O alumnado de Camporrapado visitou a residencia de Codeso, logo de 7 anos da primeira visita.

Como averiguaron que tiñan horta, compartiron a súa sementeira con el@ e a colleita de leituga. E xa sabemos que a ensalada estaba deliciosa.

Aproveitamos un dos nosos burros entroideiros para levarlles a sorpresa. Identificamos as sementes con carteis. Tamén lles levamos o desfile de carrozas de San Cidre. Case non hai ningún residente da nosa zona, polo que aproveitamos o material do entroido para presentarlles a nosa festas.

Fixemos o desfile cantando unha versión carroceira do tradicional "zúmballe ao caneco". Despois cada nen@ presentou a súa carroza. E de recordo démoslle unha das minifotos da carroza das 50 edicións da festa de @oscheasoficial.

A continuación gozamos un dos nosos contos favoritos "as filloas de Manola", contado pola profe Andrea. Fixemos filloas e compartímolas cos maiores. O que lles gustou repartir as filloas e o que lle souberon a grandes e pequenos.

 Despois de unha boa merendola, á que fomos convidad@s, fixemos unha sesión de psicomotricidade na que traballamos con aros e pelotas. Actividade de gran importancia para a rutina diaria dos residentes para manterse activ@s e saudables.

Unha vez rematada a merenda, visitamos as instalacións: vimos as habitacións onde descubrimos pequenas cousas sobre os e as residentes: hai quen ten unha boneca, porque lle gustan os bebés, quen fai mantas de cores marabillosas, quen adora pintar...

Tamén vimos o cuarto de lavadoras, que as máis peques fascinoulles e a sala de rehabilitación, onde estivemos probando todos os aparatos que puideron.

Marcharon cargados de enerxía e de agasallos, debuxos e un detalle moi chulo para cada nen@.

Mil grazas por recibirnos con tanto agarimo. Esperemos poder repetilo.

E grazas ás familias polo carrexamento, se vós sería inviable.

Ao día seguinte falamos sobre esta experiencia. Estaban moi emocionad@s e fixeron uns debuxos do que máis lles gustou que lles mandaremos para a residencia.