blogue demonica

A DEVESA DAS RAPIÑAS

Xov, 18/04/2024 - 20:04 — monica

NON PODEMOS ESTUDAR AS AVES SEN FACER UNHA SAÍDA A VER ALGUNHA MÁIS DAS QUE VEMOS NA NOSA CONTORNA, POLO QUE COLLEMOS O BUS E SAÍMOS DE EXCURSIÓN Á "DEVESA DAS RAPIÑAS".

ALÍ PASAMOS UNHA MAÑÁ MOI INSTRUTIVA E DIVERTIDA, VIMOS MOITAS AVES DE RAPIÑA: DIFERENTES TIPOS DE ÁGUIAS, FALCÓNS, VOITRES, MOUCHOS, BUFOS, E OUTRAS QUE NON ERAN DE RAPIÑA, COMO A CEGOÑA.

FIXEMOS UN DESCANSIÑO PARA MERENDAR, E LOGO LLE DEMOS A MERENDA A UN VOITRE E MESMO NOS SOBREVOOU AS CABEZAS.

MIRADE, MIRADE!

EXCURSIÓN A DEVESA DAS RAPIÑAS 24 - Kizoa Movie Maker

SEMANA DA ÁRBORE E DA AUGA.

Mér, 20/03/2024 - 22:20 — monica

ESTAMOS NUNHA SEMANA MOI IMPORTANTE PARA A VISIBILIZACIÓN DA NECESIDADE DO COIDADO DO MEDIO AMBIENTE.

O 20 DE MARZO CHEGA A PRIMAVERA, NO C.R.A. REALIZAMOS CONVIVENCIAS ENTRE ESCOLAS PARA FACER TRES SAÍDAS Á CONTORNA DAS ESCOLAS DE SAN LOURENZO, DE SAN MARTIÑO E DE SAN TOMÉ.

FOI UN DÍA CHEO DE EMOCIÓNS E APRENDIZAXES. COMEZAMOS A XORNADA CONTANDO O CONTO DE PÉTALA, NO QUE VIMOS A IMPORTANCIA DA AUGA, LOGO FIXEMOS UN EXPERIMENTO SOBRE O CICLO DA AUGA E POR ÚLTIMO REALIZAMOS UNHA SAÍDA Ó RÍO. NELA PUIDEMOS ESCOITAR CANTOS DE PAXAROS E ATA VIMOS E RECOÑECEMOS ALGÚN, E VALORAMOS A IMPORTANCIA DA AUGA E DAS ÁRBORES.

CONVIVENCIA SEMANA DA ÁRBORE E DA AUGA - Kizoa Movie Maker

PLANTACIÓN DE AMORODOS

Mér, 20/03/2024 - 22:19 — monica

NESTA ÉPOCA DO ANO TOCA REPOÑER OS AMORODOS PARA NA PRIMAVERA DELEITARNOS CON ESTA FROITA TAN SABOROSA E SAUDABLE.

.

DÍA DE ROSALÍA

Dom, 25/02/2024 - 11:24 — monica

O 23 DE FEBREIRO CONMEMORAMOS O DIA DE ROSALÍA DE CASTRO.

COMO ESTAMOS A TRABALLAR AS AVES DA CONTORNA, QUIXEMOS LEMBRARNOS DE ROSALÍA CO SEU POEMA "EU BEN VIN ESTAR O MOUCHO"( POEMA 16 DA SÚA OBRA CANTARES GALEGOS). E APRENDENDO A CANCIÓN QUE O VERSIONA, "O MOUCHO" DE MIGALLAS.

DÍA DE ROSALÍA 24 - Kizoa Movie Maker

ENTROIDO 2.024

Dom, 18/02/2024 - 15:54 — monica

ESTE ENTROIDO DISFRAZÁMONOS TÓDALAS ESCOLAS DO C.R.A DE AVES DA CONTORNA, TRAXES QUE FIXEMOS NOS TALLERES COAS FAMILIAS. MOITAS GRAZAS, SEN VÓS ESTO NON SERÍA POSIBLE.

O 9 DE FEBREIRO TIVEMOS QUE ADIAR O DESFILE, PERO SI PUIDEMOS FACELO O VENRES 16, NON COMO TIÑAMOS PLANIFICADO INICIALMENTE, PERO PUIDEMOS LUCIR OS TRAXES POLO MOSTEIRO, DESPOIS DE ESCOITAR UNS CONTOS DE PAXAROS, FACER UN PEQUENO TEATRO OS MESTRES E DELEITARNOS CUNHA BOA MERENDOLA APORTADA POLAS FAMILIAS.

TULIPÁNS

Lun, 01/01/2024 - 14:09 — monica

NUNHA ÉPOCA DO ANO NA QUE NON PODEMOS SAÍR Á CONTORNA, GOZAR DA NATUREZA, TRAEMOS A NATUREZA ÁS NOSAS AULAS. ENTRE FINAIS DE NOVEMBRO E PRINCIPIOS DE DECEMBRO, PLANTAMOS NAS ESCOLAS TULIPÁNS.

PLANTACIÓN DE INVERNO

Lun, 01/01/2024 - 13:57 — monica

AS HORTAS DAS NOSAS ESCOLAS LEVABAN SEN SEREN TRABALLADAS DENDE A PRIMAVERA. A CHOIVA CONSTANTE RETRASOU A SÚA LIMPEZA E POSTA EN FUNCIONAMENTO. EN NOVEMBRO MELLOROU UN POUCO O TEMPO E APROVEITAMOS PARA FACER UNHA BOA LIMPEZA DE HERBAS NON DESEXADAS.