Aproxímase a data de inicio de curso e, dadas as circunstancias especiais deste curso que iniciamos,  a dirección do centro convoca a todas as familias a unha reunión informativa, antes do inicio das clases, na cal se vos presentará o Plan de adaptación ao contexto COVID, as normas de funcionamento, a organización das aulas, recreos e comedor e se vos aclararán todas as dúbidas ou precupacións que poidades ter ao respecto da prevención e as posibles incidencias sanitarias. 

Así mesmo, dende a dirección do centro queremos aproveitar para transmitirvos unha mensaxe de tranquilidade e garantizarvos que o colexio está preparado para unha volta segura á vida escolar.

Se nos coidamos todos e respectamos as normas, todo irá ben. 

As datas e horas de celebración das reunións de presentación son as seguintes:

As reunións, en función do número de asistentes, desenvolveranse no Salón de Actos (no edificio de Infantil) ou no espazo multiusos, ao que se accederá dende o patio exterior, e gardando as normas de desinfección de mans, distancia social e uso de máscaras establecidas.

Se non podedes asistir podedes participar na reunión de xeito telemático a través de videoconferencia. Para solicitar esta modalidade de participación só precisamos que nos remitades un correo electrónico a cpi.san.vicente@edu.xunta.gal solicitando participar na reunión informativa de xeito telemático. Unha vez recibida a vosa solicitude enviarémosvos ao voso correo electrónico unha invitación á reunión a víspera da mesma.

Estreamos o noso espazo na Web do cole para anunciarvos tamén a estrea da nosa Escola de Nais e Pais cunha interesantísima charla e coloquio sobre Alimentación Saudable coa doutora Ana Martínez Lorente.

Grazas á colaboración do Centro Autonómico de Formación e Innovación, podemos organizar esta andaina de aprendizaxe. Desexamos que esta sexa a primeira de moitas actividades destinadas a proporcionar ás familias información e consello sobre os temas que máis nos preocupan.

Tamén grazas á colaboración do Concello da Baña, podemos contar cunha monitora na Biblioteca Escolar durante charla, para que as nais e pais que non teñades con quen deixar aos vosos pequenos, poidades asistir e participar na actividade.

Esperámosvos o XOVES 12 de DECEMBRO, ás 17:00 h no Salón de Actos do noso cole. Podedes traer amizades ou veciños/as interesada. Canta máis xente poida aproveitar esta oportunidade, mellor!