Este ano os clubs de ciencias do IES Alexandre Bóveda e o IES Álvaro Cunqueiro volveron traballar conxuntamente para presentar un proxecto no CinVigo, levando a ciencia ás rúas do centro da cidade.

Igual que o curso pasado, o club segue traballando a nosa contorna. Despois de dar a coñecer o parque da Bouza, este curso o alumnado centrouse nas especies de plantas silvestres comestibles que hai ao noso redor e como podemos aproveitalas.

Tivemos ademais a grande sorte de contar coas familias que se implicaron de cheo no proxecto. O resultado foi.... exquisito!

Premede na foto para ir á galería!

@cinbio_uvigo

O pasado venres 12 de abril tres estudantes de 2º de bacharelato tiveron a sorte de participar nunha visita ao Centro de Supercomputación de Galicia (CESGA).

Aprenderon sobre as diferenzas entre computación cuántica e clásica e os tipos de ordenadores cuánticos que traballan os distintintos centros de investigación e compañías.

Ademais puideron visitar a instalación so supercomputador FINISTERRAE e o ordenador cuántico que ten o CESGA, o QMIO.

Foi unha boa xornada que fixo que o madrugón para o autobús pagase a pena.

Xa agardando para a próxima, na que ogallá poda acudir máis alumnado!

O día 9 de abril o alumnado de 4° da ESO visitou os centros de FP Manuel Antonio e Valentín Paz Andrade onde puideron valorar outras saídas profesionais unha vez que teñan o título da ESO.

Coma sempre grazas por recibirnos tan ben, foi unha xornada moi proveitosa para o noso alumnado!