Novas

O IES Agra de Raíces celebra a súa "Semana Cultural"

Partindo da premisa que considera que unha educación de calidade aquela que responde ás novas demandas sociais dun xeito eficaz e proporciona non só un incremento na súa calidade de vida, senón tamén na igualdade, xustiza e oportunidade para todos, o IES Agra de Raíces quere completar a súa formación diaria na aula cunha semana cultural chea de diversas actividades. A denominada Semana Cultural será os días 18, 19 e 20 de maio durante os que se desenvolverán multitude de actividades tanto no centro como fóra. Deixámosvos aquí un resumo das actividades, o cuadrante por grupos e o cartel desta Semana cultural curso 2015-2016.

2 adxuntos

Homenaxe a Abdoulaye Fall Seck

Alumnos de 3º de ESO, amigos e compañeiros de Abdoulaye Fall Seck quixeron redirlles a súa pequena homenaxe disputando un partido de fútlbol na súa memoria para facer entrega posteriormente ao Unión Club de Fútbol de Muxía do trofeo gañado no partido. Varios destes alumnos estaban xogando con el o partido ese fatídico día e por iso quixeron disputar un partido na súa honra. Xogaron os grupos de 3º e 4º de ESO, sendo os xogadores amigos e compañeiros do rapaz muxián e espectadores os alumnos e alumnas dos grupos participantes.

Ademais do partido, os seus amigos pediron ao principio do partido un minuto de silencio na súa honra.

Equipos participantes no partido homenaxe.

Noticia no diario dixital Que pasa na costa.

Mural sala de recepción de pais e nais.

A comunidade educativa do noso centro felicita aos alumnos e alumnas de 4º de ESO da materia de Educación Plástica e Visual, que baixo a coordinación da súa profesora Ana Belén Burgos e da alumna do Máster Universitario de Formación do profesorado Lorena Castro, renovaron a sala de titorías con este presioso mural. Parabéns a todos e a todas polo traballo realizado.

Premios extraordinarios de bacharelato

Convocados os premios extraordinarios de bacharelato correspondentes ao curso 2015-2016. Aquí tendes o enlace á orde da convocatoria e tamén a un extracto da mesma.

Charlas do Plan Director

Este xoves, 14 de abril ás 18:00h no salón de actos do instituto, darán comenzo as charlas do Plan Director para a Convivencia e Mellora da Seguridade nos centros educativos e na súa contorna. Esas charlas están destinadas ás familias dentro dun programa de dous cursos, así que este ano empezarán coa 1ª fase en cada unha das seguintes temáticas:

- Uso axeitado das Novas Tecnoloxías.

- Acoso Escolar

- Drogas e Alcol.

Organiza a ANPA do IES Agra de Raíces en colaboración coa Vicedirección do centro.

Probas de acceso a ciclos formativos de Grao Medio

Ata o 15 de abril está aberto o prazo de inscrición para as probas de acceso a ciclos formativos de grao medio, poderás facelo cubrindo o Anexo I desta Orde ou telemáticamente na URL http://www.edu.xunta.es/fp. Neste enlace está toda a información da convocatoria 2016, se tés dúbidas pasa pola secretaría do centro.

Axudas para a realización de actividades de formación en linguas estranxeiras

Xúntase o enlace á Orde do 14 de marzo pola que se convocan axudas para a realización de actividades de formación en linguas estranxeiras no ano 2016, destinadas ao alumnado dos centros docentes sostidos con fondos públicos.

Enlace á información na páxina da Consellería.

Gañadores da fase provincial

Boa nova para os alumnos e alumnas de Educación Plástica e Audiovisual de 1º de ESO que resultaron ser os gañadores da fase provincial na categoría da ESO do 32 Concurso Once "Descubrir tu talento lo cambia todo". Os alumnos de 1º ESO C baixo a coordinación da profesora e vicedirectora do centro, Ana Belén Burgos participaron coa composición fotográfica "Que nadie te pare" xunto con 2.965 escolares máis procedentes de 38 centros de toda a provincia quedando os nosos alumnos gañadores provinciais. Parabéns a todos os alumnos e alumnas e á súa coordinadora!!!