O mes de novembro, é o mes da Ciencia en Galego, para poder mostrar que a lingua é válida en calquera disciplina.
Para poder celebralo no CPI Atios, ademais de contar coa colaboración da nosa Biblioteca, tamén participamos co alumnado de 4º da ESO, o pasado luns 16, de 12:45 a 14:00 h., na Conferencia on line que ofreceu a Secretaría Xeral de Política Lingüística e Igaciencia, en colaboración co Centro Autonómico de Formación e Innovación (CAFI).
Impartida por Sonia Villapol Salgado, muller galega científica do Centro Médico de Texas (EEUU), que forma parte do equipo de investigación internacional da covid-19, na que nos falou sobre o Coronavirus, como evitalo e como combatelo.