Skip to Content

INFORMACIÓN IMPORTANTE

 

Comunicado conxunto dos centros CEIP Alfonso R. Castelao, CEIP Celso Emilio Ferreiro, CEIP Escultor Acuña e IES Álvaro Cunqueiro no día 13 de novembro de 2023.

Versión en pdf.

 

Parlamento Xove 2024

Dous grupos de estudantes de 1º de bacharelato participan esta fin de semana na 15ª edición do Parlamento Xove. Levan varias semanas preparando xunto ás súas profesoras un interesante tema de debate:

Os Estados deben tomar medidas para limitar o desenvolvemento da intelixencia artificial?

Para seguir en directo a competición aquí tendes os enlaces para o streaming de YouTube:

Na seguinte ligazón tendes os horarios e as salas dos distintos debates nos que participan os equipos do centro.

 

Xornada de prelanzamento do CanSat na Cidade da Cultura 2024

O pasado 6 de marzo, o alumnado do club de ciencias que participa no proxecto CanSat acudiu á Cidade da Cultura a Santiago de Compostela para compartir unha xornada co resto de centros que preparan este proxecto.

Os nosos equipos (CoiaSat e P4noramix7), tiveron a oportunidade de coñecer ao resto de grupos galegos e pasar un día de convicencia todos xuntos. Tamén puideron desfrutar das charlas de El Barroquista, SpaceLab, e coñecer o proxecto MarumaSat.

Seguiremos traballando nos nosos proxectos agardando ao día do lanzamento!

2024/03/11 - Ampliado o prazo para a solicitude das probas de acreditación da competencia dixital do alumnado

A Consellería de Educación amplía ata o 15 de marzo o prazo de presentación de solicitudes para a inscrición nas probas específicas para a acreditación das competencias dixitais do alumnado que cursa 4º de educación secundaria obrigatoria e 2º de bacharelato na Comunidade Autónoma de Galicia no curso 2023/24.

Para a inscrición deberá presentarse na administración do centro o anexo IV da convocatoria debidamente cumprimentado.

Enlace á resolución do 28 de febreiro de 2024.

 

Excursión 3º ESO a Manzaneda 2024

O alumnado de 3º da ESO realizará unha excursión do 17 ao 19 de abril a Manzaneda (Ourense).

Ata o 8 de marzo poderá entregarse en secretaría a documentación asinada que podedes descargar nos seguintes enlaces:

Ademais levarase a cabo unha venda de rifas a través da ANPA para axudar a sufragar a excursión

 

2024/03/01 - Aberto o prazo de presentación de solicitudes de admisión para o curso 2024-2025

Xa está aberto o prazo de presentación de solicitudes de admisión para o curso 2024-2025.

Poden consultar as vacantes dispoñibles no centro neste enlace ou no recibidor do instituto.

A solicitude pódese facer presencialmente no centro ou a través da aplicación de admisiónalumnado.

Visita á asociación Alento e ao Conservatorio Superior de Música 2024

Os pasados días 27 e 29 de marzo o Departamento de Música realizou dúas actividades extraescolares co alumnado do centro.

O martes 27 o coro formado por alumnas de 3ºESO visitaron as instalacións que a Asociación Alento ten no barrio de Navia e ofreceron un concerto aos residentes, os cales nos acolleron con moita ilusión e afecto.

Por outra banda, o xoves 29 foron alumnos e alumnas de 2ºESO A e B quenes disfrutaron dun magnífico concerto didáctico da orquestra de vento do Conservatorio Superior de Música de Vigo. Agradecemos ao Concello de Vigo pola organización e agardamos que esta iniciativa se poda repetir no futuro para poder así disfrutar de música en directo e poñer en valor as agrupacións e institución musicais da cidade.

Obradoiro de Crêpes 2024

O pasado mes de xaneiro, os días 29 e 30, o alumnado de Francés participou nun taller de crêpes. Tiveron a oportunidade de coñecer a cultura bretona, de poñer en práctica a lingua francesa así como degustar e facer a súa propia crêpe.

A actividade foi un éxito grazas á implicación do alumnado e o seu bo comportamento.

  

2024/02/29 - Vacantes para o curso 2024-2025

Xa están publicadas as vacantes para o curso 2024-2025.

Pódense consultar tamén no recibidor do centro.

Curso Vacantes
1º ESO 17
2º ESO 0
3º ESO 2
4º ESO 8
1º Bacharelato de Ciencias e tecnoloxía 0
1º Bacharelato de Humanidades e ciencias sociais 0
2º Bacharelato de Ciencias e tecnoloxía 10
2º Bacharelato de Humanidades e ciencias sociais 7

 

Aplicación AdmisionAlumnado

 

2024/02/22 - Publicación das listaxes de alumnado admitido para o curso 2024-2025 procedente dos centros adscritos

Todo o alumnado dos centros adscritos que fixo a reserva de praza para o noso centro está admitido. Pódense consultar as listas na aplicación de admisión alumnado ou no taboleiro do recibidor do instituto.

Deberán formalizar a matrícula do 23 de xuño ao 7 de xullo (ambos incluídos).

En breve actualizaremos as instrucións de matrícula.

 

Distribuir contido


by Dr. Radut