Atención pais/nais

O prazo para a presentación de solicitudes de admisión de alumnado novo estará aberto do 1 ao 20 de marzo.

As solicitudes poderán presentarse:

• A través da aplicación "admisión alumnado" (deberá ser entregada impresa e entregada na secretaría do centro)

                 https://www.edu.xunta.gal/admisionalumnado

• Na sede electrónica da xunta de Galicia mediante Chave 365 ou DNI electrónico

• Presencialmente na secretaría do centro, con cita previa (de luns a xoves de 9:45h a 11:00h)

Formulario para tramitar a solicitude:

O formulario ED550B, a través do cal se tramita a solicitude poderá descargarse:

• Da páxina web do centro, premendo AQUI 
• Da aplicación admisionalumnado
• Da Sede Electrónica da Xunta de Galicia
• A escola facilitará, unha copia en papel do formulario ás persoas interesadas que o soliciten.

DOCUMENTACIÓN

a) Copia do DNI da persoa solicitante e dos membros computables da unidade familiar, cando deneguen a súa consulta no sistema de verificación de datos do Ministerio de Facenda.

b) Documento acreditativo do requisito de idade do alumno/a (DNI ou Libro de Familia)

c) Certificado de matrícula do centro de orixe

d) Convenio regulador ou resolución xudicial de separación ou divorcio, se é o caso, para o seu cotexo.

e) Copia do libro de familia onde figure o alumno/a e os demais membros computables.

f) Certificado de empadroamento dos membros da unidade familiar.

AVISO IMPORTANTE

• Cada familia só poderá presentar unha única solicitude no centro no que solicite praza en primeiro lugar.
• A solicitude deberá estar asinada por unha das persoas proxenitoras, xuntando o modelo ANEXO II- Bis co consentimento da outra

Estimadas familias:

Informámosvos de que o proceso para reservar praza nos centros adscritos estará aberto dende hoxe ata o 5 de febreiro incluído.

O alumnado de 6º de Educación Primaria que pretenda continuar os seus estudos no IES de Salvaterra de Miño deberá cubrir a solicitude de reserva e presentala no centro onde estea escolarizado/a actualmente.

A solicitude de reserva poderá presentarse dos seguintes xeitos:

1. Telematicamente a través da aplicación "admisionalumnado"

ADMISIONALUMNADO

Unha vez confirmada a solicitude, deberá descargala para asinala e presentala no centro de orixe.

2. Cubrindo a solicitude na aplicación, asinándoa dixitalmente e presentándoa na Sede Electrónica, para facer isto deberá ser usuario da Chave 365 ou contar cun Certificado dixital.

3. De forma manual, cubrindo o ANEXO I (ED550A) e entregándoo no centro de orixe.

• A solicitude deberá estar asinada por unha das persoas proxenitoras, xuntando o modelo ANEXO I bis co consentimento da outra.
• No caso de que o outro proxenitor non poida asinar o modelo ANEXO I bis por ausencia, admitirase unha declaración responsable da persoa que asine a solicitude indicando o motivo polo cal non pode asinar. (SÓ NO CASO DE PROXENITORES NON SEPARADOS NIN DIVORCIADOS)
• En caso de separación ou divorcio É OBRIGATORIO ASINAR O ANEXO I bis.

Para máis información

PREME AQUÍ