blogue demanuelb

O martes, 25 de abril celebramos no noso colexio o día do libro.

Antes do recreo, o alumnado de quinto curso dispuxémonos a facer unha lectura colectiva do libro que estamos a ler nun atril á entrada da biblioteca.

Máis tarde, na hora da lectura, tódolos alumnos do centro baixamos ao patio para continuar rendíndolle tributo a un valor e ferramenta sen o cal non estariamos aquí, como é o libro.

Para ver unha representación en VÍDEO DE CADA CLASE DE QUINTO, premede nos enlaces de cada clase:

"La casa del tejado rojo" é o título dunha obra que se está a ler en 5º e 6º curso do noso colexio.

Este venres, 31 tivemos a oportunidade de que a súa prestixiosa autora, MÓNICA RODRÍGUEZ SUÁREZ, compartira connosco uns momentos para falar del e de todo tipo de cuestións relacionadas coa súa vida e obra.

Na primeira imaxe, Mónica asinando exemplares do libro de lectura a dúas alumnas de 5º curso. Na foto da dereita, visión da charla nas dependencias da biblioteca do centro.

Para saber máis sobre Mónica Rodriguez, premede AQUÍ 

O pasado xoves, 23 de marzo tivemos a visita do alumnado de Ciencias de Educación e Deporte da Universidade de Vigo de fomentar proxectos para transformar o patio do noso colexio.

A idea era contactar coas inquedanzas do alumnado e propoñer melloras en acorde coas súas expectativas.

En vindeiras datas, e de forma recíproca, unha representación do noso colexio irá ás dependencias da Facultade no campus da Xunqueira para visionar os proxectos.

Velaí unhas instantáneas da visita:

Para ver a noticia na páxina da Universidade, premer AQUÍ

  Este venres, 20 de maio, o alumnado de 4º B fixemos unha saída sobre o medioambiente e patrimonio cultural na aldea de O Salgueiral (Bora).

   Esta actividade ensírese nas ofertadas polo Concello de Pontevedra, proposta que representa unha iniciativa para poñer en valor e tranmsmitir aos rapaces e rapazas a vida que se fixo no pasado e que se fai hoxe en día no noso rural.

Para ver uns recordos, fai clic na imaxe:

Aldea de O Salgueiral (Bora)

 Clica NA IMAXE para ver como arranca o motor do muíño:

Saída ao salón de actos de Ciencias Forestais (Campus de Pontevedra - Universidade de Vigo) para o acto de visionado de videos e entrega de premios aos gañadores do concurso de Univisión organizado pola Universidade de Vigo.

O mércores, 18 de maio, foi a data escollida para tal fin.

ACTO DE UNIVISIÓN - MÉRCORES, 18 DE MAIO DE 2022

Este mércores, 4 de maio, o alumnado de 4º A fixo unha saída sobre o medioambiente e patrimonio cultural na aldea de O Salgueiral (Bora). Esta actividade ensírese nas ofertadas polo Concello de Pontevedra, proposta que representa unha iniciativa para poñer en valor e tranmsmitir aos rapaces e rapazas a vida que se fixo no pasado e que se fai hoxe en día no noso rural.

Para ver uns recordos, fai clic na imaxe:

As alumnas e alumnos de 3º A lemos un fragmento de "Cuentos para entender el mundo", de Eloy Moreno, co gallo da celebración do Día do Libro. 

O fragmento seleccionado foi o capítulo "La rosa y el sapo".

Deixamos un vídeo para o recordo.

Fai clic na imaxe para reproducilo:

O alumnado de 4º curso estivo a recoller datos na nosa estación meteorolóxica que, unha vez subidas a internet, formarán parte do traballo a realizar este curso en tódolos niveis.

Así medimos, asemade das precipitacións e humidade,  a forza do vento, temperatura mínima e máxima e presión atmosférica do día.

O martes, 9 de novembro, celebramos o magosto no noso colexio. Comemos castañas ao aire libre e, para facer a dixextión, un montón de xogos (zancos, o pano, a chave, corda, xogo da castaña, bolos, petanca...) no patio do centro.

Acompañounos o tempo meteorolóxico: daí o magosto con sabor a agosto... polo sol que lucía.

Para mostra, varios botóns:

Velaí as mostras dos nosos disfraces no 4º curso. 

Tampouco faltaron cancións e microrrelatos terroríficos...

O 24 de febreiro é o día de Rosalía de Castro e os nenos de 1º estivemos coñecendo a súa vida e algúns dos seus poemas. Logo compuxemos un fragmento de "adiós ríos, adiós fontes" que sin dúbida é unha das súas obras maestras. Tamén bailamos ao ritmo de rock and roll coa versión  que Astarot fixo do poema e deleitámonos coa voz de Amancio Prada.

Deixámosvos un vídeo co traballo que fixeron os nenos ese día. Esperamos que vos guste!!

Premer AQUÍ para ver o vídeo, se non abre o enlace.