferimos adicarlle o noso mural a tódolos días do ano, non só ao 23 de abril, para que todos eles sexan “días de libros”.
E aquí nos vedes, preparándoo todo para poder decorar despois o mural.
Un ano máis estamos conmemorando o Día Internacional da Muller, por iso nos puxemos mans á obra e lle adicamos un bonito mural ás nenas da nosa clase, que irán sendo grandes mulleres, MEDRANDO LIBRES !!
O 24 de febreiro é o día de Rosalía de Castro e os nenos de 1º estivemos coñecendo a súa vida e algúns dos seus poemas. Logo compuxemos un fragmento de "adiós ríos, adiós fontes" que sin dúbida é unha das súas obras maestras. Tamén bailamos ao ritmo de rock and roll coa versión que Astarot fixo do poema e deleitámonos coa voz de Amancio Prada.
Deixámosvos un vídeo co traballo que fixeron os nenos ese día. Esperamos que vos guste!!
Premer AQUÍ para ver o vídeo, se non abre o enlace.
Os nenos de 1º calzaron as súas botas e puxémonos mans á obra na horta plantando chícharos. Agora teremos que coidalos e esperar para a parte máis importante do traballo... COMELOS!!!
O 24 de febreiro é o día que a humanidade lle adica a Rosalía de Castro, a escritora por excelencia da nosa língua. Esa á data na que naceu, no ano 1837, a autora de Cantares Gallegos, obra cumio do Rexurdimento na nosa lingua despois de pasar os séculos escuros (e cuxa data de publicación é a recollida para o Día das Letras Galegas).
Decidimos inmortalizala fusionándoa en POP ART, ademais de facer unhas actividades en relación a este día tendo en conta a súa producción literaria e vida.
Aquí quedan retais dese día, ou desas 24 horas, que deberan ser un inicio do despeque da lingua nos próximos 24 séculos.
Con arte e a nosa fala, trazos de Rosalía:
A ver...como tamén coñecíamos outra Rosalía (tra-tra!!), decidimos que compartisen fondo para estar ben acompañadas baixo a mirada do POP ART.
Aínda que ficamos coa nosa Rosalía, claro, tamén sabemos mirar o arte doutro xeito, tamén actual.
E puxemos música, tamén: versións musicadas dos seus poemas, de autores tan variados como Amancio Prada, Astarot, Luz Casal, entre outros. Aquí deixamos unha versión para o recordo:
