O noso alumnado participa na campaña Aquí tamén se fala en colaboración co comercio da nosa zona. Moitos foron os locais que se adheriron a esta iniciativa grazas ao activismo da rapazada do centro que se implicou activamente.

En Coia fálase galego, como o demostran a multitude de comercios que puxeron nas súas portas o cartel. 

Graciñas! Aquí tamén se fala!

O Departamento de Música organizou unha visita ao Museo Etnográfico Liste de Vigo para o alumnado de 2  ESO e D.

Tiveron a oportunidade de participar nunha visita guiada polas distintas zonas dedicadas os tecidos, oficios, medicina popular ou ao mundo agrícola comprobando as súas propias raíces culturais e as relacións do exposto con materias como Galego,Historia,Tecnoloxía ou Música.

Os días 15 e 16 de marzo alumnado de 1º de bacharelato participou no Parlamento Xove 2024.

Constituíron dous equipos, o primeiro composto por Inés Cordón, Alba García, Julia Vidal e Erick Villaverde e o segundo por Samuel Panadeiros, Claudia Álvarez, Thalía Carreira e Noa Costas.

O tema a debater este ano era se os estados deben limitar o desenvolvemento da Intelixencia Artificial e enfrontáronse a tres centros de toda Galicia. Acompañados das súas profesoras Susana González e Malores Villanueva, o noso alumnado demostrou solvencia e así se reflicte nos seus resultados.